India Women Property Rights: ସ୍ୱାମୀ ଓ ଶାଶୁଘର ସମ୍ପତ୍ତି ଉପରେ ଜଣେ ବୋହୂର କେତେ ଅଧିକାର ରହିଛି? ଜାଣନ୍ତୁ କ’ଣ କହୁଛି ଆଇନ୍

India Women Property Rights: ମହିଳାମାନଙ୍କୁ ସେମାନଙ୍କର ପୌତୃକ ସମ୍ପତ୍ତି ଯଥା ପିତାଙ୍କ ସମ୍ପତ୍ତି ଉପରେ ପୁରୁଷଙ୍କ ପରି ସମାନ ଅଧିକାର ଦିଆଯାଇଛି । ତେବେ ଦେଶର ଅଧିକାଂଶ ମହିଳା ନିଜ ପିତାଙ୍କ ସମ୍ପତ୍ତିରେ ଅଂଶ ଗ୍ରହଣ କରନ୍ତି ନାହିଁ । କିନ୍ତୁ ଆପଣ ଜାଣନ୍ତି କି ସ୍ୱାମୀ ଓ ଶାଶୁଘର ସମ୍ପତ୍ତିରେ ମହିଳାମାନଙ୍କର କେତେ ଅଧିକାର ଅଛି? ସାଧାରଣତଃ ବିଶ୍ୱାସ କରାଯାଏ ଯେ ସ୍ୱାମୀଙ୍କର ସମ୍ପତ୍ତି ଉପରେ ପତ୍ନୀଙ୍କର ସମ୍ପୂର୍ଣ୍ଣ ଅଧିକାର ଅଛି, କିନ୍ତୁ ଏହା ସମ୍ପୂର୍ଣ୍ଣ ସତ୍ୟ ନୁହେଁ ।

ବିବାହ ପରେ ମହିଳାମାନେ ନିଜ ପିତାମାତାଙ୍କ ଘର ଛାଡି ସ୍ୱାମୀଙ୍କ ଘରେ ରହିବା ଆରମ୍ଭ କରନ୍ତି । ଏପରି ପରିସ୍ଥିତିରେ, ଏହା ମଧ୍ୟ ସେମାନଙ୍କ ଘର ହୋଇଯାଏ କିନ୍ତୁ ଏହା ସେମାନଙ୍କୁ ସ୍ୱାମୀଙ୍କ ସମ୍ପତ୍ତି ଉପରେ କୌଣସି ଅଧିକାର ଦେଇନଥାଏ । ଆସନ୍ତୁ ଜାଣିବା ମହିଳାମାନେ ନିଜ ସ୍ୱାମୀ ଓ ଶାଶୁଙ୍କ ସମ୍ପତ୍ତିରେ କେତେ ଅଧିକାର ପାଇଥାନ୍ତି ।

ସ୍ୱାମୀଙ୍କ ସମ୍ପତ୍ତି ଉପରେ ପତ୍ନୀଙ୍କର କେତେ ଅଧିକାର ଅଛି?
ଅଧିକାଂଶ ଲୋକ ବିଶ୍ୱାସ କରନ୍ତି ଯେ ସ୍ୱାମୀଙ୍କ ସମ୍ପତ୍ତି ଉପରେ ପତ୍ନୀଙ୍କର ସମ୍ପୂର୍ଣ୍ଣ ଅଧିକାର ଅଛି, କିନ୍ତୁ ଏହା ସମ୍ପୂର୍ଣ୍ଣ ସତ୍ୟ ନୁହେଁ । ପତ୍ନୀଙ୍କ ବ୍ୟତୀତ ପରିବାରର ଅନ୍ୟ ସଦସ୍ୟମାନେ ମଧ୍ୟ ଏହି ସମ୍ପତ୍ତି ଉପରେ ଅଧିକାର ପାଇଛନ୍ତି । ଯଦି କୌଣସି ସମ୍ପତ୍ତି ସ୍ୱାମୀ ଦ୍ୱାରା ଅର୍ଜନ କରାଯାଇଥାଏ, ତେବେ ଏହା ଉପରେ ଅଧିକାର ପତ୍ନୀ, ମା ଓ ପିଲାମାନେ ମଧ୍ୟ ପାଇଥାନ୍ତି । ଯଦି କୌଣସି ବ୍ୟକ୍ତି ତାଙ୍କର ସମ୍ପତ୍ତିନାମା କରି ରଖିଛନ୍ତି, ତେବେ ତାଙ୍କ ମୃତ୍ୟୁ ପରେ ତାଙ୍କ ନମିନିକୁ ତାଙ୍କ ସମ୍ପତ୍ତି ମିଳିଥାଏ । ସେହି ନମିନି ମଧ୍ୟ ତାଙ୍କ ପତ୍ନୀ ହୋଇପାରନ୍ତି । ସମପରି ଯଦି ଜଣେ ବ୍ୟକ୍ତି ବିନା ସମ୍ପତ୍ତିନାମା ଲେଖି ମରିଯାନ୍ତି, ତା’ହେଲେ ତାଙ୍କ ସମ୍ପତ୍ତିର ଅଧିକାର ତାଙ୍କ ପତ୍ନୀ, ମା, ପିଲା ଇତ୍ୟାଦିଙ୍କ ମଧ୍ୟରେ ସମାନ ଭାବରେ ବିଭକ୍ତ ହୋଇଥାଏ ।

ସ୍ୱାମୀଙ୍କ ପୌତୃକ ସମ୍ପତ୍ତି ଉପରେ ପତ୍ନୀଙ୍କର କେତେ ରହିଛି ଅଧିକାର?
ଯଦି ଜଣେ ମହିଳାଙ୍କ ସ୍ୱାମୀ ମରିଯାଏ, ତେବେ ତାଙ୍କ ସ୍ୱାମୀଙ୍କ ପୈତୃକ ସମ୍ପତ୍ତି ଉପରେ ତାଙ୍କର ଅଧିକାର ନ ଥାଏ । ତେବେ ସ୍ୱାମୀଙ୍କ ମୃତ୍ୟୁ ପରେ ଜଣେ ମହିଳାଙ୍କୁ ଶାଶୁଘର ଘରୁ ବାହାରକୁ କଢ଼ା ଯାଇପାରିବ ନାହିଁ । ଯେଉଁଠାରେ ଶାଶୁଘର ମହିଳାଙ୍କୁ ରକ୍ଷଣାବେକ୍ଷଣ ଦେବାକୁ ପଡିବ । ଶାଶୁଘରର ଆର୍ଥିକ ସ୍ଥିତିକୁ ଆଧାର କରି ରକ୍ଷଣାବେକ୍ଷଣ ପରିମାଣ କୋର୍ଟ ଦ୍ୱାରା ସ୍ଥିର ହୋଇଛି । ଯଦି କୌଣସି ମହିଳାଙ୍କର ସନ୍ତାନ ଥାଏ ତେବେ ସେ ନିଜ ପିତାଙ୍କ ସମ୍ପୁର୍ଣ୍ଣ ସମ୍ପତ୍ତି ପାଆନ୍ତି । ଯଦି ଜଣେ ବିଧବା ପତ୍ନି ଦ୍ୱିତୀୟ ପୁରୁଷଙ୍କୁ ବିବାହ କରେ, ତେବେ ସେ ପାଇଥିବା ରକ୍ଷଣାବେକ୍ଷଣ ଖର୍ଚ୍ଚ ବନ୍ଦ ହୋଇଯାଇଥାଏ ।

ଛାଡପତ୍ର ପରେ ମହିଳାଙ୍କ ସମ୍ପତ୍ତି ଅଧିକାର 
ଯଦି ଜଣେ ମହିଳା ତାଙ୍କ ସ୍ୱାମୀଙ୍କଠାରୁ ଛାଡପତ୍ର ପାଆନ୍ତି, ତେବେ ସେ ସ୍ୱାମୀଙ୍କଠାରୁ ରକ୍ଷଣାବେକ୍ଷଣ ଖର୍ଚ୍ଚ ମାଗି ପାରିବେ । ଉଭୟ ସ୍ୱାମୀ-ସ୍ତ୍ରୀଙ୍କ ଆର୍ଥିକ ସ୍ଥିତିକୁ ଆଧାର କରି ଏହା ମଧ୍ୟ ସ୍ଥିର ହୋଇଛି । ଛାଡପତ୍ର ମାମଲାରେ, ମାସିକ ରକ୍ଷଣାବେକ୍ଷଣ ଖର୍ଚ୍ଚ ବ୍ୟତୀତ, ଗୋଟିଏ ଥର ସେଟଲମେଣ୍ଟ ବିକଳ୍ପ ମଧ୍ୟ ଉପଲବ୍ଧ । ଛାଡପତ୍ର ପରେ ଯଦି ପିଲାମାନେ ମା ସହିତ ରୁହନ୍ତି, ତେବେ ସ୍ୱାମୀ ମଧ୍ୟ ସେମାନଙ୍କୁ ରକ୍ଷଣାବେକ୍ଷଣ ଖର୍ଚ୍ଚ ଦେବାକୁ ପଡ଼ିବ । ଆପଣଙ୍କୁ କହିରଖୁଛୁ ଯେ ଛାଡପତ୍ର ହେଲେ ପତ୍ନୀଙ୍କ ସ୍ୱାମୀଙ୍କ ସମ୍ପତ୍ତି ଉପରେ କୌଣସି ଅଧିକାର ନାହିଁ । ତେବେ ମହିଳାଙ୍କ ପିତାଙ୍କ ସମ୍ପତ୍ତି ଉପରେ ସମ୍ପୂର୍ଣ୍ଣ ଅଧିକାର ରହିଛି । ଯଦି କୌଣସି ସ୍ୱାମୀ-ସ୍ତ୍ରୀଙ୍କର ସମ୍ପତ୍ତି ଅଛି, ଯେଉଁଥିରେ ଉଭୟେ ମାଲିକ ଅଟନ୍ତି, ତେବେ ଏହାକୁ ସମାନ ଭାବରେ ବିଭକ୍ତ କରାଯାଇଥାଏ ।