Afghanistan Earthquake: ଆଫଗାନିସ୍ତାନରେ ଭୟଙ୍କର ଭୁମିକମ୍ପ, ୨୦୦୦ ଡେଇଁଲାଣି ମୃତକଙ୍କ ସଂଖ୍ୟା

Afghanistan Earthquake: ନୂଆଦିଲ୍ଲୀ: ଅଧଘଣ୍ଟା ମଧ୍ୟରେ ଆସିଥିବା ଲଗାତାର ୬ଟି ଭୂମିକମ୍ପରେ ଥରିଛି ପଶ୍ଚିମ ଆଫଗାନିସ୍ତାନ। ପଶ୍ଚିମ ଆଫଗାନିସ୍ତାନରେ ହୋଇଥିବା ଏକ ଶକ୍ତିଶାଳୀ ଭୂକମ୍ପରେ ମୃତ୍ୟୁସଂଖ୍ୟା ୨ ହଜାର ଡେଇଁଲାଣି। ଏନେଇ ତାଲିବାନ ମୁଖପାତ୍ର ରବିବାର ଦିନ କହିଛନ୍ତି ଯେ ଦୁଇ ଦଶନ୍ଧି ମଧ୍ୟରେ ଦେଶରେ ଏହା ସବୁଠାରୁ ମାରାତ୍ମକ ଭୁମିକମ୍ପ ଅଟେ। ଶନିବାର ଦିନ ଆଫଗାନିସ୍ତାନର ପଶ୍ଚିମ ଆଫଗାନିସ୍ତାନରେ ରିକ୍ଟର ସ୍କେଲରେ ୬.୩ ରହିଥିଲା। ଏହା ଏକ ଶକ୍ତିଶାଳୀ ଭୂକମ୍ପ ଏବଂ ଏହି ଭୂକମ୍ପରେ ଦୁଇ ହଜାର ଲୋକ ପ୍ରାଣ ହରାଇଛନ୍ତି ବୋଲି ଦେଶର ଜାତୀୟ ବିପର୍ଯ୍ୟୟ ପ୍ରାଧିକରଣ କହିଛି।

ଅଧିକାରୀଙ୍କ କହିବାନୁସାରେ, ଜିନ୍ଦା ଜାନ ଏବଂ ଘୋରିୟାନ ଜିଲ୍ଲାର ବାରଟି ଗାଁ ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି। ଏହାପୂର୍ବରୁ ବିପର୍ଯ୍ୟୟ ପରିଚାଳନା ମନ୍ତ୍ରଣାଳୟର ମୁଖପାତ୍ର ଜନନ ସାକ କହିଛନ୍ତି ଯେ ଆଜି ହୋଇଥିବା ଭୂକମ୍ପରେ ହେରାଟର 'ଜିନ୍ଦା ଜନ' ଜିଲ୍ଲାର ତିନୋଟି ଗ୍ରାମରେ ଅତି କମରେ ୧୫ ଜଣଙ୍କର ମୃତ୍ୟୁ ଘଟିଥିବା ବେଳେ ୪୦ ଜଣ ଆହତ ହୋଇଛନ୍ତି। ମନ୍ତ୍ରଣାଳୟର ମୁଖପାତ୍ର ଏକ ଭିଡିଓରେ କହିଛନ୍ତି ଯେ ଫରାହ ଏବଂ ବାଦଗିସ୍ ପ୍ରଦେଶର କିଛି ଘର ମଧ୍ୟ ଆଂଶିକ ନଷ୍ଟ ହୋଇଯାଇଛି। ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ ପଶ୍ଚିମ ଆଫଗାନିସ୍ତାନରେ ୬ଥର ଭୂକମ୍ପ ଘଟିଛି, ସେଥିମଧ୍ୟରୁ ରିକ୍ଟର ସ୍କେଲରେ ସର୍ବାଧିକ ୬.୩ ତୀବ୍ରତାର ରହିଥିଲା। 

USGS ରୁ ମିଳିଥିବା ସୂଚନା ଉପରେ ଆଧାର କରି, ହେରାଟର 'ଜିନ୍ଦା ଜାନ' ଜିଲ୍ଲାରେ ୭.୭ କିଲୋମିଟର ଗଭୀରତାରେ ୫.୯ ମ୍ୟାଗ୍ନିଚ୍ୟୁଡର ଭୂକମ୍ପ ଘଟିଛି। ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ନିକଟସ୍ଥ ଫରାହ ଏବଂ ବାଗଦିସ ପ୍ରଦେଶରେ ମଧ୍ୟ ଏହି ଭୂକମ୍ପ ଅନୁଭୂତ ହୋଇଥିଲା।  ଆଫଗାନିସ୍ତାନରେ ଭୂକମ୍ପ ହେବାର ସମ୍ଭାବନା ରହିଛି, ବିଶେଷତଃ ହିନ୍ଦୁକୁଶ ପର୍ବତମାଳାରେ, ଯାହା ୟୁରାସିଆନ୍ ଏବଂ ଭାରତୀୟ ଟେକ୍ଟୋନିକ୍ ପ୍ଲେଟଗୁଡିକର ସମ୍ମିଳନୀ ନିକଟରେ ଅବସ୍ଥିତ। ପାଜୱୋକ ଆଫଗାନିସ୍ତାନ ନ୍ୟୁଜ୍ ରିପୋର୍ଟ ଅନୁଯାୟୀ, ଜୁନ୍ ୨୦୨୨ରେ ପୂର୍ବ ଆଫଗାନିସ୍ତାନର ପାର୍ବତ୍ୟ ଅଞ୍ଚଳରେ ଏକ ଶକ୍ତିଶାଳୀ ଭୂକମ୍ପ ଘଟି ୧୦୦୦ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା ​​ଏବଂ ପ୍ରାୟ ୧୫୦୦ ଲୋକ ଆହତ ହୋଇଥିଲେ।