Delhi Excise Policy Case: ମନୀଷ ସିସୋଦିଆଙ୍କୁ ଝଟକା, ବଢ଼ିଲା ନ୍ୟାୟିକ ହେପାଜତର ଅବଧି, ସିବିଆଇ ପାଖରୁ ଉତ୍ତର ମାଗିଲେ କୋର୍ଟ

Delhi Excise Policy Case: ଦିଲ୍ଲୀ ଲିକର୍ ପଲିସି ସହ ଜଡିତ ସିବିଆଇ ମାମଲାରେ ବର୍ତ୍ତମାନ ଚାର୍ଜସିଟ୍ ନକରିବାକୁ ନେଇ ରାଉସ୍ ଆଭେନ୍ୟୁ କୋର୍ଟ କେନ୍ଦ୍ରୀୟ ଯାଞ୍ଚ ଏଜେନ୍ସି ପାଖରୁ ପ୍ରତିକ୍ରିୟା ଲୋଡିଛନ୍ତି। ଏହି ମାମଲାରେ ମନୀଷ ସିସୋଦିଆଙ୍କ ନ୍ୟାୟିକ ହେପାଜତକୁ ଆସନ୍ତା ୭ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି।

ଶୁଣାଣି ସମୟରେ ଅଭିଯୁକ୍ତଙ୍କ ଓକିଲ ବିଚାରପତିଙ୍କୁ କହିଥିଲେ ଯେ ଆମେ କୋର୍ଟ ରୁମରୁ ବାହାରକୁ ଯିବା ଉଚିତ୍ ନୁହେଁ। ଏଥିପାଇଁ ଆମେ ମଧ୍ୟ କ୍ଷମା ପ୍ରାର୍ଥନା କରୁଛୁ। ଅସନ୍ତୋଷ ବ୍ୟକ୍ତ କରି ବିଚାରପତି କହିଛନ୍ତି ଯେ ଆମେ ପ୍ରଥମ ଥର ପାଇଁ ଏଭଳି ଆଚରଣ ଦେଖିଛୁ। ଆପଣ ଯୁକ୍ତି ସମାପ୍ତ ହେବା ମାତ୍ରେ କୋର୍ଟରୁ ବାହାରକୁ ଚାଲିଗଲ।

ଦିଲ୍ଲୀ ଏକ୍ସାଇଜ୍ ପଲିସି ସହ ଜଡିତ ସିବିଆଇ ମାମଲାର ପରବର୍ତ୍ତୀ ଶୁଣାଣି ୭ ମେରେ ଅନୁଷ୍ଠିତ ହେବ। ବାସ୍ତବରେ, ଆମ୍ ଆଦମୀ ପାର୍ଥୀ (AAP) ନେତା ମନୀଷ ସିସୋଦିଆ ବୁଧବାର (୨୪ ଏପ୍ରିଲ ୨୦୨୪) ତିହାର ଜେଲରୁ ଭିଡିଓ କନଫରେନ୍ସିଂ ମାଧ୍ୟମରେ ରାଉସ୍ ଆଭେନ୍ୟୁ କୋର୍ଟରେ ହାଜର ହୋଇଥିଲେ।

କିଏ ଦେଇଥିଲା କେଉଁ ଯୁକ୍ତି?
ଆବେଦନକାରୀଙ୍କ ଓକିଲ କୋର୍ଟଙ୍କୁ କହିଛନ୍ତି ଯେ ମାମଲାର ଶୁଣାଣି ସମୟରେ ଆଇଓ କହିଛି ଯେ ତିନି-ଚାରି ମାସ ମଧ୍ୟରେ ତଦନ୍ତ ଶେଷ ହେବ, କିନ୍ତୁ ଏପର୍ଯ୍ୟନ୍ତ ମାମଲାର ତଦନ୍ତ ଚାଲିଛି। ସେ ଆହୁରି ମଧ୍ୟ କହିଛନ୍ତି ଯେ କୋର୍ଟଙ୍କ ନିର୍ଦ୍ଦେଶ ପରେ ଏହି ମାମଲାରେ ଗିରଫ କରାଯାଇଥିଲା ଓ ୧୬୪ ଆଧଆରରେ ବୟାନ ମଧ୍ୟ ରେକର୍ଡ କରାଯାଇଥିଲା। ଏଭଳି ପରିସ୍ଥିତିରେ ମାମଲାର ଫ୍ରେମ୍ ଚାର୍ଜ ଉପରେ ଶୁଣାଣି ବର୍ତ୍ତମାନ ଆରମ୍ଭ ହେବା ଉଚିତ୍ ନୁହେଁ।

ସିବିଆଇ ଏହି ଆବେଦନକୁ ବିରୋଧ କରି କହିଛି ଯେ ଦାଖଲ ହୋଇଥିବା ଚାର୍ଜସିଟ୍ ଉପରେ ଆମେ କେବଳ ଯୁକ୍ତି କରିବୁ। ଯୁକ୍ତି ଶୁଣିବା ପରେ କୋର୍ଟ କହିଛନ୍ତି ଯେ ଆମେ ଏପର୍ଯ୍ୟନ୍ତ ଆବେଦନର କପି ପାଇନାହୁଁ।