DCW Tells MHS: ତୁମେମାନେ ଅପାରଗ, ୬୬ ହଜାର ନିଯୁକ୍ତି ଦିଅ

DCW Tells MHS:  ନୂଆଦିଲ୍ଲୀ: କଞ୍ଝାଓ୍ୱାଲା ମାମଲା (Kanjhawala Accident) ପରେ ଦିଲ୍ଲୀରେ ଝିଅମାନଙ୍କ ସୁରକ୍ଷାକୁ ନେଇ ପ୍ରଶ୍ନ ସୃଷ୍ଚି ହୋଇଛି। କଞ୍ଝାଓ୍ୱାଲା ଘଟଣାକୁ କେନ୍ଦ୍ର ଗୃହମନ୍ତ୍ରୀ ମଧ୍ୟ ଗୁରୁତର ଭାବେ ଗ୍ରହଣ କରିଛନ୍ତି। ଅଭିଯୁକ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗୃହମନ୍ତ୍ରୀ ଅମିତ ଶାହ ନିର୍ଦ୍ଦେଶ ଦେଇଛନ୍ତି। ସେପଟେ ଦିଲ୍ଲୀ ପୋଲିସର ଅପାରଗତାକୁ ନେଇ ପ୍ରଶ୍ନ ଉଠାଇଛି ଦିଲ୍ଲୀ ମହିଳା ଆୟୋଗ। ଦିଲ୍ଲୀର ସୁଲତାନପୁରୀ ଅଞ୍ଚଳରେ ଘଟିଥିବା ଏହି ଲୋମଟାଙ୍କୁରା ହତ୍ୟାକାଣ୍ଡରେ ଜଣେ ୨୦ ବର୍ଷୀୟ ଯୁବତୀଙ୍କ ମୃତ୍ୟୁ ହୋଇଛି। ତେବେ ଏହାକୁ ନେଇ ବେଶ କ୍ଷୋଭ ପ୍ରକାଶ କରିଛନ୍ତି ଦିଲ୍ଲୀ ମହିଳା ଆୟୋଗ। ଏହାକୁ ନେଇ ଦିଲ୍ଲୀ ପୋଲିସ ଓ ଗୃହମନ୍ତ୍ରଣାଳୟକୁ ଚିଠି ଲେଖିଛନ୍ତି ଆୟୋଗ। ଦିଲ୍ଲୀ ମହିଳା ଆୟୋଗର ଚେୟାରପର୍ସନ ସ୍ୱାତୀ ମାଲିଓ୍ୱାଲ ଅପରାଧ ରୋକିବା ପାଇଁ ଗୃହ ମନ୍ତ୍ରଣାଳୟକୁ କିଛି ଉପଦେଶ ମଧ୍ୟ ଦେଇଛନ୍ତି। ଦିଲ୍ଲୀର ମହିଳାମାନଙ୍କ ସହିତ ହେଉଥିବା ଏହି ଜଘନ୍ୟ ଅପରାଧକୁ ରୋକିବା ପାଇଁ ଲେଖିଥିବା ଚିଠିରେ ସ୍ୱାତୀ କହିଛନ୍ତି ମୁଁ ଆପଣଙ୍କୁ ଚାରି/ପାଞ୍ଚଟି ଉପଦେଶ ଦେବାକୁ ଚାହୁଁଛି। 

ସେ ତାଙ୍କ ଚିଠିରେ ଦିଲ୍ଲୀ ପୋଲିସର ତଦନ୍ତ ଓ କାର୍ଯ୍ୟଶୈଳୀ ଅତ୍ୟନ୍ତ ଦୁର୍ବଳ ରହିଛି। ଏପରିକି ଦିଲ୍ଲୀ ପୋଲିସରେ କର୍ମଚାରୀଙ୍କ ସଂଖ୍ୟା, ସାଧନରେ ମଧ୍ୟ ଅନେକ ମାତ୍ରାରେ ଅଭାବ ରହିଥିବା ନେଇ ଉଲ୍ଲେଖ କରିଛନ୍ତି। ଫଳରେ ପୋଲିସ କର୍ମଚାରୀମାନେ ଦିଲ୍ଲୀରେ ମହିଳା, ଯୁବତୀଙ୍କମାନଙ୍କୁ ସୁରକ୍ଷା ଦେବାରେ ବିଫଳ ହେଉଛନ୍ତି। ସ୍ୱାତୀ ତାଙ୍କ ଚିଠିରେ ଉପଦେଶ ଦେଇ ଲେଖିଛନ୍ତି କି ପ୍ରଥମେ ଆପଣ ଗୋଟିଏ ଉଚ୍ଚସ୍ତରୀୟ କମିଟି ଗଠନ କରନ୍ତୁ। ଏହା ସହିତ ଦିଲ୍ଲୀ ପୋଲିସର ଉତ୍ତରଦାୟୀ ପରିସୀମାକୁ ବୃଦ୍ଧି କରନ୍ତୁ। ସେହିପରି ମାନବସମ୍ବଳକୁ ମଧ୍ୟ ବୃଦ୍ଧି କରାନ୍ତୁ। ପାଖାପାଖି ୬୬ ହଜାର ପୋଲିସ କର୍ମୀଙ୍କ ନିଯୁକ୍ତି ପାଇଁ ସେ ତାଙ୍କ ଚିଠିରେ ଉଲ୍ଲେଖ କରିଛନ୍ତି। ଆହୁରି ମଧ୍ୟ ପିସିଆର ଗାଡ଼ି ସଂଖ୍ୟାରେ ବୃଦ୍ଧି କରିବାକୁ ଉପଦେଶ ଦେଇଛନ୍ତି। ଦିଲ୍ଲୀ ପୋଲିସକୁ ଆହୁରି ଆଧୁନୀକିକରଣ ଓ ସମ୍ବେଦନଶୀଳ କରିବାକୁ ଉପଦେଶ ଦେଇଛନ୍ତି। 

ଏହି ନୂତନ ବର୍ଷରେ ଜାତୀୟ ରାଜଧାନୀରେ ମହିଳା ଓ ଯୁବତୀଙ୍କ ପ୍ରତି ହୋଇଥିବା ଜଘନ୍ୟ ଅପରାଧର ଅନ୍ତ ଘଟାଇବା ପାଇଁ ଆମକୁ ଦୃଢ ପଦକ୍ଷେପ ନେବାକୁ ସ୍ଥିର କରିବାକୁ ପଡିବ। ମୁଁ ଆଶା କରୁଛି ଆୟୋଗର ସୁପାରିଶକୁ ଗୃହ ମନ୍ତ୍ରଣାଳୟ ଗୁରୁତର ସହ ଗ୍ରହଣ କରିବ ଏବଂ ସକରାତ୍ମକ ହେବ। ସମାନ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ଆଶାବାଦୀ ରହିଛି। 

ସୂଚନାଯୋଗ୍ୟ ରବିବାର ସକାଳେ ଜଣେ ଯୁବତୀ ଧୂସର ମାରୁତି ବାଲେନୋଙ୍କ ଚକ ତଳେ ଧରାପଡିଥିଲେ ଯାହା ତାଙ୍କୁ ଦିଲ୍ଲୀର ସୁଲତାନପୁରୀରେ ପ୍ରାୟ ସାତ କିଲୋମିଟର ପର୍ଯ୍ୟନ୍ତ ଟାଣି ନେଇଥିଲା। ମଦ୍ୟପାନ କରୁଥିବା ସନ୍ଦେହରେ ପାଞ୍ଚ ଜଣଙ୍କୁ ଅବହେଳା ହେତୁ ମୃତ୍ୟୁ ଘଟାଇଥିବା ଅଭିଯୋଗରେ ଗିରଫ କରାଯାଇଥିଲା ଏବଂ ହତ୍ୟାକାଣ୍ଡ ପରି ଦୋଷୀ ସାବ୍ୟସ୍ତ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିଲେ। ଅଭିଯୁକ୍ତମାନେ ହେଉଛନ୍ତି ଦୀପକ ଖାନ୍ନା, ମନୋଜ ମିତ୍ତଲ, ଅମିତ ଖାନ୍ନା, ମିଥୁନ ଏବଂ କିଶନ। ପଚରାଉଚରା ବେଳେ ସେମାନେ ମହିଳାଙ୍କୁ ଟାଣି ନେଉଥିବାର ଜାଣି ନ ଥିବା ପୋଲିସ କହିଛି। ତଦନ୍ତ ପ୍ରକ୍ରିୟା (ଭୟାନକ କାର୍ଯ୍ୟ ଉପରେ କ୍ରୋଧ) ଜାରି ରହିଥିବା ବେଳେ ଦିଲ୍ଲୀ ପୋଲିସ କମିଶନର ସଞ୍ଜୟ ଆରୋରା ସଚିବ ଅଜୟ ଭଲ୍ଲାଙ୍କୁ ଭେଟିବା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ କାର୍ଯ୍ୟାଳୟରେ ପହଞ୍ଚିଛନ୍ତି।