Shah Rukh Khan ହସ୍ପିଟାଲରେ ଭର୍ତ୍ତି, ଡିହାଇଡ୍ରେସନ ଯୋଗୁଁ ଖରାପ ହୋଇଯାଇଥିଲା ସ୍ୱାସ୍ଥ୍ୟ

Shah Rukh Khan Hospitalised: ବଲିଉଡର ସୁପରଷ୍ଟାର ଶାହାରୁଖ ଖାନଙ୍କ (Shah Rukh Khan) ବିଷୟରେ ଏକ ବଡ ଖବର ସାମ୍ନାକୁ ଆସୁଛି, ଯାହା ତାଙ୍କ ପ୍ରଶଂସକଙ୍କ ଚିନ୍ତା ବଢ଼ାଇପାରେ। କିଙ୍ଗ ଖାନଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଥିଲା। ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡିଛି। ଅଭିନେତା ଗତକାଲି ଆଇପିଏଲର ପ୍ରଥମ ପ୍ଲେ ଅଫ୍ ଦେଖିବା ପାଇଁ ଅହମ୍ମଦାବାଦ ଆସିଥିଲେ, ଯେଉଁଥିରେ ସେ ଡିହାଇଡ୍ରେସନ୍ କାରଣରୁ ଅସୁସ୍ଥ ହୋଇପଡିଥିଲେ, ପରେ ତାଙ୍କୁ ଶୀଘ୍ର ଅହମ୍ମଦାବାଦର କେଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ଶାହାରୁଖଙ୍କ ଆଡମିଶନ ପରେ ପୋଲିସ କେଡି ହସ୍ପିଟାଲର ସୁରକ୍ଷା ବଢ଼ାଇ ଦେଇଛି। ତେବେ ପରେ କିଙ୍ଗ ଖାନଙ୍କୁ ଡିସଚାର୍ଜ କରାଯାଇଥିଲା।

ମଙ୍ଗଳବାର ଦିନ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଅନୁଷ୍ଠିତ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ମ୍ୟାଚ୍ ଦେଖିବାକୁ ଶାହାରୁଖ ଖାନ ଆସିଥିଲେ। ଏହି ମ୍ୟାଚରେ ଶାହାରୁଖଙ୍କ ଦଳ କୋଲକାତା ନାଇଟ୍ ରାଇଡର୍ସ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରି ଫାଇନାଲରେ ସ୍ଥାନ ହାସଲ କରିଛି। ମ୍ୟାଚ୍ ଶେଷ ହେବା ପରେ ସେ ନିଜ ଦଳ ସହିତ ବିଳମ୍ବିତ ରାତିରେ ଅହମ୍ମଦାବାଦର ଏକ ହୋଟେଲରେ ପହଞ୍ଚିଥିଲେ। ଯେଉଁଠାରେ ତାଙ୍କୁ ଦଳ ସହିତ ଏକ ବିରାଟ ସ୍ୱାଗତ କରାଯାଇଥିଲା।

Actor Shah Rukh Khan admitted to hospital in Ahmedabad apparently due to heat stroke: Police

— Press Trust of India (@PTI_News) May 22, 2024

୨୨ ମେ'ରେ ଶାହାରୁଖ ଖାନଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ଅପରାହ୍ନରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା କରିବା ପରେ ଶାହାରୁଖଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା। ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ପୂର୍ବ ଅପେକ୍ଷା ଭଲ ବୋଲି କୁହାଯାଉଛି। ଆପଣଙ୍କୁ କହିରଖୁଛୁ ଯେ ଶାହାରୁଖ ଖାନ, ସୁହାନା ଖାନ, ଅବରାମ ଖାନ, ଅନନ୍ୟା ପାଣ୍ଡେ ଓ ଶାନୟା କପୁର ମଧ୍ୟ ଅହମ୍ମଦାବାଦରେ ପହଞ୍ଚିଥିଲେ। ଏହି ଅଭିନେତା ପୁଅ ଅବରାମ ଏବଂ ଝିଅ ସୁହାନାଙ୍କ ସହ ସମଗ୍ର ଗ୍ରାଉଣ୍ଡ ବୁଲାଇଥିଲେ ଏବଂ ସମସ୍ତ ପ୍ରଶଂସକଙ୍କୁ ହୃଦୟରୁ କୃତଜ୍ଞତା ଜଣାଇଥିଲେ। ମ୍ୟାଚ୍ ଜିତିବାର ଉତ୍ସବରେ ସେ ପଡ଼ିଆରେ ପ୍ରବେଶ କରି ନିଜର ସିଗ୍ନେଚର୍ ପୋଜ୍ ଦେଇଥିଲେ, ଯାହାର ଫଟୋ ଓ ଭିଡିଓ ଭାଇରାଲ୍ ହୋଇଥିଲା। କିଙ୍ଗ ଖାନଙ୍କ ଦଳ ନିଜର ତୃତୀୟ ଆଇପିଏଲ ଟ୍ରଫି ଜିତିବାଠାରୁ ମାତ୍ର ଗୋଟିଏ ପାଦ ଦୂରରେ ରହିଛି।

Also Read: Delhi Bomb Threat: କେନ୍ଦ୍ର ଗୃହ ମନ୍ତ୍ରଣାଳୟକୁ ବମରେ ଉଡାଇ ଦେବାକୁ ମିଳିଲା ଧମକ, ସର୍ଚ୍ଚ ଅପରେସନ୍ ଜାରି

Also Read: Calcutta High Court: ମମତା ସରକାରଙ୍କୁ ବଡ଼ ଝଟକା, ୫ ଲକ୍ଷ OBC ପ୍ରମାଣପତ୍ରକୁ ରଦ୍ଦ କଲେ ହାଇକୋର୍ଟ