EWS reservation: କାହାକୁ ଓ କିପରି ମିଳିବ ୧୦% ସଂରକ୍ଷଣ? ଜାଣନ୍ତୁ ପୂରା ତଥ୍ୟ

EWS reservation: ଅପରିବର୍ତ୍ତିତ ରହିବ EWS ସଂରକ୍ଷଣ। ସୋମବାର ସୁପ୍ରିମକୋର୍ଟ ଏହି ଐତିହାସିକ ନିଷ୍ପତ୍ତି ନେଇଛନ୍ତି। ଆର୍ଥିକ ଦୁର୍ବଳ ଶ୍ରେଣୀର ସାଧାରଣ ବର୍ଗଙ୍କ ସଂରକ୍ଷଣ ସପକ୍ଷରେ ସର୍ବୋଚ୍ଚ ଅଦାଲତ ମୋହର ମାରିଛନ୍ତି। ଏହା ସମ୍ବିଧାନର ମୂଳ ଢାଞ୍ଚାକୁ ଉଲ୍ଲଙ୍ଘନ କରୁନାହିଁ ବୋଲି ବିଚାରପତି କହିଛନ୍ତି। ମୁଖ୍ୟ ବିଚାରପତି ୟୁୟୁ ଲଳିତଙ୍କ ନେତୃତ୍ୱାଧିନ ସମ୍ବିଧାନୀକ ଖଣ୍ଡପୀଠ ରାୟ ପ୍ରକାଶ କରିଛନ୍ତି। କିନ୍ତୁ ଏହି ରାୟ ୩-୨ରେ ଆସିଛି। ମୁଖ୍ୟ ବିଚାରପତିଙ୍କ ସମେତ ଦୁଇ ଜଣ ଜଷ୍ଟିସ EWS ସଂରକ୍ଷଣକୁ ବିରୋଧ କରିଛନ୍ତି। ତେବେ ଆସନ୍ତୁ ଜାଣିବା EWS ସଂରକ୍ଷଣ କାହାକୁ ଓ କିପରି ମିଳିବ..

EWS ର ମୁଖ୍ୟ ହିତାଧିକାରୀ କିଏ?

ଜାତି ଏବଂ ଶ୍ରେଣୀ ଉପରେ ଆଧାରିତ ସଂରକ୍ଷଣ ପରି, EWS କୋଟା ଆର୍ଥିକ ଦୁର୍ବଳ ଶ୍ରେଣୀର ସାଧାରଣ ବର୍ଗକୁ ସଂରକ୍ଷଣ ପ୍ରଦାନ କରିଥାଏ। ଏକ ସାଧାରଣ ବର୍ଗର ବ୍ୟକ୍ତି EWS ଅଧୀନରେ ଆସିବା ତାଙ୍କ ପରିବାରର ବାର୍ଷିକ ଆୟ ଉପରେ ନିର୍ଭର କରେ। ଜଣେ ବ୍ୟକ୍ତି EWS କୋଟା ଅଧୀନରେ ଆସିବା ପାଇଁ, ତାଙ୍କ ପରିବାରର ବାର୍ଷିକ ଆୟ ୮ ଲକ୍ଷ ଟଙ୍କାରୁ କମ୍ ହେବା ଉଚିତ୍। ଏଠାରେ, ଆୟର ଉତ୍ସ କୃଷି, ବ୍ୟବସାୟ ଏବଂ ଅନ୍ୟାନ୍ୟ ବୃତ୍ତି ମଧ୍ୟ ଅନ୍ତର୍ଭୁକ୍ତ ଅଟେ।

Also Read: EWS reservation: 'ସୁପ୍ରିମକୋର୍ଟ ଗୋଟିଏ ଜାତିବାଦୀ ସଂସ୍ଥା'

EWSର ସମ୍ପତ୍ତି ଉପରେ ବାଧ୍ୟତାମୂଳକ ସର୍ତ୍ତ:-

EWS ଅଧିନକୁ ଆସୁଥିବା ହିତାଧିକାରୀମାନଙ୍କ ପାଇଁ କିଛି ବାଧ୍ୟତାମୂଳକ ସର୍ତ୍ତ ରହିଛି। ଏହି ବର୍ଗ ଅଧୀନରେ ଥିବା ବ୍ୟକ୍ତିଙ୍କର ୫ ଏକରରୁ କମ୍ କୃଷି ଜମି ଥିବା ଆବଶ୍ୟକ। ଏହା ସହିତ, ତାଙ୍କ ଆବାସିକ ଗୃହ ୨୦୦ ବର୍ଗ ମିଟର କିମ୍ବା ଏଥିରୁ ଅଧିକ ହେବା ଉଚିତ୍ ନୁହେଁ। ଯଦି ଏକ ଆବାସିକ ଗୃହ ୨୦୦ ବର୍ଗ ମିଟରରୁ ଅଧିକ, ଏହା ପୌରସଂସ୍ଥା ଅଧୀନରେ ଆସିବା ଉଚିତ୍ ନୁହେଁ।

EWS ସଂରକ୍ଷଣ କେଉଁଠାରେ ପ୍ରଯୁଜ୍ୟ?

EWS ସଂରକ୍ଷଣ ସରକାରୀ ଚାକିରି ପାଇଁ ସଂରକ୍ଷଣ ପ୍ରଦାନ କରିବା ସହିତ ଶିକ୍ଷାନୁଷ୍ଠାନରେ ଆଡମିଶନ ପାଇଁ ଆବେଦନ କରିବାରେ ସଂରକ୍ଷଣ ପ୍ରଦାନ ପ୍ରଦାନ କରିଥାଏ। ଶିକ୍ଷାନୁଷ୍ଠାନ ଏବଂ ସରକାରୀ ଚାକିରିରେ ଆଡମିଶନ ପାଇଁ EWS କୋଟା ଅଧୀନରେ ୧୦ ପ୍ରତିଶତ ସଂରକ୍ଷଣ ରହିବ।

Also Read: EWS reservation: ସରକାରଙ୍କ ବିଶାଳ ବିଜୟ, ସୁପ୍ରିମକୋର୍ଟ ଦେଲେ ଏହି ବଡ଼ ରାୟ

EWS ପାଇଁ ପ୍ରମାଣ :-

ଜଣେ ବ୍ୟକ୍ତି ନିଜକୁ EWS ପ୍ରମାଣିତ କରିବାକୁ ହେଲେ, ସେ EWS ସମ୍ପ୍ରଦାୟର ହେବା ଉଚିତ। ଏହା ସହିତ ତାଙ୍କ ପାଖରେ 'ଆୟ ଏବଂ ସମ୍ପତ୍ତି ପ୍ରମାଣପତ୍ର' ରହିବା ଆବଶ୍ୟକ। ପ୍ରମାଣପତ୍ର କେବଳ ତହସିଲଦାର କିମ୍ବା ତା’ଠାରୁ ଉଚ୍ଚ ଗେଜେଟେଡ୍ ଅଧିକାରୀଙ୍କ ଦ୍ୱାରା ପ୍ରଦାନ କରାଯିବା ଆବଶ୍ୟକ। ଏହି ଆୟ ପ୍ରମାଣପତ୍ର ଏକ ବର୍ଷ ପାଇଁ ବୈଧ ରହିବ। EWS ହିତାଧିକାରୀଙ୍କୁ ପ୍ରତିବର୍ଷ ସେମାନଙ୍କର ପ୍ରମାଣପତ୍ର ନବୀକରଣ କରିବାକୁ ପଡିବ।

ଆର୍ଥିକ ପଛୁଆବର୍ଗଙ୍କ ପାଇଁ ଲାଗୁ ହୋଇଥିବା ସଂରକ୍ଷଣକୁ ବିରୋଧ କରି ସୁପ୍ରିମକୋର୍ଟରେ ଚ୍ୟାଲେଞ୍ଜ ହୋଇଥିଲା। ଏହାକୁ ଅସାମ୍ବିଧାନିକ ବୋଲି ଦୁଇଟି ଏନଜିଓ ମାମଲା ଦାଏର କରିଥିଲେ। ତେବେ ଏହି ମାମଲାରେ ସୁପ୍ରିମକୋର୍ଟ ସୋମବାର ରାୟ ଶୁଣାଇଛନ୍ତି। ମୋଦି ସରକାର ସାଧାରଣ ବର୍ଗରେ ଆର୍ଥିକ ଅନଗ୍ରସରଙ୍କ ପାଇଁ କେନ୍ଦ୍ର ସରକାର ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କରିଥିଲେ।  ସମ୍ବିଧାନରେ ୧୦୩ତମ ସଂଶୋଧନ କରାଯାଇଥିଲା। ୨୦୧୯ରେ ସମ୍ବିଧାନର ଅନୁଚ୍ଛେଦ ୧୫ ଓ ୧୬ ଉପବନ୍ଧ-୬ରେ ଏହାକୁ ଯୋଡ଼ା ଯାଇଥିଲା। ହେଲେ ଏହାକୁ ଅସାମ୍ବିଧାନିକ କହି ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା।