Agniveer Jawan: ସିଆଚୀନରେ ସହିଦ ଦେଶର ପ୍ରଥମ ଅଗ୍ନିବୀର, ପରିବାରକୁ ମିଳିବ କି କି କ୍ଷତିପୂରଣ ?

Agniveer Jawan: ଦୁନିଆର ସର୍ବୋଚ୍ଚ ସାମରିକ କ୍ଷେତ୍ର ସିଆଚୀନ୍‌ରେ ନିଯୁକ୍ତି ପାଇଥିବା ଅଗ୍ନିବୀର ଯବାନ ଗୱାତେ ଅକ୍ଷୟ ଲକ୍ଷ୍ମଣ ଡ୍ୟୁଟିରେ ଥିବାବେଳେ ସହିଦ ହୋଇଥିଲେ। ଏହିପରି ଭାବରେ, ସେ ପ୍ରଥମ ଯବାନ ଭାବରେ ଅଗ୍ନିବୀର ଭାବରେ ସହିଦ ହୋଇଛନ୍ତି। ଅଗ୍ନିବୀର ସହିଦ ଯବାନଙ୍କ ପରିବାର ପାଇଁ ମଧ୍ୟ କ୍ଷତିପୂରଣ ଘୋଷଣା କରାଯାଇଛି। ଭାରତୀୟ ସେନା ସୋସିଆଲ ମିଡିଆରେ ଯବାନଙ୍କ ସହିଦ ବିଷୟରେ ସୂଚନା ଦେଇଥିଲେ। ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ଏବଂ ଫୋର୍ସର ସମସ୍ତ କର୍ମକର୍ତ୍ତା ସହିଦଙ୍କ ନିଧନରେ ଶୋକମନ୍ତବ୍ୟ ଦେଇଥିଲେ।

ଯେଉଁସ୍ଥାନରେ ଅଗ୍ନିବୀର ଯବାନ ସହିଦ ହୋଇଥିଲେ ସେହି ସ୍ଥାନ ସିଆଚୀନର ସବୁଠୁ ଉଚ୍ଚତମ ଶୃଙ୍ଗ ୨୦ ହଜାର ଫୁଟ୍ ବରଫାବୃତ ଅଞ୍ଚଳରେ ନିଯୁକ୍ତି ହୋଇଥିଲେ। ଏହି ସ୍ଥାନକୁ ସବୁଠୁ ଭୟଙ୍କର ଯୁଦ୍ଧ କ୍ଷେତ୍ର ଭାବେ ବିବେଚନା କରାଯାଏ।  ଗୱାତେ କାରାକୋରମ୍ ରେଞ୍ଜର ପାଖାପାଖି ୨୦ ହଜାର ଫୁଟ୍ ଉଚ୍ଚରେ ସ୍ଥିତ ସିଆଚୀନ ଗ୍ଲାସିୟର ଉପରେ ମୁତୟନ ଥିଲେ। ଦୁନିଆର ସବୁଠୁ ଉଚ୍ଚ ଯୁଦ୍ଧ ସ୍ଥଳ ଭାବେ ଏହି ଗ୍ଲାସିୟର ଜଣାଶୁଣା।  ଏଠାରେ ଅତ୍ୟଧିକ ବରଫପାତ ସହ ଝଡ଼ର ସାମ୍ନା କରିବାକୁ ପଡିଥାଏ ସେନାବାହିନୀ ଓ ଯବାନଙ୍କୁ । ତେବେ ଏହା ଭାରତର ସବୁଠୁ ବଡ଼ ଓ ଦୁନିଆର ଦ୍ୱିତୀୟ ବଡ଼ ଗ୍ଲାସିୟର ବୋଲି କୁହାଯାଏ। 

ଏଥି ସହ ଡ୍ୟୁଟିରେ ଥିବାବେଳେ ସହିଦ ହୋଇଥିବା ଯବାନଙ୍କ ପରିବାରକୁ ଏକକୋଟିରୁ ଅଧିକ ଟଙ୍କା ଦିଆଯିବ ବୋଲି ଭାରତୀୟ ସେନା କହିଛି। କ୍ଷତିପୂରଣ ଅନୁଯାୟୀ ପ୍ରାପ୍ତ ପରିମାଣକୁ କିପରି ବିଭକ୍ତ କରାଯାଇଛି ସେନା ମଧ୍ୟ କହିଛି। ଭବିଷ୍ୟତ ଜିନିଷକୁ ଧ୍ୟାନରେ ରଖି ପରିବାରକୁ କେତେ ଟଙ୍କାର ସହାୟତା ଦିଆଯାଉଛି ଆସନ୍ତୁ ଜାଣିବା...

ସହିଦ ଯବାନଙ୍କ ପରିବାରବର୍ଗଙ୍କୁ ବୀମା ସ୍ୱରୂପ ୪୮ ଲକ୍ଷ ଟଙ୍କା ପ୍ରଥମେ ମିଳିବ । ଏହାବ୍ୟତୀତ ଅନୁକମ୍ପା ରାଶି ଭାବେ ୪୪ଲକ୍ଷ ଟଙ୍କା ପ୍ରଦାନ କରାଯିବ । ସେବା ନିଧି ଅନୁଯାୟୀ (୩୦%)ର ଅଂଶଧନ ମିଳିବ, ଯେଉଁଥିରେ ସରକାରଙ୍କ ଦ୍ୱାରା ସମାନ ଯୋଗଦାନ ଓ ଏହା ଉପରେ ସୁଧ ହାର ଅନ୍ତର୍ଭୁକ୍ତ ମଧ୍ୟ କରାଯିବ। ମୃତ୍ୟୁର ସେହି ତାରିଖରୁ ୪ ବର୍ଷ ଶେଷ ହେବା ପର୍ଯ୍ୟନ୍ତ ଦରମା ପରିବାର ବର୍ଗଙ୍କୁ ମିଳିବ। ଶେଷ କାର୍ଯ୍ୟକାଳ ବେଳକୁ ଏହି ରାଶି ୧୩ ଲକ୍ଷ ଟଙ୍କାରୁ ମଧ୍ୟ ଅଧିକ ହେବ । ସଶସ୍ତ୍ର ବାହିନୀ ଯୁଦ୍ଧ କାଜୁଆଲିଟି ପାଣ୍ଠିରୁ ୮ ଲକ୍ଷ ଟଙ୍କାର ସହାୟତା ପ୍ରଦାନ କରାଯିବ। ଏହାସହ ଆର୍ମି ୱାଇସ୍ ୱେଲଫେୟାର ଆସୋସିଏସନ୍ ତରଫରୁ ୩୦ ହଜାର ଟଙ୍କାର ଆର୍ଥିକ ସହାୟତା ପରିବାର ଲୋକଙ୍କୁ ପ୍ରଦାନ କରାଯିବ । ତେବେ ସର୍ବମୋଟ ଏହି ସହାୟତା ଧନରାଶି ୧ କୋଟି ୧୩ ଲକ୍ଷ ଟଙ୍କାରୁ ଅଧିକ ହେବ ବୋଲି କୁହାଯାଉଛି।

Also Read: Parag Desai: କୁକୁର କାମୁଡ଼ାରେ ଏହି ଜଣାଶୁଣା ଉଦ୍ୟୋଗପତିଙ୍କ ଦେହାନ୍ତ

Also Read: Israel Gaza War: ଇସ୍ରାଏଲ ଶକ୍ତିଶାଳୀ ହେବା ପଛର ୫ ବଡ଼ କାରଣ