IPL Cap Race 2023: ଚଳିତ ବର୍ଷ ଆୟୋଜିତ ହୋଇଥିବା ଆଇପିଏଲ୍ ସଂସ୍କରଣର ମ୍ୟାଚ ଯେତିକି ଆଗେଇବାରେ ଲାଗିଛି, ଅରେଞ୍ଜ-ପର୍ପଲ କ୍ୟାପ୍ ପାଇଁ ମୁକାବିଲା ସେତିକି ଆକର୍ଷଣୀୟ ହେବାରେ ଲାଗିଛି।
Trending Photos
5
12
5
5 "ପ୍ରତୀକାତ୍ମକ ଛବି")
Orange Purple Cap Race 2023: ୨୦୨୩ ଆଇପିଏଲ୍ ସଂସ୍କରଣର ମ୍ୟାଚ ଯେତିକି ଆଗକୁ ବଢୁଛି, ଅରେଞ୍ଜ-ପର୍ପଲ କ୍ୟାପ୍ ପାଇଁ ମୁକାବିଲା ସେତିକି ଆକର୍ଷଣୀୟ ହେବାରେ ଲାଗିଛି। ଏହି କ୍ରିକେଟ ଟୁର୍ଣ୍ଣାମେଣ୍ଟରେ ସର୍ବାଧିକ ରନ୍ ସଂଗ୍ରହକାରୀଙ୍କୁ ଅରେଞ୍ଜ କ୍ୟାପ୍ ଦିଆଯାଉଥିବା, ବେଳେ ପର୍ପଲ ବାଇଗଣୀ କ୍ୟାପ୍ ସର୍ବାଧିକ ୱିକେଟ୍ ନେଇଥିବା ବୋଲରଙ୍କୁ ପ୍ରଦାନ କରାଯାଇଥାଏ। ଯଦି ଅରେଞ୍ଜ କ୍ୟାପ୍ କଥା କୁହାଯାଏ, ତାହେଲେ ଚେନ୍ନାଇ ସୁପର କିଙ୍ଗ୍ସ ଦଳର ଖେଳାଳୀ ଋତୁରାଜ ଗାୟକୱାଡ ଶନିବାର ପର୍ଯ୍ୟନ୍ତ ଅଗ୍ରଣୀ ରହିଥିଲେ। ହେଲେ ପଞ୍ଜାବ କିଙ୍ଗ୍ସ ଦଳର ଶିଖର ଧାୱନ କେବଳ ରବିବାରର ଦ୍ୱିତୀୟ ମ୍ୟାଚ୍ରେ ଚମତ୍କାର ପ୍ରଦର୍ଶନ କରି ରନ୍ ପାର୍ଥକ୍ୟକୁ ପୂରଣ କରିନାହାଁନ୍ତି। ବରଂ ପ୍ରଥମ ବ୍ୟାଟ୍ସମ୍ୟାନ୍ ଭାବେ ଚଳିତ ସଂସ୍କରଣରେ ୨୦୦ ରନ ସଂଗ୍ରହ କରିବାରେ ସଫଳ ହୋଇଛନ୍ତି। ତିନୋଟି ମ୍ୟାଚ ପରେ ଶିଖର ଧାୱନ ୨୨୫ ରନ ସ୍କୋର କରିଛନ୍ତି। ରନ୍ ଦୌଡ଼ରେ ଋତୁରାଜ ଗାୟକୱାଡ ଦ୍ୱିତୀୟ ସ୍ଥାନରେ ଅଛନ୍ତି। ସେହିପରି ଦିଲ୍ଲୀ କ୍ୟାପିଟାଲ୍ସ ଖେଳାଳୀ ଡେଭିଡ଼ ୱାର୍ଣ୍ଣର ସ୍ଥାନରେ ଅଛନ୍ତି। ତିନୋଟି ମ୍ୟାଚ ପରେ ଋତୁରାଜ ଗାୟକୱାଡ ଏବଂ ଡେଭିଡ଼ ୱାର୍ଣ୍ଣର ଯଥାକ୍ରମେ ୧୮୯ ଏବଂ ୧୫୮ ରନଂ ସଂଗ୍ରହ କରିଛନ୍ତି। ଚତୁର୍ଥ ସ୍ଥାନରେ ଅଛନ୍ତି ଜୋସ୍ ବଟଲର ଯିଏ ୧୫୨ ରନ୍ ସଂଗ୍ରହ କରିଛନ୍ତି। ଚଳିତ ଥରର ଆଇପିଏଲ ସଂସ୍କରଣରେ ଶିଖର ଧାୱନ ପଞ୍ଜାବ, ଋତୁରାଜ ଗାୟକୱାଡ ଚେନ୍ନାଇ, ଡେଭିଡ ୱାର୍ଣ୍ଣର ଦିଲ୍ଲୀ ଏବଂ ଜୋସ୍ ବଟଲର ବଟଲର ରାଜସ୍ଥାନ ଦଳ ପକ୍ଷରୁ ଖେଳୁଛନ୍ତି।
ଯଦି ପର୍ପଲ କ୍ୟାପ୍ ରେସ କଥା କୁହାଯାଏ, ତାହେଲେ ଏହି ଦୌଡ଼ ରୋମାଞ୍ଚକ ସ୍ଥିତିରେ ରହିଛି। ତିନି ବୋଲର ମାର୍କ ଉଡ୍, ରସିଦ ଖାନ ଏବଂ ଯୁଜବେନ୍ଦ୍ର ଚହଲ ବର୍ତ୍ତମାନ ପର୍ଯ୍ୟନ୍ତ ଆଠଟି ଲେଖାଁଏ ୱିକେଟ୍ ନେଇଛନ୍ତି। ଯଦିଓ ଉଡ୍ ଦୁଇଟି ମ୍ୟାଚ ଖେଳି ଏହି ୱିକେଟ୍ ନେଇଛନ୍ତି ଏବଂ ହାରାହାରି ଦୃଷ୍ଟିକୋଣରୁ ସେ ଅନ୍ୟ ଦୁଇ ବୋଲରଙ୍କ ଅପେକ୍ଷା ଭଲ ସ୍ଥିତିରେ ମଧ୍ୟ ଅଛନ୍ତି। ରସିଦ ଖାନ୍ ଏବଂ ଯୁଜବେନ୍ଦ୍ର ଚହଲ ତିନୋଟି ମ୍ୟାଚ୍ ଖେଳି ୮-୮ ୱିକେଟ୍ ନେଇଛନ୍ତି। ସେମାନଙ୍କ ହାରାହାରି ୧୧.୭୫ ରହିଛି। ସେହିପରି ୫ ଜଣ ବୋଲର ଛଅଟି ଲେଖାଁଏ ୱିକେଟ ନେଇଛନ୍ତି। ସେମାନେ ହେଉଛନ୍ତି ରବି ବିଷ୍ଣୋୟୀ, ସୁନୀଲ ନାରିନ, ଅଲଜାରି ଜୋସେଫ, ମହମ୍ମଦ ଶାମି ଏବଂ ଅର୍ଶଦୀପ ସିଂହ। ଯଦି ପର୍ପଲ କ୍ୟାପ କଥା କୁହାଯାଏ ତାହେଲେ ଭାରତୀୟ ଖେଳାଳୀ ଭୁବନେଶ୍ୱର କୁମାର ଏବଂ ହର୍ଷଲ ପଟେଲ ଏହାକୁ ୨ ଥର ହାସଲ କରିଛନ୍ତି।
ଆଇପିଏଲ୍ ଅରେଞ୍ଜ କ୍ୟାପ୍ ବିଜେତା
ଆଇପିଏଲ୍ ପର୍ପଲ କ୍ୟାପ୍ ବିଜେତା
