Bhediya Trailer: ଗଧିଆ କାମୁଡିଲେ ବଦଳି ଯାଉଛି ଚେହେରା ,ଦେଖନ୍ତୁ ଭିଡିଓ

Bhediya Trailer:  ଅଭିନେତା ବରୁଣ ଧାଓ୍ବନ ଓ କ୍ରିତି ସାନନଙ୍କ ଅଭିନୀତ ଫିଲ୍ମ 'ଭେଡିୟା' (Bhediya)କୁ ନେଇ ଖୁବ ଚର୍ଚ୍ଚା । ଫିଲ୍ମରେ ବରୁଣ ଧାଓ୍ବନ ଓ କ୍ରିତି ସାନନଙ୍କ ଫାଷ୍ଟଲୁକ ଆଉଟ ହୋଇଥିବା ବେଳେ ଆଜି ଫିଲ୍ମର ଟ୍ରେଲର ରିଲିଜ୍ ହୋଇଛି । ୨ ମିନିଟ ୫୫ ସେକେଣ୍ତର  ଏହି ଟ୍ରେଲର ଦର୍ଶକଙ୍କୁ ଖୁବ୍ ପସନ୍ଦ ଆସିଛି । ହରର କମେଡି ଭରା ଏହି ଫିଲ୍ମଟି  ବକ୍ସ ଅଫିସରେ ହିଟ କରିବ ବୋଲି ଆଶା ରଖିଛନ୍ତି ଫିଲ୍ମର ପୁରା ଷ୍ଟାରକାଷ୍ଟ । ଟ୍ରେଲର ଆରମ୍ଭରୁ ଦେଖିବାକୁ ମିଳିଛି ଯେ, ଅଭିନେତା ବରୁଣ ଧାଓ୍ବନ ଏକ ଖଟ ଉପରେ ଶୋଇଛନ୍ତି । ପରେ ଏକ ପୋକ ତାଙ୍କ କାନ ପାଖରେ ବୁଲୁଛି । ଆଉ ଯେତେବେଳେ ତାଙ୍କ ଆଖି ଖୋଲୁଛି ସେତେବେଳେ ସେ ମେଡିକାଲ ବେଡରେ ପଡିଛନ୍ତି ।

ଆଉ ତାଙ୍କ ପାଖରେ କିତ୍ରି ସାନନ ଓ ଅଭିଷେକ ବାନର୍ଜୀ ବସିଛନ୍ତି । ତାଙ୍କୁ ଏକ ଗଧିଆ କାମୁଡିଛି ବୋଲି ଉଭୟ ବରୁଣଙ୍କୁ ବୁଝାଉଛନ୍ତି । ପରବର୍ତ୍ତୀ ସମୟରେ ବରୁଣଙ୍କ ଚେହେରାରେ ବଡ ପରିବର୍ତ୍ତନ ହେଉଛି । ତାଙ୍କର ନଖ ବଢିବା ସହ ଚେହେରାରେ ପରିବର୍ତ୍ତନ ଆସୁଛି। ଆଉ ଯାହା ଆଗକୁ ଘଟୁଛି ,ତାହା ଆପଣ ସିନେମାରେ ଦେଖିପାରିବେ । ପୂର୍ବରୁ ପୋଷ୍ଟରରେ ଦେଖିବାକୁ ମିଳିଥି୍ଲା ଯେ, ପୂର୍ଣ୍ଣିମା ରାତିରେ ବରୁଣଙ୍କ ଚେହେରାରେ ପରିବର୍ତ୍ତନ ଆସୁଛି ।  ଫିଲ୍ମର ଷ୍ଟାରକାଷ୍ଟର କ୍ରିତି ସାନନ୍, ଅଭିଷେକ ବ୍ୟାନାର୍ଜୀ ଏବଂ ଅନ୍ୟମାନେ ଟର୍ଚ୍ଚ ଲାଇଟ୍ ସହିତ ବୁଲୁଥିବା ପରି ଭୟଭୀତ ଦେଖାଯାଉଛନ୍ତି । କ୍ରିତିଙ୍କୁ ଭେଡ଼ିଆରେ ଡାକ୍ତର ଅନିକା ଭୂମିକାରେ ନଜର ଆସିବେ। 

ଏହାବି ପଢନ୍ତୁ : Phone Bhoot: ସାମ୍ନାକୁ ଆସିଲା ଫିଲ୍ମର ଆଉ ଏକ ଗୀତ, ତାଜୁବ ହେଲେ ଫ୍ୟାନ୍ସ

ଫିଲ୍ମର ନିର୍ଦ୍ଦେଶକ ଅମର କୌଶିକ ଦେଇଛନ୍ତି । ଜାତୀୟ ପୁରସ୍କାର ବିଜେତା ନିରେନ ଭଟ୍ଟଙ୍କ ଦ୍ୱାରା 'ଭେଡିଆ ' ର ସ୍କ୍ରିପ୍ଟିଂ କରାଯାଇଛି । ଫିଲ୍ମଟି ୨୫ ନଭେମ୍ବରରେ ପରଦାକୁ ଆସିବ । କହିବାକୁ ଗଲେ ଏହି ଚଳଚ୍ଚିତ୍ରଟି ଉଭୟ ଥ୍ରୀଡି ଏବଂ ଟୁଡି ରେ ରିଲିଜ୍‌ ହେବ। ଏହା କ୍ରିତି ଏବଂ ବରୁଣଙ୍କ ଦ୍ୱିତୀୟ ଚଳଚ୍ଚିତ୍ର ହେବ । ଏହାପୂର୍ବରୁ ଦୁହେଁ ଫିଲ୍ମ ଦିଲୱାଲରେ ଏକାଠି ନଜର ଆସିଥିଲେ। ଯଦି ଆମେ ବରୁନ ଧାଓ୍ବାନଙ୍କ ଓ୍ବାର୍କଫ୍ରଣ୍ଟର କଥା କହିବା , ତେବେ ବରୁଣଙ୍କ ହାତରେ ଅନେକ ବଡ ପ୍ରଜେକ୍ଟ ରହିଛି । ସେ ଭେଡିୟା ବ୍ୟତିତ ବାଓ୍ବାଲ୍ ମଧ୍ୟ ନଜର ଆସିବେ। ବରୁଣ ଧାଓ୍ବନ ନିଜ ପିଲାଦିନର ବନ୍ଧୁ ତଥା ଗାର୍ଲଫ୍ରେଣ୍ତ ନତାସା ଦଲାଲଙ୍କୁ ୨୦୨୧ ଜାନୁଆରୀ ୨୪ରେ ବିବାହ କରିଥିଲେ । ଏହି ବିବାହକୁ ଉଭୟ ସିକ୍ରେଟ ରଖିଥିଲେ। ଉଭୟ ନିଜ ବୈବାହିକ ଜୀବନକୁ ଏବେ ଉପଭୋଗ କରୁଛନ୍ତି । ବରୁଣ ଧାଓ୍ବନ  ୧୯୮୭ , ଅପ୍ରିଲ ୨୪ରେ ସେ ଜନ୍ମ ଗ୍ରହଣ କରିଥିଲେ।  ସେ ଷ୍ଟୁଡେଣ୍ଟ ଅଫ ଦି ୟିଇରରେ ଡେବ୍ୟୁ କରିଥିଲେ। ଯେଉଁଥିରେ ଆଲିଆ ଭଟ୍ଟ ଓ ସିଦ୍ଧାର୍ଥ ମଲହୋତ୍ରା ନଜର ଆସିଥିଲେ। ଫିଲ୍ମଟି ବକ୍ସ ଅଫିସରେ ହିଟ୍ ମଧ୍ୟ ହୋଇଥିଲା।