ଏହି ଦୁଇଟି ଭିଟାମିନର ଅଭାବ ହେତୁ ଦୁର୍ବଳ ହୁଏ ଆପଣଙ୍କ ଦୃଷ୍ଟିଶକ୍ତି

ଭିଟାମିନ୍ ଏବଂ ମିନେରାଲ୍ସ (vitamin and minerals)  ଶରୀର ପାଇଁ ଅତ୍ୟାବଶ୍ୟକ ପୋଷକ ତତ୍ତ୍ୱ । ଯାହା ଶରୀରକୁ କାର୍ଯ୍ୟକ୍ଷମ ପାଇଁ ସକ୍ରିୟ ରଖେ ଏବଂ କୌଣସି ସଂକ୍ରମଣରୁ ଶରୀରକୁ ରକ୍ଷା କରିଥାଏ । ଏହା ଆମର ଅସ୍ଥିକୁ ଦୃଢ଼ କରିବା ସହିତ ମସ୍ତିଷ୍କକୁ ସକ୍ରିୟ ରଖିଥାଏ । ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା (NHS) ଅନୁଯାୟୀ, ଭିଟାମିନ୍ ଏବଂ ମିନେରାଲ୍ସ ହେଉଛି ପୁଷ୍ଟିକର ଖାଦ୍ୟ ଯାହାକି ଆପଣଙ୍କ ଶରୀରକୁ ସଠିକ୍ ଭାବରେ କାର୍ଯ୍ୟ କରିବା ଏବଂ ସୁସ୍ଥ ରହିବା ପାଇଁ ଅଳ୍ପ ପରିମାଣରେ ଆବଶ୍ୟକ ହୋଇଥାଏ । କିନ୍ତୁ କମ୍ ପରିମାଣ ସତ୍ତ୍ୱେ ଲୋକମାନେ ଅଧିକ ପ୍ରୋଟିନକୁ ଗୁରୁତ୍ୱ ଦେଉଥିବାବେଳେ ଭିଟାମିନ୍ ଏବଂ ମିନେରାଲ୍ସ ପ୍ରତି ଧ୍ୟାନ ଦିଅନ୍ତି ନାହିଁ ।

ଶରୀର ପାଇଁ କେତେ ଭିଟାମିନ୍ ଆବଶ୍ୟକ
ଆମ ଶରୀର ପାଇଁ ୧୩ଟି ଜରୁରୀ ଭିଟାମିନ୍ ଆବଶ୍ୟକ, ଯାହା ବିଭିନ୍ନ ଖାଦ୍ୟ ଉତ୍ସରୁ ମିଳିଥାଏ । ପ୍ରତ୍ୟେକ ଭିଟାମିନ୍ ର ଭିନ୍ନଭିନ୍ନ ଭୂମିକା ରହିଛି । ଭିଟାମିନ୍ ଅଭାବ ହେତୁ ଅନେକ ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୋଇଥାଏ । ସାଧାରଣତଃ ଭିଟାମିନ୍ ଅଭାବର ଅର୍ଥ ଶରୀରରେ ନିମ୍ନ ସ୍ତର ବା ଭିଟାମିନ ପରିମାଣରେ ଅଭାବ ।  ଏହା ଥକାପଣ, ଦୁର୍ବଳତା, ମୁଣ୍ଡ ବୁଲାଇବା, ହାଡର ଘନତା ହ୍ରାସ, ଚର୍ମ ରଙ୍ଗରେ ପରିବର୍ତ୍ତନ ପାଇଁ ଦାୟୀ ହୋଇଥାଏ । ଏଥିସହ କେତେକ ଭିଟାମିନର ଅଭାବ ଯୋଗୁ ଚାପ ସହିତ ମାନସିକ ସମସ୍ୟା ଦେଖାଦେଇଥାଏ ।

କେଉଁ ଦୁଇଟି ଭିଟାମିନ୍ ଅଭାବରୁ ହୋଇଥାଏ ଦୃଷ୍ଟିଶକ୍ତି ଦୁର୍ବଳ
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତାନୁସାରେ ଭିଟାମିନ୍ A ଓ  B-12ର ଅଭାବ ଦୃଷ୍ଟିଶକ୍ତିକୁ ପ୍ରଭାବିତ କରିଥାଏ । ସଠିକ ସମୟରେ ଯଦି ଏହାର ଚିକିତ୍ସା କରାନଯାଏ, ତେବେ ଦୃଷ୍ଟି ଶକ୍ତି ହ୍ରାସ ପାଇଥାଏ । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ, ଭିଟାମିନ୍ Aର ଅଭାବ କର୍ଣ୍ଣିଆକୁ ଅଧିକ ଶୁଷ୍କ କରିବା ସହ ଅନ୍ଧତ୍ୱର କାରଣ ହୋଇଥାଏ । ଯାହା ରେଟିନା ଏବଂ କର୍ଣ୍ଣିଆକୁ କ୍ଷତି ପହଞ୍ଚାଇଥାଏ। ଏକ ଅଧ୍ୟୟନ ଅନୁଯାୟୀ, ବିଶ୍ୱରେ ଭିଟାମିନ୍ A ଅଭାବରୁ ପ୍ରତିବର୍ଷ ପ୍ରାୟ ୨ ଲକ୍ଷ ୫୦ ହଜାର ପିଲା ଦୃଷ୍ଟି ଶକ୍ତି ହରାଇଥାନ୍ତି । ସେମାନଙ୍କ ମଧ୍ୟରୁ ଅଧା ଦୃଷ୍ଟି ଶକ୍ତି ହରାଇଥିବା ବ୍ୟକ୍ତି ୧୨ ମାସ ମଧ୍ୟରେ ଜୀବନ ହାରିଥାନ୍ତି । ସେହିଭଳି ଭିଟାମିନ୍ B-12 ଅଭାବ ମଧ୍ୟ ଦୃଷ୍ଟି ଶକ୍ତି ହରାଇବାର କାରଣ ହୋଇପାରେ ।  ଆସୋସିଏସନ୍ ଅଫ୍ ସ୍କୁଲ୍ ଆଣ୍ଡ କଲେଜ୍ ଅଫ୍ ଅପ୍ଟୋମେଟ୍ରି ଅନୁଯାୟୀ ମସ୍ତିଷ୍କ ଏବଂ ସ୍ନାୟୁ କୋଷଗୁଡ଼ିକର କାର୍ଯ୍ୟ ଏବଂ ବିକାଶ ପାଇଁ ଭିଟାମିନ୍ B-12 ଅତ୍ୟାବଶ୍ୟକ ପୁଷ୍ଟିକର ପୋଷକ ତତ୍ତ୍ୱ ।  ଏହାର ଅଭାବ ଯୋଗୁ ଅପ୍ଟିକ୍ ନ୍ୟୁରୋପାଥି ସମସ୍ୟା ହୋଇଥାଏ । ଏହା ବ୍ୟତୀତ ଭିଟାମିନ B-12 ଅଭାବରୁ ମୁଣ୍ଡବିନ୍ଧା, ଆଖି କୁଣ୍ଡେଇ ହେବା, ଶୁଷ୍କତା ଭଳି ସମସ୍ୟା ମଧ୍ୟ ଦେଖା ଦେଇପାରେ।

କିପରି ଦୂର କରାଯିବ ଭିଟାମିନ ଅଭାବ ସମସ୍ୟା

NHS ଅନୁଯାୟୀ, ପନିର, ଅଣ୍ଡା, କ୍ଷୀର, ଦହି ଭିଟାମିନ୍ A ର ସର୍ବୋତ୍ତମ ଖାଦ୍ୟ ଉତ୍ସ ଅଟେ । ବ୍ରିଟେନ ସ୍ୱାସ୍ଥ୍ୟ ଏଜେନ୍ସି ରିପୋର୍ଟ ଅନୁସାରେ ଆପଣ ନିଜ ଖାଦ୍ୟରେ ବିଟା-କାରୋଟିନ ସାମିଲ କଲେ ଭିଟାମିନ୍ A ଅଭାବ ଦୂର ହୋଇପାରିବ । ବିଭିନ୍ନ ପ୍ରକାର ସବୁଜ ଶାଗ, ପନିପରିବା  ଯେପରିକି ଆମ୍ବ, ଗାଜର, ଅମୃତଭଣ୍ଡା ଆଦି ଭିଟାମିନ Aର ସ୍ରୋତ ଅଟେ।

ସେହିପରି ଭିଟାମିନ୍ B12 ଅଭାବ ଦୂର ପାଇଁ ମଧ୍ୟ ଆପଣଙ୍କୁ ଉତ୍ତମ ଖାଦ୍ୟ ଚୟନ କରିବାକୁ ପଡ଼ିପାରେ । ସାମୁଦ୍ରିକ ଖାଦ୍ୟ ସବୁଜ ପନିପରିବାରେ ପ୍ରଚୁର ପରିମାଣରେ ଭିଟାମିନ B-12 ରହିଥାଏ । ପାଳଙ୍ଗ, ବିଟ, ଆଳୁ, ଛତୁରୁ ଆପଣଙ୍କୁ ପ୍ରଚୁର ପରିମାଣରେ  ଭିଟାମିନ B-12 ମିଳିପାରିବ।