Earthquake: ଫିଲିପାଇନ୍ସର ମାଇଣ୍ଡାନାଓରେ ହେଲା ୭.୪ ମ୍ୟାଗ୍ନିଚ୍ୟୁଡର ଭୂକମ୍ପ, ସୁନାମି ଆସିବା ନେଇ ସତର୍କ ସୂଚନା ଜାରି
trendingNow,recommendedStories0/zeeodisha/odisha1989583

Earthquake: ଫିଲିପାଇନ୍ସର ମାଇଣ୍ଡାନାଓରେ ହେଲା ୭.୪ ମ୍ୟାଗ୍ନିଚ୍ୟୁଡର ଭୂକମ୍ପ, ସୁନାମି ଆସିବା ନେଇ ସତର୍କ ସୂଚନା ଜାରି

Philippines Earthquake: ଫିଲିପାଇନ୍ସର ମିଡାନାଓରେ ଶନିବାର ଦିନ (୨ ଡିସେମ୍ବର) ୭.୪ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି, ଯେଉଁ କାରଣରୁ ସୁନାମି ଆସିବା ନେଇ ସତର୍କ ସୂଚନା ଜାରି କରାଯାଇଛି ।

 

Philippines Earthquake

Mindanao Earthquake: ଶନିବାର ଦିନ (୨ ଡିସେମ୍ବର) ଫିଲିପାଇନ୍ସର ମିଡାନାଓରେ ୭.୪ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ହୋଇଛି, ଯେଉଁ କାରଣରୁ ସୁନାମି ଆସିବା ନେଇ ସତର୍କ ସୂଚନା ଜାରି କରାଯାଇଛି । ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଏହି ଭୂକମ୍ପ ରାତି ୮:୦୭ ରେ ଘଟିଛି । ଏହାର କେନ୍ଦ୍ର ମାଟିର ୫୦ କିଲୋମିଟର ଗଭୀରରେ ଥିଲା ।

ନ୍ୟୁଜ୍ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ, ୟୁରୋପୀୟ-ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର (EMSC) ଏହି ଭୂକମ୍ପର ତୀବ୍ରତା ୭.୫ ଓ ଏହାର ଭୂକମ୍ପର କେନ୍ଦ୍ର ୬୩ କିଲୋମିଟର ଗଭୀରତାରେ ରିପୋର୍ଟ କରିଛି । ରିପୋର୍ଟ ଅନୁଯାୟୀ, ଭୂକମ୍ପ ପରେ ଆମେରିକାର ସୁନାମି ଚେତାବନୀ ସିଷ୍ଟମ ସୁନାମି ଆସିବା ନେଇ ଚେତାବନୀ ଦେଇଛି ।

ଫିଲିପାଇନ୍ସ ଏବଂ ଜାପାନରେ ସୁନାମି ହେବାର ସମ୍ଭାବନା ଅଛି । ଫିଲିପାଇନ୍ସର ଭୂକମ୍ପ ବିଜ୍ଞାନ ଏଜେନ୍ସି PHIVOLCS କହିଛି ଯେ ସ୍ଥାନୀୟ ସମୟ (1600 GMT) ମଧ୍ୟରାତ୍ର ସୁଦ୍ଧା ସୁନାମି ତରଙ୍ଗ ଫିଲିପାଇନ୍ସରେ ପହଞ୍ଚିପାରେ ଓ ଘଣ୍ଟା ଘଣ୍ଟା ଧରି ଚାଲିବ ।

 

ଜାପାନର ବ୍ରଡକାଷ୍ଟର NHK କହିଛି ଯେ ଏକ ମିଟର (୩ ଫୁଟ) ଉଚ୍ଚ ପର୍ଯ୍ୟନ୍ତ ସୁନାମି ତରଙ୍ଗ ଜାପାନର ପଶ୍ଚିମ ଉପକୂଳରେ କିଛି ସମୟ ପରେ (ରାତି ୧:୩୦ (ଶନିବାର 1630 GMT) ) ପହଞ୍ଚିପାରେ ।

ଗତ ମାସ ଆରମ୍ଭରେ ଦକ୍ଷିଣ ଫିଲିପାଇନ୍ସରେ ୬.୭ ମ୍ୟାଗ୍ନିଚ୍ୟୁଡର ଏକ ଭୂକମ୍ପରେ ଆଠ ଜଣଙ୍କର ମୃତ୍ୟୁ ଘଟିଥିଲା ​​ବୋଲି ରଏଟର୍ସ ରିପୋର୍ଟ କରିଛି । ନଭେମ୍ବର ୧୭ରେ ହୋଇଥିବା ଭୂକମ୍ପରେ ସାରଙ୍ଗାନି, ଦକ୍ଷିଣ କୋଟାବାଟୋ ଓ ଡାଭାଓ ଅସିଡେଣ୍ଟାଲ୍ ପ୍ରଦେଶରେ ୧୩ ଜଣଙ୍କର ମୃତ୍ୟୁ ଘଟିଥିବା ବେଳେ ୧୩ ଜଣ ଆହତ ହୋଇଥିଲେ । ଏଥିସହିତ ୫୦ ରୁ ଅଧିକ ଘର ଓ କୋଠା ନଷ୍ଟ ହୋଇଯାଇଥିଲା ।

କହିରଖୁଛୁ ଯେ ସାଧାରଣତଃ ରିଚ୍ଟର ସ୍କେଲରେ ୭ କିମ୍ବା ଅଧିକ ତୀବ୍ରତା ସାଧାରଣ ଅପେକ୍ଷା ଅଧିକ ବିପଜ୍ଜନକ ବୋଲି ବିବେଚନା କରାଯାଏ । ଫିଲିପାଇନ୍ସରେ ହୋଇଥିବା ଏହି ଭୂକମ୍ପରେ ହୋଇଥିବା କ୍ଷୟକ୍ଷତି ବିଷୟରେ ଏପର୍ଯ୍ୟନ୍ତ ଏକ ଅପଡେଟ୍ ଆସି ନାହିଁ।