Job And Business Horoscope: ନଭେମ୍ବର ୨୯ରେ ଫିଟିବ ୫ ରାଶିଙ୍କ ଭାଗ୍ୟ, ବେକାରିଙ୍କୁ ମିଳିବ ଚାକିରି!

ମେଷ :  କର୍ମକ୍ଷେତ୍ରରେ ଦିନଟି ଶୁଭ ରହିବ। ସହକର୍ମୀଙ୍କ ମନଗଢ଼ା କଥାକୁ ବିଶ୍ୱାସ କରି ଭାବପ୍ରବଣ ହୋଇପାରନ୍ତି । ବ୍ୟବସାୟରେ ଆଶାନୁରୂପକ ଫଳ ପାଇବେ। କୌଣସି ବଡ଼ ଡିଲ୍ ବ୍ୟବସାୟରେ ଫାଇନାଲ୍ ହୋଇପାରେ।  ଦରକାରୀ କାଗଜପତ୍ର କିମ୍ବା ଜିନିଷ ଆବଶ୍ୟକ ସମୟରେ ପାଇବେ ନାହିଁ। ଯାହାକୁ ନେଇ ସମସ୍ୟା ସୃଷ୍ଟି ହୋଇପାରେ। ଆଜିର ଯାତ୍ରା ଶୁଭ ରହିବ। ବନ୍ଧୁମିଳନ ପାଇଁ ଯୋଜନା କରିବେ । 

ALSO READ: Mo Bus: ଆଜିଠୁ ତିନି ଦିନ ଯାଏଁ ଏହିସବୁ ରୁଟ୍ ରେ ଗଡି଼ବନି 'ମୋ-ବସ୍', ଏଠାରେ ଦେଖନ୍ତୁ ପୂରା ତାଲିକା

ALSO READ: Guru Gochar 2025: ୨୦୨୫ ଶେଷ ଯାଏଁ ଏହିସବୁ ରାଶି ଉପରେ ରହିବ ବୃହସ୍ପତିଙ୍କ ଶୁଭଦୃଷ୍ଟି, ବର୍ଷସାରା ହେବ ଧନବର୍ଷା!

ବୃଷ : ଆଜି କର୍ମକ୍ଷେତ୍ରରେ ସମସ୍ୟା ମଧ୍ୟରେ ଗତି କରିବେ। କୌଣସି କାର୍ଯ୍ୟକୁ ନେଇ ସହକର୍ମୀଙ୍କ ସହ ଯୁକ୍ତିତର୍କ ହୋଇପାରେ। ନୂତନ ଯୋଜନା ପାଇଁ ପରିବାରରୁ ପୂର୍ଣ୍ଣ ସହଯୋଗ ପାଇବେ । ବ୍ୟବସାୟୀମାନେ ବାଣିଜ୍ୟ ବ୍ୟବସାୟରେ ଆଜି ଅର୍ଥ ନିବେଶ କରନ୍ତୁ ନାହିଁ। ଜମିଜମାକୁ କେନ୍ଦ୍ରକରି ପରିବାରରେ  ଅଶାନ୍ତିର ବାତାବରଣ ଲାଗି ରହିବ। 

ମିଥୁନ :  ଆଜି କର୍ମକ୍ଷେତ୍ରରେ ଦିନଟି ଶୁଭଦାୟୀ ରହିବ । ବ୍ୟବସାୟୀମାନେ ନିଜ ବିଜନେସ୍ ପାର୍ଟନରଙ୍କ ସହିତ ଦୂରଯାତ୍ରା କରିବେ। ଆଶା କରୁଥିବା ଦିଗରୁ ଅର୍ଥ ପାଇବେ। ବ୍ୟବସାୟରେ ବଡ଼ ଡିଲ୍ ଫାଇନାଲ୍ ହେବ। ସମସ୍ୟା ଲାଗି ରହିଥିଲେ ମଧ୍ୟ କୌଣସି କାମ ଅଟକି ରହିବ ନାହିଁ । ଯେଉଁମାନେ ଦିର୍ଘ ଦିନ ଧରି ଚାକିରି ଖୋଜୁଛନ୍ତି, ସେମାନଙ୍କୁ କୌଣସି ସଂସ୍ଥାରୁ ଚାକିରି ନେଇ ଫୋନ୍ କଲ୍ କିମ୍ବା ଅଫର ଲେଟର ମିଳିବ। ବନ୍ଧୁଙ୍କ ପ୍ରତିଶ୍ରୁତି ପାଇ ଖୁସି ରହିବେ ।ପରିବାରରେ ହସ-ଖୁସିର ମାହୋଲ୍ ଲାଗି ରହିବ। 

କର୍କଟ :  କ୍ୟାରିୟର ଦୃଷ୍ଟିକୋଣରୁ ଦିନଟି ଆଦୌ ଭଲ ରହିବ ନାହିଁ। ଚାକିରିଆ ଓ ବ୍ୟବସାୟୀମାନେ କର୍ମକ୍ଷେତ୍ରରେ ଆଶା ଅନୁସାରେ ସଫଳତା ପାଇବେ ନାହିଁ । କୌଣସି କାର୍ଯ୍ୟକୁ ନେଇ ଧୌର୍ଯ୍ୟହରା ହୋଇପାରନ୍ତି।  ବନ୍ଧୁଙ୍କ ସାହାଯ୍ୟରେ ଅର୍ଥ ସଙ୍କଟ ଦୂରେଇଯିବ ।  ନିଜ ପରିସର ବ୍ୟକ୍ତିଙ୍କ ଦ୍ୱାରା ସାମାଜିକ ସ୍ତରରେ ସମ୍ମାନ ଲାଭ କରିବେ । ଧାର୍ମିକ କାର୍ଯ୍ୟରେ ସାମିଲ ହେବେ । ପଡ଼ୋଶୀଙ୍କ ଘରୋଇ କଥାରେ ମୁଣ୍ଡ ପୂରାଇଲେ ଅପମାନିତ ହେବାକୁ ପଡ଼ିବାର ଆଶଙ୍କା ରହିଛି ।

ସିଂହ : କର୍ମକ୍ଷେତ୍ରରେ କର୍ମଚାରୀଙ୍କ ସହଯୋଗରୁ ସ୍ଥଗିତ କାମ ସମ୍ପନ୍ନ ହେବ ।  ନିଜ କାମରେ ଲାଗିଯିବେ ଏବଂ ଆଶାନୁଯାୟୀ ମଧ୍ୟ ଫଳ ପାଇପାରନ୍ତି । ବନ୍ଧୁଙ୍କଠାରୁ ଗୁରୁତ୍ୱପୂର୍ଣ୍ଣ ଖବରଟିଏ ପାଇ ଖୁସି ଅନୁଭବ କରିପାରନ୍ତି । ପରିବାରରେ ବିବାଦୀୟ ପରିସ୍ଥିତିର ଦୃଢ଼ ମୁକାବିଲା କରିବେ ।

କନ୍ୟା :  ସାହିତ୍ୟ, ସାମ୍ବାଦିକତା ଓ ପ୍ରଶାସନ କ୍ଷେତ୍ରରେ କାର୍ଯ୍ୟ କରୁଥିବା ଲୋକେ ସଫଳତା ପାଇବେ। ବାଣିଜ୍ୟ ଓ ବ୍ୟବସାୟ ବୃତ୍ତିରେ ଥିବା ଲୋକଙ୍କ କାରବାର ଭଲ ହେବ। ମାନସିକ ଅବସାଦ ଯୋଗୁ କୌଣସି କାମରେ ମନ ଲାଗିବ ନାହିଁ। ସ୍ବାସ୍ଥ୍ୟ ସମସ୍ୟା ମଧ୍ୟ ଲାଗି ରହିବ। 

ତୁଳା : ରାଜନୀତି କ୍ଷେତ୍ରରେ ଥିବା ଲୋକେ ଲକ୍ଷ୍ୟ ହାସଲ କରିବେ । ସଭା-ସମିତିରେ ସମ୍ମାନୀତ ହେବେ। ଦିର୍ଘ ଦିନର ଆଶା ପୂରଣ ହେବ। କୌଣସି ଦାମୀ ଜିନିଷ କିଣିବେ।  ପରିବାରର ବିଭିନ୍ନ ଜଞ୍ଜାଳରେ ବ୍ୟସ୍ତ ରହିବା ହେତୁ ମନ ଅସ୍ଥିର ରହିବ । ପ୍ରେମୀ ମାନଙ୍କ ପାଇଁ ସମୟ ଶୁଭ ରହିବ। 

ବିଛା :  ନୂଆକାର୍ଯ୍ୟ ଆରମ୍ଭ କରିବା ପାଇଁ ସମୟ ଶୁଭ ରହିବ। କର୍ମକ୍ଷେତ୍ରରେ ବରିଷ୍ଠ ଅଧିକାରୀଙ୍କ ଦ୍ବାରା ସମ୍ମାନୀତ ହେବେ। ପଦୋନ୍ନତି ନେଇ ଯୋଗ ରହିଛି। ବ୍ୟବସାୟ, ବାଣିଜ୍ୟ ଓ ପରିବହନ କ୍ଷେତ୍ରରେ ଶୁଭ ଫଳ ପ୍ରାପ୍ତି ହୋଇପାରେ। ଲୁଚି ରହିଥିବା ମନର ଦୁଃଖକୁ ବନ୍ଧୁଙ୍କ ସମ୍ମୁଖରେ କହି ଆଶ୍ୱସ୍ତି ଲାଭ କରିବେ । ସ୍ବାସ୍ଥ୍ୟ ଭଲ ରହିବ। 

ଧନୁ : କର୍ମକ୍ଷେତ୍ରରେ ସରକାରୀ କାମରେ ପଦସ୍ଥ ବ୍ୟକ୍ତିଙ୍କ ସାନ୍ନିଧ୍ୟରୁ ଉପକୃତ ହେବେ । ଦୀର୍ଘଦିନରୁ ସ୍ଥଗିତ ରହିଥିବା କାମଟି ବନ୍ଧୁଙ୍କ ସାହାଯ୍ୟରେ ହଠାତ୍‌ ହୋଇଯିବ । ଯାତ୍ରା ସମୟରେ ଜିନିଷପତ୍ର ପ୍ରତି ସତର୍କ ନ ହେଲେ ହଜିଯାଇପାରେ । ପୂର୍ବାଲୋଚନା କ୍ରମେ ପ୍ରିୟଜନଙ୍କ ସହ ଦେବ ଦର୍ଶନ ସାଙ୍ଗକୁ ଭ୍ରମଣ ସୁଯୋଗ ଜୁଟିବ ।

ମକର : ଆଜି କର୍ମକ୍ଷେତ୍ରରେ ଆଶାଜନକ ସଫଳତା ପାଇବେ। କଠିନ ପରିଶ୍ରମର ଫଳ ମିଳିବ।  ପଦୋନ୍ନତି ମିଳିବାର ସମ୍ଭାବନା ରହିଛି। ବ୍ୟବସାୟୀମାନେ ବାଣିଜ୍ୟ-ବ୍ୟବସାୟରୁ ଶୁଭ ଖବର ପାଇ ଖୁସି  ହେବେ। ପରିବାରରେ ଭୁଲ୍‌ ବୁଝାମଣାରୁ ଅଶାନ୍ତିକର ପରିବେଶ ସୃଷ୍ଟି ହୋଇପାରେ । ଆତ୍ମୀୟସ୍ବଜନଙ୍କ କଟୁ ମନ୍ତବ୍ୟ ହେତୁ ଅନ୍ୟମନସ୍କ ରହିପାରନ୍ତି । 

କୁମ୍ଭ : ଆଜି ବାଣିଜ୍ୟ-ବ୍ୟବସାୟ ପାଇଁ ଦିନଟି ଅନୁକୂଳ ରହିବ। କର୍ମକ୍ଷେତ୍ରରେ ସ୍ଥଗିତ ଥିବା କାର୍ଯ୍ୟକୁ ଶେଷ କରିବାରେ ସଫଳ ହେବେ। ପରିବାର ସମସ୍ୟା ଭିତରେ ଗତି କଲେ ମଧ୍ୟ ନିଜକୁ ନିୟନ୍ତ୍ରଣରେ ରଖିପାରିବେ । ମୂଲ୍ୟବାନ୍‌ ଜିନିଷ କ୍ରୟ ପାଇଁ ମନ ବଳାଇ ପାରନ୍ତି । ଆର୍ଥିକ ସ୍ଥିତି ଭଲ ରହିବ।

ମୀନ : ଆଜି କର୍ମକ୍ଷେତ୍ରରେ ଆତ୍ମୀୟତାର ସହ କାମ କଲେ ମଧ୍ୟ ଓଲଟା ଫଳ ପାଇବେ। ସହକର୍ମୀ ଓ ବରିଷ୍ଠ ଅଧିକାରୀଙ୍କ ସହ କୌଣସି କଥାକୁ ନେଇ ଯୁକ୍ତିତର୍କ ହୋଇପାରେ। ସହକର୍ମୀଙ୍କ ଆଭ୍ୟନ୍ତରୀଣ ବ୍ୟାପାରରେ ମୁଣ୍ଡ ପୂରାନ୍ତୁ ନାହିଁ । ନଚେତ୍ ପସ୍ତେଇବେ।  ଜମିଜମା ବିବାଦରେ ଉପକୃତ ହେବେ ।

(Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)