Kishore Kumar Birth Anniversary 2023: ଜାଣନ୍ତୁ କାହିଁକି ରିଲିଜ୍ ହୋଇ ନାହିଁ କିଶୋର କୁମାରଙ୍କ ଶେଷ ଗୀତ?

Kishore Kumar Unknown Facts: ଆଜି କିମ୍ବଦନ୍ତୀ ଗାୟକ କିଶୋର କୁମାରଙ୍କ ଜନ୍ମ ଜୟନ୍ତୀ(Kishore Kumar Birth Anniversary 2023) । ଯଦିଓ ସେ ଏହି ଦୁନିଆକୁ ବିଦାୟ ନେଇଛନ୍ତି,କିନ୍ତୁ ତାଙ୍କ ସୁମଧୁର ଗୀତ ଆଜିବି ଜନ ମାନସରେ ଉଜ୍ଜିବୀତ ହୋଇ ରହିଛି(Legendary Singer)।  ୪ ଅଗଷ୍ଟ ୧୯୨୯ରେ ବ୍ରିଟିଶ ଭାରତର ଖଣ୍ଡୱା କେନ୍ଦ୍ରୀୟ ପ୍ରଦେଶ (ବର୍ତ୍ତମାନ ମଧ୍ୟପ୍ରଦେଶ)ରେ ଜନ୍ମଗ୍ରହଣ କରିଥିବା କିଶୋର କୁମାରଙ୍କ(Kishore Kumar) ପ୍ରକୃତ ନାମ ଥିଲା ଅକ୍ଷ କୁମାର ଗାଙ୍ଗୁଲି। ଫିଲ୍ମ ଲାଇନରେ ପାଦ ଦେବା ବେଳେ ସେ ତାଙ୍କ ନାମ ପରିବର୍ତ୍ତନ କରିଥିଲେ। ଜନ୍ମ ବାର୍ଷିକୀ ଉପଲକ୍ଷେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ଖାସ୍ କଥା (Kishore Kumar Unknown Facts).....

Also Read: Horoscope Today Aug 4 2023: ଧନପ୍ରାପ୍ତିର ଯୋଗ ସହ ଏହି ତିନି ରାଶିର ବ୍ୟକ୍ତିଙ୍କୁ ମିଳିବ ଶୁଭଫଳ, ଜାଣନ୍ତୁ ଆପଣଙ୍କ ପାଇଁ କେମିତି ରହିବ ଶୁକ୍ରବାର?

Also Read: Top Ten Tallest Bowler: ଏମାନେ ହେଉଛନ୍ତି ବିଶ୍ବର ସବୁଠୁ ଡେଙ୍ଗା ବୋଲର

କିଶୋର କୁମାର ଗାୟକ ହେବାକୁ ଚାହୁଁନଥିଲେ: ଏଭରଗ୍ରୀନ ଅଭିନେତା, ଅଶୋକ କୁମାର କିଶୋର କୁମାରଙ୍କ(Kishore Kumar Birth Anniversary) ପ୍ରକୃତ ଭାଇ ଥିଲେ। ସେ ଚାହୁଁଥିଲେ କିଶୋର କୁମାର ତାଙ୍କ ଭଳି ଅଭିନୟ କ୍ୟାରିୟର ଉପରେ ଧ୍ୟାନ ଦିଅନ୍ତୁ, କିନ୍ତୁ କିଶୋର କୁମାର ଏହା ଉପରେ ଆଦୌ ଗମ୍ଭୀର ନଥିଲେ। ଏହି କାରଣରୁ କିଶୋର କୁମାର ପ୍ରଥମେ ଜଣେ ଗାୟକ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ପ୍ରଥମେ ସେ ବମ୍ବେ ଟକିଜ୍ ଚଳଚ୍ଚିତ୍ର ପାଇଁ ଗୀତ ଗାଇଥିଲେ। ଏଥି ସହିତ, ୧୯୪୬ ମସିହାରେ, ସେ ଶିକାରୀ ଚଳଚ୍ଚିତ୍ର ସହିତ ଅଭିନେତା ଭାବରେ ଡେବ୍ୟୁ କରିଥିଲେ । ଏହି ଚଳଚ୍ଚିତ୍ରରେ ଅଶୋକ କୁମାର ମୁଖ୍ୟ ଭୂମିକାରେ ଅଭିନୟ କରିଥିଲେ।

ଜୀବନରେ କଦାପି ମାଗଣାରେ କୌଣସି ଗୀତ ଗାଇ ନାହାଁନ୍ତି : ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କିଶୋର କୁମାର ତାଙ୍କ କ୍ୟାରିୟରରେ ବିନା ଅର୍ଥରେ କୌଣସି ଗୀତ ଗାଇ ନାହାଁନ୍ତି । ତେବେ ରାଜେଶ ଖାନ୍ନା ଏବଂ ଡାନି ଡେନଜୋଙ୍ଗପାଙ୍କ ପାଇଁ କାମ କରୁଥିବାବେଳେ ସେ ଏହି ନିୟମ ପାଳନ କରିନଥିଲେ।

ଯେତେବେଳେ କିଶୋର କୁମାର ଅମିତାଭଙ୍କ ଉପରେ ରାଗିଗଲେ : ତେବେ, ଏଠାରେ ଆମେ ଆପଣଙ୍କୁ କହି ରଖିବୁ ଯେ,କିଶୋର କୁମାର ଅମିତାଭ ବଚ୍ଚନଙ୍କ ପାଇଁ ୧୩୧ ଟି ଗୀତ ଗାଇଥିଲେ, ସେଥିମଧ୍ୟରୁ ୧୧୫ ଟି ଗୀତ ସୁପରହିଟ୍ ଥିଲା, କିନ୍ତୁ ୧୯୮୦ ପରେ ଏହି ଯୋଡି ଭାଙ୍ଗିଗଲା। ବାସ୍ତବରେ କିଶୋର କୁମାର ବିଗ୍ ବିଙ୍କୁ ତାଙ୍କ ଚଳଚ୍ଚିତ୍ର ମମତା କି ଧୋନରେ ଅତିଥି ଭୂମିକାରେ ଅଭିନୟ କରିବାକୁ କହିଥିଲେ, କିନ୍ତୁ ଅମିତାଭ ମନା କରିଦେଇଥିଲେ। ଏଭଳି ପରିସ୍ଥିତିରେ କିଶୋର କୁମାର କ୍ରୋଧିତ ହେଲେ ଏବଂ ସେ ବିଗ୍ ବି ପାଇଁ କେବେ ଗୀତ ଗାଇ ନଥିଲେ।

ଶେଷ ଗୀତ ଆଜି ପର୍ଯ୍ୟନ୍ତ ରିଲିଜ୍ ହୋଇନାହିଁ : କିଶୋର କୁମାର ତାଙ୍କ କ୍ୟାରିୟରରେ ପ୍ରାୟ ୧୬ ହଜାର ଗୀତ ଗାଇଥିଲେ, କିନ୍ତୁ ତାଙ୍କ ଜୀବନର ଶେଷ ଗୀତ ଆଜି ପର୍ଯ୍ୟନ୍ତ ରିଲିଜ୍ ହୋଇପାରି ନାହିଁ। ପ୍ରକାଶ ଥାଉକି, ୨୦୧୨ ମସିହାରେ କିଶୋର କୁମାରଙ୍କ ଶେଷ ଗୀତକୁ ସାମୁଦ୍ରିକ ସିନେଫାନ୍ ନିଲାମରେ ନିଲାମ କରାଯାଇଥିଲା । ସେତେବେଳେ ଏହି ଗୀତଟି ୧୫ ଲକ୍ଷରୁ ଅଧିକ ଟଙ୍କାରେ ବିକ୍ରି ହୋଇଥିଲା । ଏହା ପରେ ମଧ୍ୟ ଗୀତ ରିଲିଜ୍ ହୋଇନଥିଲା।