Cardiac Arrest: ଜିମରେ ୱାର୍କ ଆଉଟ୍ କିମ୍ବା ନାଚିବା ସମୟରେ କାହିଁକି ମରିଯାଉଛନ୍ତି ଲୋକେ, ଜାଣନ୍ତୁ କାରଣ ଓ ବଞ୍ଚିବାର ଉପାୟ

Cardiac Arrest: ନିକଟରେ ଏପରି ଅନେକ ଘଟଣା ଦେଖିବାକୁ ମିଳିଛି, ​​ଯେତେବେଳେ ଜଣେ ବ୍ୟକ୍ତି ଜିମରେ ୱାର୍କ ଆଉଟ୍ କରିବା କିମ୍ୱା ନାଚିବା ସମୟରେ ହଠାତ୍ ଚେତାଶୂନ୍ୟ ହୋଇ ଲୋକ ମୃତ୍ୟୁ ବରଣ କରୁଛନ୍ତି । ନିକଟରେ ଗାଜିଆବାଦରେ ଏପରି ଘଟଣା ସାମ୍ନାକୁ ଆସିଥିଲା ​​ଯେତେବେଳେ ଜିମରେ ଟ୍ରାଡମିଲ ଉପରେ ଚାଲୁଥିବା ବେଳେ ଜଣେ ଯୁବକ ହଠାତ୍ ଚେତାଶୂନ୍ୟ ହୋଇ ପ୍ରାଣ ହରାଇଥିଲେ । ଏହାପୂର୍ବରୁ ଅନେକ ସେଲିବ୍ରିଟି ମଧ୍ୟ ଜିମରେ ବ୍ୟାୟାମ କରୁଥିବା ସମୟରେ ଏପରି ମୃତ୍ୟୁ ବରଣ କରିଥିଲେ । ଡାକ୍ତରମାନେ ଏହି ଆକସ୍ମିକ ମୃତ୍ୟୁକୁ କାର୍ଡିକ୍ ଅରେଷ୍ଟ ବୋଲି କହିଛନ୍ତି । ଏହା ହାର୍ଟ ଆଟାକ୍ ଠାରୁ ଭିନ୍ନ ଓ ଅନେକ ଗୁଣା ବିପଜ୍ଜନକ ଅଟେ । ହସ୍ପିଟାଲ ବାହାରେ ହୃଦ୍‌ଘାତର ୯୦ ପ୍ରତିଶତ ମାମଲାରେ ରୋଗୀର ମୃତ୍ୟୁ ଘଟିଥାଏ । ଏହି ସମସ୍ୟା ଅଳ୍ପ ବୟସରେ ମଧ୍ୟ ଦେଖାଯାଏ । ଏହା ମଧ୍ୟ ବିପଜ୍ଜନକ କାରଣ ଅନେକ କ୍ଷେତ୍ରରେ ଏହାର କୌଣସି ଲକ୍ଷଣ ଦେଖାଯାଏ ନାହିଁ । ଆସନ୍ତୁ ଜାଣିବା କାର୍ଡିକ୍ ଅରେଷ୍ଟ କ’ଣ ଓ ଏହା ହାର୍ଟ ଆଟାକ୍ ଠାରୁ କିପରି ଭିନ୍ନ…

କାର୍ଡିକ୍ ଅରେଷ୍ଟ କ’ଣ? (What is Cardiac Arrest)
ବିଶେଷଜ୍ଞଙ୍କ ଅନୁଯାୟୀ, କାର୍ଡିକ୍ ଅରେଷ୍ଟ ଯୋଗୁଁ ହାର୍ଟ ହଠାତ୍ କାମ ବନ୍ଦ ହୋଇଯାଏ । ଏହି କାରଣରୁ ଶରୀରର ଅଙ୍ଗକୁ ସଠିକ୍ ଭାବରେ ରକ୍ତ ସଞ୍ଚାଳନ ହୋଇପାରି ନଥାଏ ଓ ମସ୍ତିଷ୍କରେ ଅମ୍ଳଜାନର ଅଭାବ ଯୋଗୁଁ ବ୍ୟକ୍ତିଙ୍କର ମୃତ୍ୟୁ ହୁଏ । ଏହି କାରଣ ପାଇଁ ନାଚିବା ସମୟରେ କିମ୍ବା ଜିମରେ ଲୋକଙ୍କର ମୃତ୍ୟୁ ହୋଇଯାଏ । ବିଶେଷଜ୍ଞଙ୍କ ଅନୁଯାୟୀ, ଯେତେବେଳେ କାର୍ଡିକ୍ ଅରେଷ୍ଟ ହୁଏ, ସେତେବେଳେ ଛାତିରେ ହଠାତ୍ ପ୍ରବଳ ଯନ୍ତ୍ରଣା ହୁଏ । ହାଲୁକା ଝାଳ ବାହାରିଥାଏ । ଏହା ହୃଦଘାତର ଏକ ଲକ୍ଷଣ ଓ କିଛି ମିନିଟ୍ ମଧ୍ୟରେ ଏହା କାର୍ଡିକ୍ ଅରେଷ୍ଟର କାରଣ ହୋଇଥାଏ । କାର୍ଡିକ୍ ଅରେଷ୍ଟରେ ରୋଗୀର ଜୀବନ ବଞ୍ଚାଇବା ଅତ୍ୟନ୍ତ କଷ୍ଟକର ହୋଇଯାଏ । ଏକ ଆକଳନ ଅନୁଯାୟୀ, ହସ୍ପିଟାଲ ବାହାରେ କାର୍ଡିକ୍ ଅରେଷ୍ଟରେ ପୀଡିତ ହେଲେ ୧୦୦ ରୋଗୀଙ୍କ ମଧ୍ୟରୁ ୩ ଜଣଙ୍କ ବଞ୍ଚିବାର ସୁଯୋଗ ରହିଛି । ଏଥିରେ ସି.ପି.ଆର. ଦେଇ ରୋଗୀକୁ ବଞ୍ଚାଯାଇ ପାରେ, ଯଦିଓ ଅଧିକାଂଶ ଲୋକ CPR ବିଷୟରେ ଜାଣନ୍ତି ନାହିଁ ।

କାର୍ଡିକ୍ ଅରେଷ୍ଟ ଓ କୋରନା ଭାଇରସ୍
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, କାର୍ଡିକ୍ ଅରେଷ୍ଟର ବୃଦ୍ଧି ହେବାର ଅନ୍ୟତମ କାରଣ ହେଉଛି କରୋନା ଭୂତାଣୁ । ଏହି ଭୂତାଣୁ କାରଣରୁ ଶରୀରରେ ରକ୍ତ ଜମାଟ ବାନ୍ଧିଥାଏ ଓ ହାର୍ଟ ରକ୍ତ ଜମାଟ ବାନ୍ଧିବା ଯୋଗୁଁ ହାର୍ଟ ରକ୍ତକୁ ସଠିକ୍ ଭାବରେ ପମ୍ପିଂ କରିବାରେ ସକ୍ଷମ ହୋଇନଥାଏ । ଏହି ବ୍ଲକେଜ ଯୋଗୁଁ ଏହା କାର୍ଡିକ୍ ଅରେଷ୍ଟର କାରଣ ହୋଇଥାଏ । ଯାହା ଅଧ ଘଣ୍ଟାରୁ ୧୫ ମିନିଟ୍ ମଧ୍ୟରେ କାର୍ଡିକ୍ ଅରେଷ୍ଟର କାରଣ ହୋଇଥାଏ ।

ଆପଣ ଯେତେ ଫିଟ୍ ଦେଖାଯାଉନ୍ତୁ ନା କାହିଁକି କିମ୍ବା ଆପଣଙ୍କ ଜୀବନଶୈଳୀ ସଂଗଠିତ ରଖନ୍ତୁ, ଏହା ସତ୍ତ୍ୱେ ମଧ୍ୟ କାର୍ଡିକ୍ ଅରେଷ୍ଟର ସମସ୍ୟା ଦେଖାଦେଇପାରେ । ଯଦି କିଛି ମିନିଟ୍ ମଧ୍ୟରେ କାର୍ଡିକ୍ ଅରେଷ୍ଟର ଚିକିତ୍ସା କରା ନ ଯାଏ, ତେବେ ମୃତ୍ୟୁ ହୋଇପାରେ ।

କାର୍ଡିକ୍ ଅରେଷ୍ଟର କେତେକ ମାମଲାରେ ଦେଖାଯାଇଥିବା ଲକ୍ଷଣ

• ଗ୍ୟାସ୍ ହେବା 
• ହଠାତ୍ ଛାତି ଯନ୍ତ୍ରଣା
• ଯେପରି ଗଳାରେ କିଛି ଅଟକି ଯାଇଥିବା ଅନୁଭବ କରିବା 
• ଶରୀରର କାମ କରିବାର କ୍ଷମତାରେ ହଠାତ୍ ପରିବର୍ତ୍ତନ କିମ୍ବା ନିଶ୍ୱାସ ପ୍ରଶ୍ୱାସ ବଢ଼ିଯିବା

(Disclaimer: ଏହି ଆର୍ଟିକିଲରେ ଉଲ୍ଲେଖ କରାଯାଇଥିବା ସୂଚନା, ପଦ୍ଧତି ଓ ପରାମର୍ଶକୁ କାର୍ଯ୍ୟକାରୀ କରିବା ପୂର୍ବରୁ ନିଶ୍ଚିତ ଭାବରେ ଡାକ୍ତର କିମ୍ବା ସମ୍ପୃକ୍ତ ବିଶେଷଜ୍ଞଙ୍କଠାରୁ ପରାମର୍ଶ ନିଅନ୍ତୁ ।)