ବିଦେଶରୁ ଆସୁଥିବା ଲୋକଙ୍କ ଠାରୁ ରୁହନ୍ତୁ ସାବଧାନ, ମଙ୍କିପକ୍ସକୁ ନେଇ କେନ୍ଦ୍ର ଜାରିକଲା ଗାଇଡଲାଇନ୍

Monkeypox guidelines : କେରଳରେ ମଙ୍କିପକ୍ସ ମାମଲା ନିଶ୍ଚିତ ହେବା ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଆକ୍ସନ ମୁଡକୁ ଆସିଛି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ (Ministry of Health and Family Welfare) ଶୁକ୍ରବାର ଦିନ ଏହି ରୋଗ ସମ୍ପର୍କରେ ଏକ ନିର୍ଦ୍ଦେଶାବଳୀ ଜାରି କରିଛି । ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ଗାଇଡଲାଇନରେ କୁହାଯାଇଛି ଯେ ଅନ୍ତର୍ଜାତୀୟ ଯାତ୍ରୀମାନେ ଅସୁସ୍ଥ ଲୋକଙ୍କ ସଂସ୍ପର୍ଶରେ ଆସିବା ଠାରୁ ଦୂରେଇ ରହିବା ଉଚିତ୍ । ଏହା ବ୍ୟତୀତ ଲୋକମାନେ ମୃତ କିମ୍ବା ଜୀବଜନ୍ତୁଙ୍କ ସଂସ୍ପର୍ଶରେ ଆସିବା ଉଚିତ୍ ନୁହେଁ ।

କେରଳରେ ମିଳିଛି ପ୍ରଥମ ମାମଲା 
କହିରଖୁଛୁ କି କିଛି ଦିନ ପୂର୍ବରୁ କେରଳରେ, ସଂୟୁକ୍ତ ଆରବ ଏମିରେଟ୍ସ (ୟୁଏଇ) ରୁ ଆସିଥିବା ଜଣେ ବ୍ୟକ୍ତିଙ୍କ ଠାରେ ମଙ୍କିପକ୍ସର ଲକ୍ଷଣ ଦେଖା ଦେଇଥିଲେ । ଏହାପରେ ଏହି ବ୍ୟକ୍ତିଙ୍କ ନମୁନା ଟେଷ୍ଟ ପାଇଁ ପଠାଯାଇଥିଲା । ଗୁରୁବାର ଦିନ ହୋଇଥିବା ଟେଷ୍ଟ ରିପୋର୍ଟରେ ଉକ୍ତ ବ୍ୟକ୍ତିଙ୍କୁ ମଙ୍କିପକ୍ସରେ ସଂକ୍ରମିତ ହୋଇଥିବା ନିଶ୍ଚିତ ହୋଇଛି । ଏହା ଭାରତରେ ମଙ୍କିପକ୍ସର ପ୍ରଥମ ମାମଲା ବୋଲି ବିଶ୍ୱାସ କରାଯାଏ ।

• ଗାଇଡଲାଇନରେ ଦର୍ଶାଯାଇଛି ଯେ ଅନ୍ତର୍ଜାତୀୟ ଯାତ୍ରୀମାନେ ସ୍କିନ ସମ୍ବନ୍ଧୀୟ ରୋଗରେ ପୀଡିତ ବ୍ୟକ୍ତିଙ୍କ ସମେତ ଅସୁସ୍ଥ ବ୍ୟକ୍ତିଙ୍କ ସହ ଯୋଗାଯୋଗରୁ ଦୂରେଇ ରହିବା ଉଚିତ୍ ।
• ଯାତ୍ରୀମାନେ ଜୀବନ୍ତ କିମ୍ବା ମୃତ ବଣୁଆ ଜନ୍ତୁ ଯେପରିକି ମୂଷା, ଗୁଣ୍ଡୁଚି ମୂଷା, ମାଙ୍କଡ଼ ଠାରୁ ଦୂରେଇ ରହିବା ଉଚିତ୍ ।
• ଆଫ୍ରିକାରୁ ବନ୍ୟଜନ୍ତୁମାନଙ୍କଠାରୁ ନିର୍ମିତ ପ୍ରଡକ୍ଟ (କ୍ରିମ୍, ଲୋସନ, ପାଉଡର) ବ୍ୟବହାର କରିବା ଠାରୁ ଦୂରେଇ ରୁହନ୍ତୁ । ଶିକାର ହୋଇଥିବା ମାଂସ ଖାଆନ୍ତୁ ନାହିଁ କିମ୍ବା ରାନ୍ଧନ୍ତୁ ନାହିଁ ।
• ଅସୁସ୍ଥ ବ୍ୟକ୍ତିଙ୍କ ଦ୍ୱାରା ବ୍ୟବହୃତ ପୋଷାକ, ଶଯ୍ୟା କିମ୍ବା ଚିକିତ୍ସା ସାମଗ୍ରୀ ସହିତ ସଂସ୍ପର୍ଶରେ ଆସନ୍ତୁ ନାହିଁ ।
• ଯଦି କୌଣସି ବ୍ୟକ୍ତିର ଶରୀରରେ ଘା’ ହୋଇଯାଏ ଓ ଜ୍ୱର ହୁଏ ତେବେ ସେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ଯାଇ ଡାକ୍ତରଙ୍କ ପରାମର୍ଶ ନେବା ଉଚିତ୍ ।

Ministry of Health and Family Welfare releases guidelines for the management of Monkeypox disease

As per the ministry's guidelines, international passengers should avoid close contact with sick people, contact with dead or live wild animals and others. pic.twitter.com/44ndGll6J3

— ANI (@ANI) July 15, 2022

ପୂର୍ବରୁ ସତର୍କ ଅଛନ୍ତି ସରକାର 
ମଙ୍କିପକ୍ସ ବିଷୟରେ ସରକାର ପୂର୍ବରୁ ସତର୍କ ଅଛନ୍ତି । ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ସମ୍ପର୍କରେ ସ୍ୱାସ୍ଥ୍ୟ ମନ୍ତ୍ରଣାଳୟ ନିର୍ଦ୍ଦେଶାବଳୀ ଜାରି କରିସାରିଛି । ରାଜ୍ୟ ସରକାର ବିଦେଶରୁ ଆସୁଥିବା ଲୋକଙ୍କ ନିୟମିତ ନମୁନା ମଧ୍ୟ ରଖୁଛନ୍ତି । ଗତ ମେ ମାସରେ ଆଇସିଏମଆର କହିଛି ଯେ ଏହି ସଂକ୍ରମଣ ପିଲାମାନଙ୍କ ପାଇଁ ଅଧିକ ବିପଜ୍ଜନକ ଅଟେ । ସେଥିପାଇଁ ପିଲାମାନଙ୍କୁ ଏଥିରୁ ରକ୍ଷା କରିବାର ଆବଶ୍ୟକତା ଅଛି । ANI ନ୍ୟୁଜ୍ ଏଜେନ୍ସି ସହିତ ବାର୍ତ୍ତାଳାପ ବେଳେ ଆଇସିଏମଆର ବୈଜ୍ଞାନିକ ଡକ୍ଟର ଅର୍ଚ୍ଚନା ମୁଖାର୍ଜୀ କହିଛନ୍ତି ଯେ ପିଲାମାନଙ୍କୁ ଏହି ସଂକ୍ରମଣରୁ ରକ୍ଷା କରିବାର ଅଧିକ ଆବଶ୍ୟକତା ରହିଛି । ଡକ୍ଟର ଅର୍ଚ୍ଚନା ମୁଖାର୍ଜୀଙ୍କ ଅନୁଯାୟୀ, ଯେଉଁମାନେ ୧୯୮୦ ପରେ ଟିକାକରଣ କରିନାହାଁନ୍ତି, ସେମାନଙ୍କ ପାଇଁ ଏହି ସଂକ୍ରମଣ ଅଧିକ ବିପଜ୍ଜନକ ଅଟେ ।

ଏହା ବି ପଢ଼ନ୍ତୁ: ରାଜ ଠାକରେଙ୍କୁ ଭେଟିଲେ ଦେବେନ୍ଦ୍ର ଫଡନାଭିସ୍, ସିନ୍ଦେ କ୍ୟାବିନେଟରେ ସାମିଲ ହେବ MNS!