AQI in Delhi: ଦିଲ୍ଲୀର ଅବସ୍ଥା ସାଙ୍ଘାତିକ୍, ପ୍ରଦୂଷଣକୁ ନେଇ ପ୍ରିୟଙ୍କା ଗାନ୍ଧୀଙ୍କ ବିସ୍ଫୋରକ ବୟାନ...

AQI in Delhi: ଦିଲ୍ଲୀରେ ପ୍ରଦୂଷଣର ସ୍ତର ଧିରେ ଧିରେ ବଢ଼ିବାରେ ଲାଗିଛି। ପ୍ରଦୂଷିତ ବାୟୁ ଗୁଣବତ୍ତାକୁ ଦୃଷ୍ଟିରେ ରଖି ଗୁରୁବାର ସକାଳେ ଦିଲ୍ଲୀ ବିମାନବନ୍ଦରରେ ବିମାନ ଚଳାଚଳ ପାଇଁ ସ୍ୱଳ୍ପ ଦୃଶ୍ୟମାନ ଅବସ୍ଥାରେ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କାର୍ଯ୍ୟକାରୀ କରାଯାଇଛି। ନୂଆ ବିମାନ ସୂଚନା ପାଇଁ ସଂପୃକ୍ତ ବିମାନ ସେବା ସହିତ ଯୋଗାଯୋଗ କରିବାକୁ DIAL ଯାତ୍ରୀମାନଙ୍କୁ ଅନୁରୋଧ କରାଯାଇଛି। ଖରାପ ପାଗ ଯୋଗୁଁ ବିମାନ ଚଲାଚଳ ମଧ୍ୟ ପ୍ରଭାବିତ ହେଉଛି। ଏପରି ପରିସ୍ଥିତିରେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ କେରଳରୁ ଦିଲ୍ଲୀ ଫେରିଛନ୍ତି। ରାଜଧାନୀ ଦିଲ୍ଲୀର ପାଣିପାଗ ଦେଖି ସେ କହିଛନ୍ତି ଯେ ଦେଶର ରାଜଧାନୀକୁ ଫେରିବା ଏକ 'ଗ୍ୟାସ ଚାମ୍ବର'ରେ ପ୍ରବେଶ କରିବା ସହ ସମାନ।

ପ୍ରିୟଙ୍କା ଦିଲ୍ଲୀକୁ 'ଗ୍ୟାସ ଚାମ୍ବର' ବୋଲି କହିଛନ୍ତି:

କେରଳର ୱାୟାନାଡରେ ଲୋକସଭା ଉପ-ନିର୍ବାଚନ ଭୋଟିଂ ପରେ ପ୍ରିୟଙ୍କା ଗାନ୍ଧୀ ଦିଲ୍ଲୀ ଫେରିଛନ୍ତି। କେରଳରୁ ଫେରିବା ପରେ ସେ କହିଛନ୍ତି ଯେ ରାଷ୍ଟ୍ରୀୟ ରାଜଧାନୀକୁ ଫେରିବା ଏକ 'ଗ୍ୟାସ ଚାମ୍ବର'ରେ ପ୍ରବେଶ କରିବା ପରି ଥିଲା। ସ୍ୱଚ୍ଛ ବାୟୁ ପାଇଁ ମିଳିତ ଭାବେ କାମ କରିବାକୁ ସେ ଆହ୍ୱାନ ଦେଇଛନ୍ତି।

ୱାୟାନାଡର ବାୟୁ ନିର୍ମଳ ଅଟେ:

କଂଗ୍ରେସର ସାଧାରଣ ସମ୍ପାଦକ କହିଛନ୍ତି ଯେ ଦିଲ୍ଲୀର ପ୍ରଦୂଷଣ ପ୍ରତିବର୍ଷ ଖରାପ ହେବାରେ ଲାଗିଛି। ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ ଏକ ପୋଷ୍ଟରେ ସେ କହିଛନ୍ତି, "ୱାୟାନାଡରୁ ଦିଲ୍ଲୀ ଫେରିବା ଏକ ଗ୍ୟାସ ଚାମ୍ବରରେ ପ୍ରବେଶ କରିବା ପରି ଥିଲା। ଆକାଶରୁ ଧୂଆଁର ଚାଦର ଆହୁରି ଚକିତ କରିଛି।" ତାଙ୍କ କହିବାନୁସାରେ, ୱାୟାନାଡରେ ବାୟୁ ସ୍ୱଚ୍ଛ ଏବଂ ବାୟୁର ଗୁଣବତ୍ତା ସୂଚକାଙ୍କ (AQI) 35।

ଦିଲ୍ଲୀର ବାୟୁ ପ୍ରଦୂଷିତ, ଏକାଠି ସମାଧାନ ଖୋଜ:

AQI in Delhi: ​ ପ୍ରିୟଙ୍କା ଗାନ୍ଧୀ କହିଛନ୍ତି, "ଦିଲ୍ଲୀର ପ୍ରଦୂଷଣ ପ୍ରତିବର୍ଷ ଦିନକୁ ଦିନ ବଢ଼ିବାରେ ଲାଗିଛି। ଆମକୁ ସ୍ୱଚ୍ଛ ବାୟୁ ପାଇଁ ସମାଧାନର ରାସ୍ତା ଖୋଜିବାକୁ ପଡିବ। ଏହା କୌଣସି ଏକ ଦଳର ବିଷୟ ନୁହେଁ, ଏହା ସମସ୍ତଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ବିଷୟ, ବିଶେଷକରି ଶିଶୁ, ବୃଦ୍ଧ, ବୃଦ୍ଧାଙ୍କ ଉପରେ ଏହି ପରିବେଶ ଖୁବ୍ ଖରାପ ପ୍ରଭାବ ପକାଉଛି। ଶ୍ୱାସକ୍ରିୟା ସମ୍ବନ୍ଧିୟ ସମସ୍ୟା ଥିବା ବ୍ୟକ୍ତିମାନେ ଏହିପରି ବାୟୁରେ ନିଶ୍ୱାସ ନେବା କ୍ଷତିକାରକ, ଆମକୁ ଏହି ବିଷୟରେ କିଛି କରିବାକୁ ପଡିବ।

କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ୱାୟାନାଡରୁ ନିର୍ବାଚନ ଇନିଂସ ଆରମ୍ଭ କରୁଛନ୍ତି। ଲୋକସଭାରେ ପ୍ରିୟଙ୍କାଙ୍କ ଭାଇ ତଥା ବିରୋଧୀ ଦଳର ନେତା ରାହୁଲ ଗାନ୍ଧୀ ୱାୟାନାଡ ଆସନ ଛାଡିବା ପରେ ଏଠାରେ ଉପ-ନିର୍ବାଚନ ଅନୁଷ୍ଠିତ ହୋଇଯାଇଛି। କିଛି ମାସ ପୂର୍ବେ ଅନୁଷ୍ଠିତ ଲୋକସଭା ନିର୍ବାଚନରେ ​​ରାହୁଲ ଉତ୍ତରପ୍ରଦେଶର ଉଭୟ ରାଏବରେଲି ଏବଂ ୱାୟନାଡ ଆସନରୁ ଜିତିଥିଲେ ଏବଂ ପରେ ସେ କେରଳରୁ ଲୋକସଭା ଆସନ ଛାଡିଥିଲେ।