ନିଜର ୪ ଆପାର୍ଟମେଣ୍ଟକୁ ବିକିଲେ ବୋନି କପୁର ଓ ଜାନଭୀ କପୁର , ୧୨କୋଟିରୁ ଅଧିକ ମୂଲ୍ୟରେ ବିକ୍ରୀ।

Bollywood news: ବଲିଉଡ ଅଭିନେତ୍ରୀ ଜାନଭୀ କପୁର (janhvi kapoor) ଓ ତାଙ୍କ ପରିବାର ବର୍ତ୍ତମାନ ଏହି ଖବରକୁ ନେଇ ବେଶ୍ ଚର୍ଚ୍ଚାରେ ଅଛନ୍ତି। ବାସ୍ତବରେ, ବୋନି କପୁର (boney kapoor), ତାଙ୍କର ଦୁଇ ଝିଅ ଜାନଭୀ କପୁର ଏବଂ ଖୁସି କପୁରଙ୍କ ସହିତ ମିଶି ନିଜର ଚାରିଟି ଆପାର୍ଟମେଣ୍ଟ ବିକ୍ରି କରିଛନ୍ତି । ତେବେ ଅନ୍ଧେରିରେ ଥିବା ଏହି ଚାରିଟି ଫ୍ଲାଟକୁ ବହୁତ ଭଲ ମୂଲ୍ୟରେ ବିକ୍ରି କରିଛନ୍ତି ଏହି ପରିବାର ।

ସ୍ୱର୍ଗତ ଅଭିନେତ୍ରୀ ଶ୍ରୀଦେବୀଙ୍କ ଦେହାନ୍ତ ପରେ ବୋନି କପୁର ନିଜର ଦୁଇ ଝିଅ ଜାନଭୀ କପୁର ଏବଂ ଖୁସି କପୁରଙ୍କର ଅଧିକ ଯତ୍ନ ନେବା ଆରମ୍ଭ କରିଛନ୍ତି । ଉଭୟ ନିଜ ପିତାଙ୍କ ସହିତ ଅତି ନିକଟତର । ଜାନଭୀ ତାଙ୍କ ଚଳଚ୍ଚିତ୍ର ମାଧ୍ୟମରେ ଲୋକଙ୍କ ହୃଦୟରେ ନିଜର ସ୍ଵତନ୍ତ୍ର ସ୍ଥାନ ସୃଷ୍ଟି କରି ପାରିଛନ୍ତି । ସେ ନିଜ ଅଭିନୟ ମାଧ୍ୟମରେ ନିଜର ପାରଦର୍ଶିତା ପ୍ରମାଣିତ କରିଛନ୍ତି । ନିକଟରେ ଖୁସୀ କପୁର ଅଭିନୟ ମାଧ୍ୟମରେ ଡେବ୍ୟୁ କରିଛନ୍ତି। ଉଭୟ ଭଉଣୀ ନିଜ ମାଆ ଶ୍ରୀଦେବୀଙ୍କ ପରି ଶ୍ରେଷ୍ଠ ଅଭିନେତ୍ରୀ ହେବାକୁ ଚାହୁଁଛନ୍ତି।

ଜାନଭୀ କପୁରଙ୍କୁ ଶେଷରେ ବାୱଲ ଫିଲ୍ମରେ ବରୁଣ ଧାୱନଙ୍କ ସହ ଦେଖିବାକୁ ମିଳିଥିଲା। ତେବେ ଚଳଚ୍ଚିତ୍ରଟି ଏତେ ଭଲ ହିଟ୍ ହୋଇନଥିଲା । କିନ୍ତୁ ଜାନଭୀଙ୍କ ଅଭିନୟକୁ ସମସ୍ତେ ପ୍ରଶଂସା କରିଥିଲେ। ତାଙ୍କ ପାଖରେ ଏବେ ଅନେକ ପ୍ରୋଜେକ୍ଟ ରହିଛି। ସେଥିମଧ୍ୟରୁ ଗୋଟିଏ ହେଉଛି ମିଷ୍ଟର୍ ଆଣ୍ଡ ମିସେସ୍ ମାହି ଏବଂ ଅନ୍ୟଟି ହେଉଛି ଉଲଝନ୍ ।

ବର୍ତ୍ତମାନ ସମୟରେ, ବୋନି କପୁର ଓ ଝିଅ ଜାନଭୀ ଏବଂ ଖୁସି କ୍ରମାଗତ ଭାବରେ ହେଡଲାଇନରେ ଅଛନ୍ତି ।  ଏହାର କାରଣ ହେଉଛି ସେମାନେ ନିଜର ଚାରୋଟି ଆପାର୍ଟମେଣ୍ଟକୁ କୋଟି କୋଟି ଟଙ୍କାରେ ବିକ୍ର କରିଛନ୍ତି । ସୂଚନା ଅନୁସାରେ ବୋନି ଅନ୍ଧେରିରେ ତାଙ୍କର ୪ ଟି ଫ୍ଲାଟ ବିକ୍ରି କରିଛନ୍ତି ଏବଂ ଏହା ମଧ୍ୟ ବିପୁଳ ପରିମାଣରେ ବିକ୍ରି ହୋଇଛି । ଏକ ରିପୋର୍ଟରୁ ଜଣାପଡିଛି ଯେ ବୋନି କପୁର ଏବଂ ତାଙ୍କ ଝିଅମାନେ ମିଶି ୪ ଟି ଆପାର୍ଟମେଣ୍ଟ ବିକ୍ରି କରିଛନ୍ତି। ଏହି ଚାରୋଟି ଫ୍ଲାଟ ମୁମ୍ବାଇର ଅନ୍ଧେରିର ଗ୍ରୀନ୍ ଏକର୍ସ ଅଞ୍ଚଳରେ ରହିଛି।

ଅନ୍ୟ ଏକ ରିପୋର୍ଟରେ ଏହି ଫ୍ଲାଟଗୁଡ଼ିକର ମୂଲ୍ୟ ମଧ୍ୟ ଉଲ୍ଲେଖ କରାଯାଇଛି। ଯେଉଁଥିରେ ଲେଖାଯାଇଛି ଯେ ସମସ୍ତ ଫ୍ଲାଟଗୁଡିକ ୧୨ କୋଟିରୁ ଅଧିକ ମୂଲ୍ୟରେ ବିକ୍ରି ହୋଇଛି । ଯେଉଁଥିରେ ଚୋ ଫ୍ଲାଟର ମୂଲ୍ୟ ପ୍ରାୟ ୬ କୋଟି ବୋଲି କୁହାଯାଉଛି। ପ୍ରାପ୍ତ ସୂଚନା ଅନୁଯାୟୀ, ସର୍ବଠାରୁ ବଡ଼ ଫ୍ଲାଟ ୧୮୭୦ ବର୍ଗଫୁଟ ଅଞ୍ଚଳରେ ଥିଲା ​​। ଏହି ବଡ ଫ୍ଲାଟକୁ ଅଞ୍ଜୁ ନାରାୟଣ ଏବଂ ସିଦ୍ଧାର୍ଥ ନାରାୟଣଙ୍କୁ ବିକ୍ରି କରାଯାଇଛି ।

Also Read- Hardik Pandya: ମୁମ୍ବାଇ ଇଣ୍ଡିଆନ୍ସକୁ ଲାଗିପାରେ ଶକ୍ତ ଝଟକା ! ଆଇପିଏଲରୁ ଆଉଟ୍ ହେବେ କି ହାର୍ଦ୍ଦିକ ପାଣ୍ଡ୍ୟା?

Also Read- Sukma naxal encounter: ଛତିଶଗଡର ସୁକମାରେ ଏନକାଉଣ୍ଟର, ୪ ନକ୍ସଲ ମୃତ ସୂଚନା