Sri Lanka Presidential Election: ରାନିଲ ୱିକ୍ରେମେସିଂଘେ ହେବେ ଶ୍ରୀଲଙ୍କାର ନୂଆ ରାଷ୍ଟ୍ରପତି, ୬ ଥର ରହିସାରିଛନ୍ତି ପିଏମ

Sri Lanka Presidential Election: ରାନିଲ ୱିକ୍ରେମେସିଂଘେ (Ranil Wickremesinghe) ବର୍ତ୍ତମାନ ଶ୍ରୀଲଙ୍କାର ନୂତନ ରାଷ୍ଟ୍ରପତି ହେବେ । ପୋଷ୍ଟେଲ ବାଲେଟରେ ୧୩୪ ଜଣ ସାଂସଦ ତାଙ୍କ ସପକ୍ଷରେ ଭୋଟ୍ ଦେଇଛନ୍ତି । ବର୍ତ୍ତମାନ, ରାନିଲ ୱିକ୍ରେମେସିଂଘେ କାର୍ଯ୍ୟନିର୍ବାହୀ ରାଷ୍ଟ୍ରପତିଙ୍କ ଦାୟିତ୍ବ ତୁଲାଉଛନ୍ତି । ଦୁଲାସ୍ ଆଲହାପୁରୁମା ୮୨ ଟି ଭୋଟ୍ ପାଇଥିବାବେଳେ କେବଳ ୩ ଜଣ ସାଂସଦ ଅନୁରା କୁମାରା ଡିସନାୟାକେଙ୍କ ସପକ୍ଷରେ ଭୋଟ୍  ଦେଇଛନ୍ତି ।

ରାଜନୀତିରେ ରାନିଲ ୱିକ୍ରେମେସିଂଘେଙ୍କର ଦୀର୍ଘ ଅଭିଜ୍ଞତା ରହିଛି । ସେ ଶ୍ରୀଲଙ୍କାର ୬ ଥର ପ୍ରଧାନମନ୍ତ୍ରୀ ରହି ସାରିଛନ୍ତି । ତାଙ୍କର ୟୁନାଇଟେଡ୍ ନ୍ୟାସନାଲ ପାର୍ଟିରେ ସଂସଦରେ କେବଳ ଜଣେ ସାଂସଦ ଅଛନ୍ତି । ରାଜନୀତିରେ ଯୋଗଦେବା ପୂର୍ବରୁ ରାନିଲ ଜଣେ ସାମ୍ବାଦିକ ଓ ଓକିଲ ମଧ୍ୟ ରହି ସାରିଛନ୍ତି । ୧୯୭୭ ମସିହାରେ ସେ ସାଧାରଣ ନିର୍ବାଚନରେ ​​ଜିତିବା ପରେ ପ୍ରଥମ ଥର ପାଇଁ ସାଂସଦ ହୋଇଥିଲେ । ସେ ୧୯୯୩ ରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ହୋଇଥିଲେ ।

Ranil Wickremesinghe elected as the new President of Sri Lanka: Reuters pic.twitter.com/WGjaLPY0zj

— ANI (@ANI) July 20, 2022

ଦେଶର ସବୁଠାରୁ ଖରାପ ଅର୍ଥନୈତିକ ସଙ୍କଟକୁ ମୁକାବିଲା କରିବାରେ ଶ୍ରୀଲଙ୍କା ସରକାର ବିଫଳ ହେବା ପରେ ଲୋକମାନେ ରାସ୍ତାକୁ ଓଲ୍ଲାଇଥିଲେ ଓ ଦେଶରେ ରାଜନୈତିକ ଅସ୍ଥିରତା ଓ ବିଶୃଙ୍ଖଳା ମଧ୍ୟରେ ଗୋଟାବାୟା ରାଜପକ୍ସା ରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ ।

୧୯୭୮ ପରଠାରୁ ପ୍ରଥମ ଥର ପାଇଁ ଶ୍ରୀଲଙ୍କାରେ ରାଷ୍ଟ୍ରପତି ନିର୍ବାଚନ ସାଂସଦମାନଙ୍କ ସ୍ୱର ଗୁପ୍ତ ମତଦାନ ଦ୍ୱାରା ଅନୁଷ୍ଠିତ ହେଉଛି । ଏହାପୂର୍ବରୁ ୧୯୯୩ ରେ, ତତ୍କାଳୀନ ରାଷ୍ଟ୍ରପତି ରଣସିଂହ ପ୍ରେମଦାସଙ୍କୁ ହତ୍ୟା କରାଯିବା ପରେ ରାଷ୍ଟ୍ରପତି ପଦ ଖାଲି ପଡିଥିଲା । ସେତେବେଳେ ସଂସଦରେ ପ୍ରେମାଦାସଙ୍କ କାର୍ଯ୍ୟକାଳ ପୂରଣ କରିବାର କାର୍ଯ୍ୟ ଡି.ବି.ଜେଜୁଙ୍ଗାଙ୍କୁ ସର୍ବସମ୍ମତି କ୍ରମେ ଦିଆଯାଇଥିଲା ।

ଦେଶରେ ବୈଦେଶିକ ମୁଦ୍ରା ସଂରକ୍ଷଣର ତୀବ୍ର ଅଭାବ ଯୋଗୁଁ ଖାଦ୍ୟ ପଦାର୍ଥ, ଇନ୍ଧନ ଓ ଔଷଧ ଭଳି ଅତ୍ୟାବଶ୍ୟକ ସାମଗ୍ରୀର ଆମଦାନୀ ଖରାପ ପ୍ରଭାବିତ ହୋଇଛି । ବୈଦେଶିକ ଋଣ ୫୦ ବିଲିୟନ ଆମେରିକୀୟ ଡଲାରରୁ ଅଧିକ ହୋଇଛି । ଚଳିତ ବର୍ଷ ଶ୍ରୀଲଙ୍କାକୁ ୭ ବିଲିୟନ ଆମେରିକୀୟ ଡଲାରର ଋଣ ପରିଶୋଧ କରିବାକୁ ପଡିବ । ମାର୍ଚ୍ଚରେ ଶ୍ରୀଲଙ୍କାରେ ସଙ୍କଟ ଆରମ୍ଭ ହୋଇଥିଲା ଯେତେବେଳେ କିଛି ଲୋକ ଏକ ଛୋଟ ଦଳରେ ଏକାଠି ହୋଇଥିଲେ ଓ ଦୁଗ୍ଧ ପାଉଡର, ନିୟମିତ ବିଦ୍ୟୁତ୍ ଯୋଗାଣ ଭଳି ମୌଳିକ ଦାବି ପାଇଁ ବିରୋଧ ଆରମ୍ଭ କରିଥିଲେ ।

ଏହା ବି ପଢ଼ନ୍ତୁ: ଶିବସେନାର ରାଜା କିଏ? ଉଦ୍ଧବଙ୍କ ଉପରେ ସିନ୍ଦେଙ୍କ ଆଉ ଏକ ବଡ଼ ଆଟାକ୍, EC କୁ ଲେଖିଲେ ଚିଠି

ଏହା ବି ପଢ଼ନ୍ତୁ: CBSE 10th 12th Result 2022: CBSE ଦଶମ, ଦ୍ୱାଦଶ ଶ୍ରେଣୀ ରେଜଲ୍ଟକୁ ନେଇ ଆସିଲା ବଡ଼ ଅପଡେଟ୍