Twitter Update: ଟ୍ୱିଟର ନିଜ ୟୁଜର୍ସଙ୍କୁ ଦେଲା ଏକ ବଡ଼ ଗିଫ୍ଟ; ଜାଣନ୍ତୁ ଡିଟେଲ୍ସ

Twitter Update: ଟ୍ୱିଟର ଶେଷରେ ସେହି ଫିଚରକୁ ନେଇ ଆସୁଛି, ଯାହାକୁ ଲୋକମାନେ ବର୍ଷ ବର୍ଷ ଧରି ଅପେକ୍ଷା କରି ରହିଛନ୍ତି । ହଁ, ଆଜ୍ଞା ଶୀଘ୍ର ଟ୍ୱିଟର ଏହାର ଉପଭୋକ୍ତାମାନଙ୍କୁ ଏକ ବିଶେଷ ଉପହାର ଦେବାକୁ ଯାଉଛି । ଟ୍ୱିଟର ବ୍ୟବହାରକାରୀଙ୍କ ପାଇଁ ବହୁ ପ୍ରତୀକ୍ଷିତ ଏଡିଟ୍ ବଟନ୍ (Twitter Edit Button) ରୋଲ୍ ଆଉଟ କରିବ ବୋଲି କମ୍ପାନୀ ଗୁରୁବାର ଦିନ ଘୋଷଣା କରିଛି । ଆସନ୍ତା ସପ୍ତାହରେ ଏହା ଟ୍ୱିଟର ବ୍ଲୁ ୟୁଜର୍ସଙ୍କ ନିକଟରେ ପହଞ୍ଚିବ ବୋଲି କମ୍ପାନୀ କହିଛି ।

ଏହି ଫିଚର ଉପଭୋକ୍ତାମାନଙ୍କୁ ପୋଷ୍ଟ ହେବାର ଅଧ ଘଣ୍ଟା ପର୍ଯ୍ୟନ୍ତ ଟ୍ୱିଟ୍ ଏଡିଟ୍ କରିବାକୁ ଅନୁମତି ଦେବ ଓ ଏକ ଏଡିଟ୍ ହୋଇଥିବା ଟ୍ୱିଟ୍ ସୂଚକ ଦର୍ଶାଇବ ଯେ ଟ୍ୱିଟ୍ ଏଡିଟ୍ ହୋଇଛି । ବିଶେଷ କଥା ହେଉଛି ଉପଭୋକ୍ତାମାନେ ସମ୍ପାଦିତ ଟ୍ୱିଟ୍ ସହିତ ମୂଳ ଟ୍ୱିଟ୍ ଦେଖିବାକୁ ସକ୍ଷମ ହେବେ । କହିରଖୁଛୁ ଯେ ବର୍ତ୍ତମାନ ସୁଦ୍ଧା, ଥରେ ଟ୍ୱିଟ୍ ହୋଇଥିବା ବିଷୟବସ୍ତୁ ଏଡିଟ୍ ହୋଇପାରୁ ନ ଥିଲା । ପରିବର୍ତ୍ତନକୁ ପ୍ରତିଫଳିତ କରିବାକୁ ଉପଭୋକ୍ତା ଏହାକୁ ରିଟ୍ୱିଟ କରିବାକୁ ପଡିବ । ନୂତନ ଫିଚର କିପରି କାର୍ଯ୍ୟ କରିବ, ଆସନ୍ତୁ ବିସ୍ତୃତ ଭାବରେ ଜାଣିବା ....

ଟ୍ୱିଟର ଅନୁଯାୟୀ, ଏଡିଟ୍ ବଟନ୍ ବର୍ତ୍ତମାନ ଟେଷ୍ଟିଙ୍ଗ କରାଯାଉଛି ଓ ଆସନ୍ତା ସପ୍ତାହରେ ଟ୍ୱିଟର ବ୍ଲୁ ବ୍ୟବହାରକାରୀଙ୍କ ନିକଟରେ ଏହା ରୋଲ ଆଉଟ କରାଯିବ । କମ୍ପାନୀ କହିଛି ଯେ ଏହି ଫିଚର ଅନ୍ୟ ଦେଶରେ ବିସ୍ତାର ହେବା ପୂର୍ବରୁ ଗୋଟିଏ ଦେଶରେ ଟେଷ୍ଟିଙ୍ଗ କରାଯିବ । ଟ୍ୱିଟର ବ୍ଲୁ ହେଉଛି କମ୍ପାନୀର ପ୍ରିମିୟମ୍ ସବସ୍କ୍ରିପସନ୍ ସେବା ଯାହା ଉପଭୋକ୍ତାମାନଙ୍କୁ ଅନ୍ୟ ଉପଭୋକ୍ତାମାନଙ୍କ ପୂର୍ବରୁ ନୂତନ ଓ ସ୍ୱତନ୍ତ୍ର ଫିଚର ଗୁଡିକୁ ପ୍ରବେଶ ପ୍ରଦାନ କରିଥାଏ ।

if you see an edited Tweet it's because we're testing the edit button

this is happening and you'll be okay

— Twitter (@Twitter) September 1, 2022

ଏଡିଟ୍ ବଟନ୍ ବ୍ୟବହାରକାରୀଙ୍କୁ ପବ୍ଲିସିଙ୍ଗ ପରେ ୩୦ ମିନିଟ୍ ପର୍ଯ୍ୟନ୍ତ ବିଦ୍ୟମାନ ଟ୍ୱିଟ୍ ଏଡିଟ୍ କରିବାକୁ ଅନୁମତି ଦେବ । ପ୍ରକାଶିତ ଟ୍ୱିଟ୍ ଗୁଡିକରେ ପରିଚାୟକ ରହିବ ଯେପରିକି ଏକ ଲେବଲ୍, ଟାଇମଷ୍ଟ୍ୟାମ୍ପ ଓ ଆଇକନ୍ ଟୁଇଟ୍ ଏଡିଟ୍ ହୋଇଛି ବୋଲି ସୂଚାଇବ । ଟ୍ୱିଟର ବ୍ୟବହାରକାରୀମାନେ ଟ୍ୱିଟ୍ ଉପରେ କ୍ଲିକ୍ କରିବାକୁ ଓ ମୂଳ ବିଷୟବସ୍ତୁରେ କରାଯାଇଥିବା ସମସ୍ତ ପରିବର୍ତ୍ତନ ଦେଖିବାକୁ ସମର୍ଥ ହେବେ ।

ବାସ୍ତବରେ, ଅନେକ ଲୋକ ଏହି ପ୍ଲାଟଫର୍ମକୁ ଏପରି ଏକ ଫିଚର ଯୋଡିବାକୁ କହୁଥିଲା, ଯାହା ପବ୍ଲିସିଙ୍ଗ ପରେ ପୋଷ୍ଟଗୁଡିକ ଏଡିଟ୍ କରିବାକୁ ଅନୁମତି ଦେବ । ତେବେ ଉପଭୋକ୍ତାମାନଙ୍କ ବାରମ୍ବାର ଅନୁରୋଧ ସତ୍ତ୍ୱେ ଟ୍ୱିଟର ଦୀର୍ଘ ସମୟ ପର୍ଯ୍ୟନ୍ତ ତାହା କରିବାକୁ ମନା କରିଦେଇଥିଲା । ବର୍ତ୍ତମାନ ଟ୍ୱିଟରରେ  ୩୨୦ ନିୟୁତ ସକ୍ରିୟ ଉପଭୋକ୍ତା ଥିବା ଅନୁମାନ କରାଯାଉଛି ।

ଏହା ବି ପଢ଼ନ୍ତୁ: Health tips: ଅଧିକ ପାଣି ପିଇବା ଦ୍ୱାରା ଶରୀରରେ ହେଉଥିବା ରୋଗ ବିଷୟରେ ଆପଣ ଜାଣନ୍ତି କି?