Imran Khan Firing: ଇମ୍ରାନଙ୍କ ଉପରେ ହୋଇଥିବା ଗୁଳିମାଡ଼କୁ ନେଇ ପ୍ରଥମ ପ୍ରତିକ୍ରିୟା ରଖିଲା ଭାରତ ସରକାର, ଜାଣନ୍ତୁ କ’ଣ କହିଲେ?

Imran Khan Firing Latest Update: ଗୁରୁବାର ଦିନ ପଞ୍ଜାବ ପ୍ରଦେଶରେ ନିଜ କଣ୍ଟେନର-ଟ୍ରକ ଉପରେ ଥିବାବେଳେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ (Imran Khan) ଉପରେ ଗୁଳିମାଡ଼ ହୋଇଥିଲା ଓ ତାଙ୍କ ଗୋଡରେ ଗୁଳି ବାଜିଥିଲା, କିନ୍ତୁ ସେ ବର୍ତ୍ତମାନ ବିପଦ ମୁକ୍ତ ଅଛନ୍ତି । ପଞ୍ଜାବର (Punjab) ୱାଜିରାବାଦ ସହରର ଆଲ୍ଲାୱାଲା ଚକ୍ ନିକଟରେ ଜଣେ ଅଜ୍ଞାତ ଆକ୍ରମଣକାରୀ ଗୁଳିମାଡ଼ କରିଥିଲେ । ଜିଓ ଟିଭି ଫୁଟେଜ ଅନୁଯାୟୀ, ୭୦ ବର୍ଷୀୟ ଖାନଙ୍କ ଡାହାଣ ଗୋଡରେ ଗୁଳି ବାଜିଛି । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀଙ୍କ ଉପରେ ହୋଇଥିବା ଆକ୍ରମଣକୁ ନେଇ ଭାରତ ନିଜର ପ୍ରଥମ ପ୍ରତିକ୍ରିୟା ରଖିଛି ।

ଭାରତୀୟ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ "ଏହି ଘଟଣାକ୍ରମ ତୁରନ୍ତ ଘଟିଛି । ଆମେ ଏହା ଉପରେ ତୀକ୍ଷ୍ଣ ନଜର ରଖିଛୁ ଓ ଡେଭଲପମେଣ୍ଟ ଉପରେ ନଜର ରଖିବୁ । ଯେହେତୁ ଏହି ଘଟଣା ବର୍ତ୍ତମାନ ଘଟିଛି, ବର୍ତ୍ତମାନ କହିବା ପାଇଁ କିଛି ନାହିଁ ।" ଏଥି ସହିତ ଇମ୍ରାନ ଖାନଙ୍କୁ ହାପିଟାଲରେ ଭର୍ତ୍ତି କରାଯାଇଛି ଓ ସେ ବିପଦମୁକ୍ତ ଅଛନ୍ତି । ARY ନ୍ୟୁଜ୍ ଅନୁଯାୟୀ, ଖାନଙ୍କ ଅବସ୍ଥା ବିପଦ ବାହାରେ ରହିଛି । ପାକିସ୍ତାନ ତେହେରିକ୍-ଇ-ଇନସାଫ୍ ପାର୍ଟିର ମୁଖପତ୍ର ଭାବେ ARY ନ୍ୟୁଜକୁ ବିବେଚନା କରାଯାଏ । ଖାନଙ୍କ ଦଳର ବରିଷ୍ଠ ନେତା ଆସାଦ ଉମର ARY ନ୍ୟୁଜକୁ କହିଛନ୍ତି ଯେ ଖାନଙ୍କ ଗୋଡରେ ଗୁଳି ବାଜିଛି ।

#WATCH | "It's a development that just took place. We're closely keeping an eye on and we'll continue to monitor ongoing developments," says MEA Spokesperson Arindam Bagchi on firing on former Pakistan PM Imran Khan's rally in Wazirabad, Pakistan wherein he too is injured pic.twitter.com/yx5G5f7D9b

— ANI (@ANI) November 3, 2022

ସେ ଆହୁରି ମଧ୍ୟ କହିଛନ୍ତି ଯେ ଏହି ଆକ୍ରମଣରେ ୬ ଜଣ ଆହତ ହୋଇଛନ୍ତି ଓ ସ୍ଥାନୀୟ ନେତା ଅହମ୍ମଦ ଚଟ୍ଟାଙ୍କ ସମେତ ଦୁଇ ଜଣ ଗୁରୁତର ଆହତ ହୋଇଛନ୍ତି । ଉମର କହିଛନ୍ତି, "ଖାନଙ୍କୁ ରାସ୍ତାରେ ଲାହୋରକୁ ନିଆଯାଉଛି । ତାଙ୍କ ଅବସ୍ଥା ଗୁରୁତର ନୁହେଁ, କିନ୍ତୁ ତାଙ୍କୁ ଗୁଳି କରାଯାଇଛି ।" ସେ କହିଛନ୍ତି ଯେ ଖାନଙ୍କ ପ୍ରତିଦ୍ୱନ୍ଦ୍ୱୀମାନେ ପାକିସ୍ତାନର ପରିବର୍ତ୍ତନ ଦେଖିପାରିବେ ନାହିଁ । ଏହି ଆକ୍ରମଣ ପାଇଁ ସେ କାହାକୁ ଦାୟୀ କରିନାହାଁନ୍ତି । ଜିଓ ଟିଭିର ଖବର ଅନୁଯାୟୀ ପୂର୍ବତନ ପ୍ରଧାନମନ୍ତ୍ରୀ ଯାତ୍ରା କରୁଥିବା କଣ୍ଟେନର-ଟ୍ରକରେ ଜଣେ ବନ୍ଧୁକଧାରୀ ଗୁଳି ଚଳାଇଥିଲା ।

ପ୍ରଥମେ କୁହାଯାଇଥିଲା ଯେ ଖାନ ସୁରକ୍ଷିତ ଥିବାବେଳେ କିଛି ଲୋକ ଆହତ ହୋଇଥିଲେ । ତେବେ ଖାନଙ୍କ ମଧ୍ୟ ଗୋଡରେ ଗୁଳି ବାଜିଥିବା ଜଣାପଡିଛି । ଏହି ଆକ୍ରମଣରେ ଖାନଙ୍କ ଘନିଷ୍ଠ ସହଯୋଗୀ ସିନେଟର ଫୈସଲ ଜାଭେଦ ମଧ୍ୟ ଆହତ ହୋଇଥିଲେ ।

ଏହା ବି ପଢ଼ନ୍ତୁ: Imran Khan Attacks: ଇମ୍ରାନ ଖାନଙ୍କ ଉପରେ ଗୁଳିମାଡ଼କୁ ନେଇ କଡ଼ା ନିନ୍ଦା କଲେ ବାବର ଆଜମ, ଟ୍ୱିଟ କରି ଦେଲେ ଏହି ପ୍ରତିକ୍ରିୟା

ଏହା ବି ପଢ଼ନ୍ତୁ: Hypersomnia: ଅତ୍ୟଧିକ ଶୋଇବା ପରେବି ନିଦ ପୂରା ହେଉ ନାହିଁକି? ଆପଣଙ୍କୁ ହୋଇଥାଇ ପରେ ଏହି ଘାତକ ରୋଗ

ଏହା ବି ପଢ଼ନ୍ତୁ: Pakistan Imran Khan Shot: ଆଜାଦୀ ମାର୍ଚ୍ଚ ବେଳେ ଇମରାନ ଖାନଙ୍କୁ ଉପରେ ଗୁଳିମାଡ଼, ରାଲି ବେଳେ ନିଆଗଲା ଡାକ୍ତରଖାନା