Allu Arjun ଙ୍କ ଘର ଉପରେ ଆକ୍ରମଣ; ଓସମାନିଆ ବିଶ୍ୱବିଦ୍ୟାଳୟର ୮ ସଦସ୍ୟ ଗିରଫ୍

Vandalism at Allu Arjun’s residence: ସାଉଥ୍ ସୁପରଷ୍ଟାର ଅଲୁ ଅର୍ଜୁନଙ୍କ ସହ ଜଡିତ ଏକ ବଡ ଖବର ସାମ୍ନାକୁ ଆସୁଛି। ହାଇଦ୍ରାବାଦର ଜୁବୁଲି ପାହାଡରେ ଥିବା ତାଙ୍କ ଘରକୁ ରବିବାର ଦିନ ଆକ୍ରମଣ କରାଯାଇଛି। ବିକ୍ଷୋଭକାରୀମାନେ ତାଙ୍କ ଘରେ ଭଙ୍ଗାରୁଜା କରିଛନ୍ତି।  କୁହାଯାଉଛି ଯେ ଏହି ବିକ୍ଷୋଭକାରୀ ମାନେ ପୀଡିତାଙ୍କ ପରିବାରକୁ ୧ କୋଟି ଟଙ୍କା ଦେବାକୁ ମଧ୍ୟ ଦାବି କରିଥିଲେ। ଖବର ଅନୁଯାୟୀ ପୋଲିସ କିଛି ବିକ୍ଷୋଭକାରୀଙ୍କୁ ଗିରଫ କରିଛି। ଏହି ମାମଲାରେ ଜେଏସି ନେତାମାନେ ସାମିଲଥିବା ଅଭିଯୋଗ ହୋଇଛି ଏବଂ ପୋଲିସ ୮ ଜେଏସି ନେତାମାନଙ୍କୁ ଅଟକ ରଖିଛି।

ସୂଚନାନୁସାରେ ଅଲୁ ଅର୍ଜୁନଙ୍କ ଘରେ ଓସମାନିଆ ୟୁନିଭରସିଟି ମିଳିତ କ୍ରିୟାନୁଷ୍ଠାନ କମିଟି (ଜେଏସି) ସଦସ୍ୟ ଆକ୍ରମଣ କରିଥିଲେ ଏବଂ ଟମାଟୋ ଫିଙ୍ଗିଥିଲେ। ଏହି ଘଟଣାରେ ପରିସରରେ ଥିବା ଫୁଲ ଦାନି ନଷ୍ଟ କରିଥିଲେ ଓ ହଙ୍ଗାମା କରିଥିଲା।

STORY | Vandalism at Allu Arjun's residence in Hyderabad

READ: https://t.co/kXuF3pCrGN

VIDEO:

(Full video available on PTI Videos - https://t.co/n147TvqRQz) pic.twitter.com/WAFSpsv36T

— Press Trust of India (@PTI_News) December 22, 2024

ଭିଡିଓରେ ଦେଖିବାକୁ ମିଳେ ଯେ ତାଙ୍କ ବାସଭବନରେ ପଥର ଫିଙ୍ଗାଯାଉଛି। ରବିବାର ଦିନ ଓସମାନିଆ ବିଶ୍ୱବିଦ୍ୟାଳୟର ଏକ ଗୋଷ୍ଠୀ ଅଲୁ ଅର୍ଜୁନଙ୍କ ଘର ବାହାରୁ ଟମାଟୋ ମଧ୍ୟ ଫିଙ୍ଗିଥିଲେ। ଏହି ଘଟଣାରେ ଘର ଭିତରେ ରଖାଯାଇଥିବା ଫୁଲ ଦାନି ମଧ୍ୟ ଭାଙ୍ଗି ଯାଇଥିଲା। କିଛି ସମୟ ପରେ ପୋଲିସ ଏହି ଘଟଣାରେ ୮ଜଣଙ୍କୁ ଗିରଫ କରି ଜୁବୁଲି ହିଲ୍ସ ପୋଲିସ ଷ୍ଟେସନକୁ ନେଇଥିଲା।

କହିରଖୁଛୁ ଯେ ରବିବାର ଦିନ ଅଲୁ ଅର୍ଜୁନ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ ଏବଂ ଅଫଲାଇନ୍ କିମ୍ବା ଅନ୍ଲାଇନରେ କାହା ସହିତ ଅପମାନଜନକ ଭାଷା ବ୍ୟବହାର ନକରିବାକୁ ନିଜ ପ୍ରଶଂସକଙ୍କୁ ନିବେଦନ କରିଥିଲେ। ତେବେ ଗତକାଲି ସେ ସାମ୍ୱାଦିକ ସମ୍ମିଳନୀ କରି କହିଥିଲେ ଯେ ହାଇଦ୍ରାବାଦର ସାନ୍ଧ୍ୟା ଥିଏଟରରେ ଘଟିଥିବା ଦୁର୍ଘଟଣାରେ ସେ ଦୁଃଖିତ। ସେ ଏହା ମଧ୍ୟ କହିଥିଲେ ଯେ ତାଙ୍କ ଚରିତ୍ରକୁ ହତ୍ୟା କରିବା ପାଇଁ ଚେଷ୍ଟା କରାଯାଉଛି।