Baba Venga 2025 Prediction: ୨୦୨୫ ପାଇଁ କାଉଣ୍ଟଡାଉନ, ଡରାଇଲାଣି ବାବା ଭେଙ୍ଗାଙ୍କ ଭବିଷ୍ୟବାଣୀ

Baba Venga 2025 Prediction: ସମଗ୍ର ପୃଥିବୀରେ ଲକ୍ଷ ଲକ୍ଷ ଲୋକ ଅଛନ୍ତି ଯେଉଁମାନେ ନିଜକୁ ଭଗବାନ ବୋଲି ଦାବି କରନ୍ତି । ତେବେ ଯେଉଁମାନଙ୍କ ଭବିଷ୍ୟବାଣୀ ଅନ୍ୟମାନଙ୍କ ତୁଳନାରେ ଅଧିକ ସତ ହୋଇଥାଏ, ସେମାନଙ୍କୁ ହିଁ ଦୁନିଆ ଜାଣେ। ଏଭଳି ଭବିଷ୍ୟବାଣୀ ମାନଙ୍କ ମଧ୍ୟରେ ଦୃଷ୍ଟିହୀନ ବୁଲଗେରିଆ ମହିଳା ଭାଙ୍ଗେଲିଆ ପାନଦେବ ଗୁଷ୍ଟରୋଭା କିମ୍ବା ବାବା ଭେଙ୍ଗାଙ୍କୁ କୌଣସି ପରିଚୟର ଆବଶ୍ୟକତା ନାହିଁ। ବାବା ଭେଙ୍ଗାଙ୍କ ମୃତ୍ୟୁର ୨୮ ବର୍ଷ ପରେ ମଧ୍ୟ ତାଙ୍କ ଭବିଷ୍ୟବାଣୀ ଲୋକଙ୍କ ଉତ୍କଣ୍ଠା ଜାଗ୍ରତ କରିଛି। ସେ ଦ୍ୱିତୀୟ ବିଶ୍ୱଯୁଦ୍ଧ, ଚେକୋସ୍ଲାଭିଆ ଓ ୟୁଗୋସ୍ଲାଭିଆର ବିଭାଜନ, ଚେର୍ନୋବିଲ ପରମାଣୁ ଦୁର୍ଘଟଣା, ଷ୍ଟାଲିନଙ୍କ ମୃତ୍ୟୁ ତାରିଖ ଭଳି ଅନେକ ଭବିଷ୍ୟବାଣୀ କରିଥିଲେ, ଯାହା ପରବର୍ତ୍ତୀ ସମୟରେ ସତ ପ୍ରମାଣିତ ହୋଇଥିଲା । ଏଭଳି ପରିସ୍ଥିତିରେ ପ୍ରତିବର୍ଷ ଆରମ୍ଭରେ ଲୋକମାନେ ଜାଣିବାକୁ ଚାହାଁନ୍ତି ଯେ ବାବା ଭେଙ୍ଗା ନୂଆ ବର୍ଷ ପାଇଁ କ'ଣ ଭବିଷ୍ୟବାଣୀ କରିଛନ୍ତି।

ଜାଣନ୍ତୁ ୨୦୨୫ରେ ବାବା ଭେଙ୍ଗାଙ୍କ ଭବିଷ୍ୟବାଣୀ କଣ ରହିଛି?
ବାବା ଭେଙ୍ଗା ତାଙ୍କ ଭବିଷ୍ୟବାଣୀରେ କହିଛନ୍ତି ଯେ ୨୦୨୫ ପ୍ରାରମ୍ଭରେ ସର୍ବନାଶ ଆରମ୍ଭ ହୋଇପାରେ। ଏହି ଭବିଷ୍ୟବାଣୀ ତାଙ୍କ ଅନୁଗାମୀ ଏବଂ ସାଧାରଣ ଜନତାଙ୍କ ମଧ୍ୟରେ ଗମ୍ଭୀର ଚିନ୍ତା ସୃଷ୍ଟି କରିଛି। ବାବା ଭେଙ୍ଗା ମଧ୍ୟ ୟୁରୋପରେ ଏକ ବଡ଼ ସଂଘର୍ଷ ହେବ ବୋଲି ପୂର୍ବାନୁମାନ କରିଛନ୍ତି, ଯାହା ୨୦୨୫ ସୁଦ୍ଧା ମହାଦେଶର ଏକ ବିଶାଳ ଜନସଂଖ୍ୟାକୁ ଧ୍ୱଂସ କରିଦେବ । ବିଶେଷ କରି ଭୂ-ରାଜନୈତିକ ଉତ୍ତେଜନା ପରିପ୍ରେକ୍ଷୀରେ ଏହି ପୂର୍ବାନୁମାନ ଚିନ୍ତାଜନକ।

କିଏ ଥିଲେ ବାବା ଭେଙ୍ଗା ?
ବାବା ଭେଙ୍ଗାଙ୍କ ପୁରା ନାମ ଭାଙ୍ଗେଲିଆ ପାନଦେବ ଗୁଷ୍ଟେରୋଭା ସେ ୧୯୧୧ ମସିହାରେ ଜନ୍ମଗ୍ରହଣ କରିଥିଲେ । ମାତ୍ର ୧୨ ବର୍ଷ ବୟସରେ ଝଡ଼ରେ ଫସିଯିବା ପରେ ସେ ଅନ୍ଧ ହୋଇଯାଇଥିଲେ। ଏହି ଦୁଃଖଦାୟକ ଘଟଣା ପରେ, ସେ ପ୍ରାକ୍ ଜ୍ଞାନ କୌଶଳ ବିକଶିତ କରିଥିଲେ, ଯାହା ତାଙ୍କ ଭବିଷ୍ୟବାଣୀ ପାଇଁ ପ୍ରସିଦ୍ଧି ଲାଭ କରିଥିଲା । ଭେଙ୍ଗା ତାଙ୍କ ଜୀବନର ଅଧିକାଂଶ ସମୟ ବୁଲଗେରିଆରେ ବିତାଇଥିଲେ ଏବଂ "ବାଲ୍କନ୍ ର ନାଷ୍ଟ୍ରାଡାମସ୍" ଭାବରେ ପରିଚିତ ହୋଇଥିଲେ । ବୈଶ୍ୱିକ ଘଟଣାକୁ ନେଇ ଭବିଷ୍ୟବାଣୀ କରିବା ସହିତ ସେ ନିଜ ମୃତ୍ୟୁର ପୂର୍ବାନୁମାନ ମଧ୍ୟ କରିଥିଲେ।

ବାବା ଭେଙ୍ଗା ମଧ୍ୟ ନିଜ ମୃତ୍ୟୁର ଭବିଷ୍ୟବାଣୀ କରିଥିଲେ
୧୯୯୦ ମସିହାରେ ଏକ ସାକ୍ଷାତକାରରେ ବାବା ଭେଙ୍ଗା କହିଥିଲେ ଯେ ୧୯୯୬ ମସିହା ଅଗଷ୍ଟ ୧୧ ତାରିଖରେ ତାଙ୍କର ଦେହାନ୍ତ ହେବ। ତାଙ୍କ ନିଜ କଥା ଅନୁଯାୟୀ, ଠିକ୍ ସେହି ତାରିଖରେ ବାବା ଭେଙ୍ଗାଙ୍କର ମୃତ୍ୟୁ ଘଟିଥିଲା। ତାଙ୍କର ମୃତ୍ୟୁ ସତ୍ତ୍ୱେ, ଭବିଷ୍ୟବାଣୀ ଦାବିର ଐତିହ୍ୟ ବଜାୟ ରହିଛି ଏବଂ ତାଙ୍କ ଭବିଷ୍ୟବାଣୀର ନୂତନ ବ୍ୟାଖ୍ୟା କ୍ରମାଗତ ଭାବରେ ଉଭା ହେଉଛି ।

Also Read: Margashirsha Thursday Horoscope: ନଭେମ୍ବର ୨୮ରୁ ଆରମ୍ଭ ହେଉଛି ମାର୍ଗଶୀର ଗୁରୁବାର, ୩ରାଶି ଉପରେ ରହିବ ମା ଲକ୍ଷ୍ମୀଙ୍କ କୃପା ଅପାର

Also See Video: Aseema Panda Video: ବାଲିଯାତ୍ରା ଷ୍ଟେଜ ରେ ଅସୀମା ପଣ୍ଡାଙ୍କୁ ଘୋର ଅପମାନ, ଭିଡିଓ ଭାଇରାଲ