ମୋଦି ସରକାରଙ୍କ ବିରୋଧରେ ମୈଦାନକୁ ଓହ୍ଲାଇବେ କେସିଆର, ଟିଆରଏସର ଏହା ହେଉଛି ମାଷ୍ଟର ପ୍ଲାନ୍

ନୂଆଦିଲ୍ଲୀ: KCR Fight Against Modi Government: ଆଗାମୀ ଲୋକସଭା ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ନିଜ ନିଜର ପ୍ରସ୍ତୁତି ଆରମ୍ଭ କରିସାରିଛନ୍ତି । ଏହି କ୍ରମରେ ତେଲେଙ୍ଗାନା ମୁଖ୍ୟମନ୍ତ୍ରୀ (Telangana CM) କେ. ଚନ୍ଦ୍ରଶେଖର ରାଓ (K.Chandrashekhar Rao) ମଧ୍ୟ ମୋଦି ସରକାରଙ୍କ ବିରୋଧରେ ମୋର୍ଚ୍ଚା ଖୋଲିବା ପାଇଁ ପ୍ରସ୍ତୁତ ହେଉଛନ୍ତି । ଏହା ଅନ୍ତର୍ଗତ କେସିଆର (KCR) ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜାତୀୟ କୃଷକ ସଙ୍ଗଠନର ଏକ ବୈଠକରେ ପ୍ରସ୍ତାବ ପାରିତ ହୋଇଛି । ଯାହା ଅନୁଯାୟୀ, ରାଓ କୃଷି କ୍ଷେତ୍ରର ସୁରକ୍ଷା ତଥା କୃଷକ ବିରୋଧୀ ନୀତି ସମାପ୍ତ କରିବାକୁ କେନ୍ଦ୍ରର ବିରୋଧରେ ଲଢ଼ିବା ପାଇଁ ଦେଶର କୃଷକମାନଙ୍କୁ ଏକଜୁଟ ହେବାକୁ ଆହ୍ୱାନ କରିଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଦ୍ୱାରା ଜାରି ଏକ ସରକାରୀ ବିଜ୍ଞପ୍ତି ଅନୁଯାୟୀ, ରାଓ ଜାତୀୟ କୃଷକ ନେତାମାନଙ୍କୁ ସମ୍ମାନ ରକ୍ଷା କରିବା ତଥା ସେମାନଙ୍କର ସ୍ୱାଭିମାନର ରକ୍ଷା କରିବା ପାଇଁ ମିଳିତ ଭାବରେ କାର୍ଯ୍ୟ କରିବାକୁ ଆହ୍ୱାନ କରିଛନ୍ତି । ସେ କହିଛନ୍ତି ଯେ, କୃଷକଙ୍କ ଆନ୍ଦୋଳନ ଓ ମିଳିତ ସଂଘର୍ଷ ଦ୍ୱାରା କୃଷକଙ୍କ ଦୁର୍ଦ୍ଦଶା ଏବଂ କୃଷି ସଙ୍କଟର ସମାଧାନ ହୋଇପାରିବ ।
     
ରବିବାର ଜାତୀୟ କୃଷକ ସଙ୍ଗଠନର ବୈଠକରେ କୃଷି କ୍ଷେତ୍ରର ସୁରକ୍ଷା ତଥା 'କୃଷକ ବିରୋଧୀ ନୀତି' ଶେଷ କରିବାକୁ କେନ୍ଦ୍ର ସରକାରଙ୍କ ବିରୋଧରେ ଲଢ଼ିବାକୁ ନିଷ୍ପତ୍ତି ନିଆଯାଇଛି । ବୈଠକରେ ପାରିତ ହୋଇଥିବା ସଂକଳ୍ପରେ କୁହାଯାଇଛି ଯେ ଦେଶର କୃଷକମାନଙ୍କୁ ଗ୍ରାମ ସ୍ତରରୁ ଏକଜୁଟ କରିବା ପାଇଁ ମୁଖ୍ୟମନ୍ତ୍ରୀ କେସିଆର (CM KCR) ପଦକ୍ଷେପ ନେଇଛନ୍ତି ।

ରାଓ (KCR) ଙ୍କ ଅଧ୍ୟକ୍ଷତାରେ ରାଷ୍ଟ୍ରୀୟ କୃଷକ ସଂଘର ନେତାମାନେ ରବିବାର ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନ ପ୍ରଗତି ଭବନରେ ଏକ ବୈଠକ କରିଥିଲେ । କୁହାଯାଇଛି ଯେ, ବୈଠକରେ ଖୁବ ଶୀଘ୍ର ପରବର୍ତ୍ତୀ ବୈଠକ କରିବା ଓ ନୀତି ନିୟମ ପ୍ରଣୟନ କରିବାକୁ ନିଷ୍ପତ୍ତି ନିଆଯାଇଛି । ଏହି ବୈଠକରେ ବରିଷ୍ଠ ନେତାମାନେ ରାଓଙ୍କୁ ଏହି ଆନ୍ଦୋଳନ ପାଇଁ ଏକ କାର୍ଯ୍ୟ ଯୋଜନା ପ୍ରସ୍ତୁତ କରିବାକୁ, ସମଗ୍ର କୃଷି ସମ୍ପ୍ରଦାୟକୁ ଏକତ୍ରିତ କରିବାକୁ ଏବଂ ଆଗକୁ ବଢ଼ିବାକୁ ରଣନୀତି ପ୍ରସ୍ତୁତ କରିବାକୁ ଅନୁରୋଧ କରିଛନ୍ତି ।

ଏହା ବି ପଢ଼ନ୍ତୁ:-୨୦୨୪ ପର୍ଯ୍ୟନ୍ତ ଏହି ବ୍ୟକ୍ତି ରହିବେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ, ତା'ପରେ ଏହି ଓଡ଼ିଆ ନେତା ସମ୍ଭାଳିବେ ଗେରୁଆ ଦଳର କମାଣ!

ଏହା ବି ପଢ଼ନ୍ତୁ:-ଭାରତ-ଋଷର ବନ୍ଧୁତାକୁ ଦୁର୍ବଳ କରିବାକୁ ଚାହୁଁଛି ଆମେରିକା, ବାଇଡେନ ସରକାର କରୁଛନ୍ତି ଏହି ପ୍ଲାନ୍

ଏହା ବି ପଢ଼ନ୍ତୁ:-ଆମେରିକାର ଏହି ପଦକ୍ଷେରୁ ପୁଣି ବଢ଼ିଲା ଟେନସନ୍, ଆହୁରି ଭୀଷଣ ହେବ ଋଷ-ୟୁକ୍ରେନ ଯୁଦ୍ଧ!

ଉତ୍ତରପ୍ରଦେଶର ଏସସି କୃଷକ ରାଘବେନ୍ଦ୍ର କୁମାର କହିଛନ୍ତି ଯେ, ଦଳିତ ବନ୍ଧୁ (Dalit Bandhu Scheme) ଏକ ବୈପ୍ଳବିକ ଯୋଜନା ଓ ଏହାକୁ ସାରା ଦେଶରେ କାର୍ଯ୍ୟକାରୀ କରାଯିବା ଉଚିତ । କୃଷକମାନଙ୍କୁ ସମ୍ବୋଧିତ କରି ରାଓ (KCR) କହିଛନ୍ତି ଯେ, ଏହାର ଉଦ୍ଦେଶ୍ୟ ହେଉଛି ଶୀର୍ଷ ମାନ୍ୟତା କୃଷକ । ଯେଉଁମାନେ ଅଲଗା ତେଲେଙ୍ଗାନାକୁ ବିରୋଧ କରିଥିଲେ ସେମାନେ ମଧ୍ୟ ପରେ ଜୟ ତେଲେଙ୍ଗାନା ନାରା ଦେଇଥିଲେ । ସେହିଭଳି ଯେଉଁମାନେ କୃଷକଙ୍କ ସ୍ୱାର୍ଥ ବିରୁଦ୍ଧରେ କାର୍ଯ୍ୟ କରୁଥିଲେ ସେମାନେ ଜୟ କିସାନ ସ୍ଲୋଗାନ ଦେବା ଆବଶ୍ୟକ ।