Odisha News: କୌତ୍ସବ ଡ୍ରିମ୍ ୱାର୍କ୍ସ ତରଫରୁ କଟକ ବାଲିଯାତ୍ରାରେ ରିଲିଜ ହେଲା ‘ଘମାଘୋଟ’ ଫିଲ୍ମର ପୋଷ୍ଟର

Odisha News: ବର୍ତ୍ତମାନ ଖୁବ ଚଳ ଚଞ୍ଚଳ ଓଡିଆ ସିନେ ଜଗତ । ବିଗତ ଦିନରେ ଭଲ ଭଲ କାହାଣୀକୁ ନେଇ ଅନେକ ଫିଲ୍ମ ରିଲିଜ ହୋଇଛି ଯାହା ସିନେ ପ୍ରେମିଙ୍କ ମନକୁ ଛୁଇଁବା ସହିତ ବକ୍ସ ଅଫିସରେ ମଧ୍ୟ ଭଲ ବ୍ୟବସାୟ କରୁଛି । ଏହି ଧାରାରେ ଏବେ ଫିଲ୍ମ ପାଇଁ ନିଚ୍ଛକ କାହାଣୀ ଓ ବାସ୍ତବବାଦୀ ବିଷୟବସ୍ତୁକୁ ଧ୍ୟାନ ଦିଆଯାଉଛି । ଆଗକୁ ଏମିତି ଏକ କାହାଣୀ ଓଡିଆ ସିନେ ପ୍ରେମି ଦେଖିବାକୁ ପାଇବେ ‘ଘମାଘୋଟ’ ଜରିଆରେ । କୌତ୍ସବ ଡ୍ରିମୱାର୍କସ୍ ଷ୍ଟୁଡିଓ ତରଫରୁ ବାଲିଯାତ୍ରାରେ ଯାହାର ଫୋଷ୍ଟର କରାଯାଇଛି ରିଲିଜ୍ । 

ଅନେକ ଦିନରୁ ଚର୍ଚ୍ଚାରେ ରହିଥିବା ଫିଲ୍ମ  ‘ଘମାଘୋଟ’ରେ ଭରି ରହିଛି ଧମାକେଦାର ଏକ୍ସନ ସହିତ ରୋଚକ କାହାଣୀ । କାଲି ରାତିରେ କଟକ ବିଶ୍ବ ପ୍ରସିଦ୍ଧ ବାଲିଯାତ୍ରାରେ ଏହାର ପ୍ରଥମ ପୋଷ୍ଟର କରାଯାଇଥିଲା ରିଲିଜ । ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ଲୋକପ୍ରିୟ ନିର୍ଦ୍ଦେଶକ ରାଜା ଡି ଓ ପ୍ରଯୋଜନା ଭାର ସମ୍ଭାଳିଛନ୍ତି କୌଶିକ ଦାସ୍ ଓ ରାମ ପଟ୍ଟନାୟକ । ସହ ପ୍ରଯୋଜନାରେ ରହିଛନ୍ତି କୌତ୍ସବ ଦାସ୍ । ଫିଲ୍ମରେ ଭରି ରହିଛନ୍ତି ଅନେକ ଷ୍ଟାର କାଷ୍ଟ ଯାହାଙ୍କୁ ଆପଣ ଆଗରୁ ଅନେକ ଭଲପାଇବା ଦେଇ ସାରିଛନ୍ତି । ଫିଲ୍ମରେ ସନୋଜ କୁମାର, ଅଭିଷେକ ପଣ୍ଡା, ସନ୍ଦୀପ ମିଶ୍ର, ତପି ମିଶ୍ର, ଆକାଶ ହୋତା , ଆକାଶ ରାଉତ, ଶୈଳେନ୍ଦ୍ର ସାମନ୍ତରାୟ, କ୍ରିଷ୍ଣା କର, ରାଜେଶ ସାହୁ, ଜୋଣ୍ଟି, ଏମୋନ ପ୍ରଧାନ ଓ ବିଭାସ ରହିଛନ୍ତି । ଏହା ସହିତ ଫିଲ୍ମରେ ସଂଗୀତ ନିର୍ଦ୍ଦେଶନା ଦେଇଛନ୍ତି ଗୌରବ ଆନନ୍ଦ, ଅନୁରାଗ ପଟ୍ଟନାୟକ ଓ ସୁର୍ଯ୍ୟଜୀତ୍। 

କଟକ ବାଲିଯାତ୍ରାରେ ଅନୁଷ୍ଠିତ ହୋଇଥିବା ଏହି ଆୟୋଜନରେ ଫ୍ୟାନ୍ସ ନିଜ ପସନ୍ଦର କଳାକାରଙ୍କୁ ଦେଖି ଖୁସି ହେବା ସହିତ ଅପକମିଙ୍ଗ ଫିଲ୍ମ ପାଇଁ ଶୁଭେଚ୍ଛା ଜଣାଇଥିଲେ । ତେବେ ଫିଲ୍ମକୁ ନେଇ ନିର୍ମାତା ଖୁବ ଆଶାବାଦୀ ରହିଛନ୍ତି ଓ ଏହି ଫିଲ୍ମର କାହାଣୀ ଓ ବିଷୟବସ୍ତୁ ପ୍ରତୈକ ଓଡଆଙ୍କ ମନକୁ ପାଇବ ବୋଲି ଆଶା ଓ ବିଶ୍ବାସ ରଖିବା ସହିତ ମତ ରଖିଛନ୍ତି ।