ED ରାଡାରରେ ଅଛନ୍ତି ବଲିଉଡର ଏହି ୧୭ ସେଲିବ୍ରିଟି, ଖୁବ୍ ଶିଘ୍ର ମିଳିବ ସମନ, ଜାଣନ୍ତୁ ପୂରା ମାମଲା
trendingNow,recommendedStories0/zeeodisha/odisha1874374

ED ରାଡାରରେ ଅଛନ୍ତି ବଲିଉଡର ଏହି ୧୭ ସେଲିବ୍ରିଟି, ଖୁବ୍ ଶିଘ୍ର ମିଳିବ ସମନ, ଜାଣନ୍ତୁ ପୂରା ମାମଲା

Mahadev Online Betting Case: ମହାଦେବ ଗେମ୍ବଲିଙ୍ଗ ଆପ୍ କିଙ୍ଗପିନ୍ ସୌରଭ ଚନ୍ଦ୍ରାକର ଓ ତାଙ୍କ ବ୍ୟବସାୟିକ ସହଯୋଗୀ ରବି ଉପ୍ପଲଙ୍କ ବିରୋଧରେ ଏନଫୋର୍ସମେଣ୍ଟ ଡିପାର୍ଟମେଣ୍ଟ (ED) ଯାଞ୍ଚ କରୁଛି ।

 

ସୌ: ସୋସିଆଲ ମିଡିଆ

Sourabh Chandrakar ED Case: ମହାଦେବ ଗେମ୍ବଲିଙ୍ଗ ଆପ୍ କିଙ୍ଗପିନ୍ ସୌରଭ ଚନ୍ଦ୍ରାକର ଚଳିତ ବର୍ଷ ଫେବୃଆରୀରେ ଦୁବାଇରେ ବିଳାସପୂର୍ଣ୍ଣ ଭାବରେ ବିବାହ କରିଥିଲେ। ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଅନୁଯାୟୀ ଚନ୍ଦ୍ରାକର ଏହି ବିବାହ ପାଇଁ ୨୦୦ କୋଟି ଟଙ୍କା ଖର୍ଚ୍ଚ କରିଛନ୍ତି । ଏହି ଅର୍ଥର ଏକ ବଡ଼ ଅଂଶ ସେହି ବଲିଉଡ ସେଲିବ୍ରିଟିମାନଙ୍କୁ ଦିଆ ଯାଇଥିଲା, ଯେଉଁମାନେ ବିବାହରେ ପରଫର୍ମ କରିଥିଲେ । ଏହି ବିବାହ ସମ୍ବନ୍ଧୀୟ ପ୍ରସଙ୍ଗରେ ପ୍ରଶ୍ନ କରିବା ପାଇଁ ଇଡି ବର୍ତ୍ତମାନ ଏହି ସମସ୍ତ ବଲିଉଡ ସେଲିବ୍ରିଟିଙ୍କୁ ଡାକିବାକୁ ଯାଉଛି ।

ବଲିଉଡ ସେଲିବ୍ରିଟିମାନେ ଯାହାଙ୍କୁ ଇଡି ପଚରାଉଚରା କରିବାକୁ ଯାଉଛନ୍ତି ସେମାନଙ୍କ ମଧ୍ୟରୁ ଟାଇଗର ଶ୍ରଫ, ସନ୍ନି ଲିଓନି, ଗାୟକ ନେହା କକ୍କରଙ୍କ ଭଳି ଟପ୍ ସେଲିବ୍ରିଟିଙ୍କ ନାମ ଅନ୍ତର୍ଭୁକ୍ତ । ପ୍ରକୃତରେ, ଦୁବାଇରୁ କାର୍ଯ୍ୟ କରୁଥିବା ଗେମ୍ବଲିଙ୍ଗ ଆପର ମାଲିକ ସୌରଭ ଚନ୍ଦ୍ରାକର ଓ ତାଙ୍କ ବ୍ୟବସାୟିକ ସହଯୋଗୀ ରବି ଅପ୍ପଲଙ୍କ ବିରୋଧରେ ୫୦୦୦ କୋଟି ଟଙ୍କା ଲଣ୍ଡରିଂ ଅଭିଯୋଗର ଇଡି ତଦନ୍ତ କରୁଛି । 

ଫେବୃଆରୀରେ ବିବାହ ପାଇଁ ନାଗପୁରରୁ ଦୁବାଇକୁ ପରିବାର ସଦସ୍ୟଙ୍କୁ ନେବା ପାଇଁ ଘରୋଇ ଜେଟ୍ ନିୟୋଜିତ କରାଯାଇଥିଲା । ବଲିଉଡ ସେଲିବ୍ରିଟି, ବିବାହ ଯୋଜନାକାରୀ, ନୃତ୍ୟଶିଳ୍ପୀ, ସାଜସଜ୍ଜା ସମସ୍ତେ ମୁମ୍ବାଇରୁ ଦୁବାଇ ଅଭିମୁଖେ ଯାତ୍ରା କରିଥିଲେ । ବଲିଉଡ ସେଲିବ୍ରିଟିଙ୍କ ତାଲିକାରେ ଆତିଫ ଅସଲମ, ରାହତ ଫତେହ ଅଲି ଖାନ, ଅଲି ଅସଗର, ବିଶାଲ ଦଦଲାନି, ଅଲି ଅବରାମ, ଭାରତ ସିଂ, ଭାଗ୍ୟଶ୍ରୀ, କୃତି ଖରବନ୍ଦା, ନୁସରତ ଭାରୁଚା, କ୍ରୀଷ୍ଣା ଅଭିଷେକ ଅଛନ୍ତି । କହିରଖୁଛୁ ଯେ ମହାଦେବ ଅନଲାଇନ୍ ବେଟିଂର ତଦନ୍ତ ଗତ ବର୍ଷ ଡିସେମ୍ବରରେ ଆରମ୍ଭ ହୋଇଥିଲା । ଏଥିରେ ବଲିଉଡ ସଂଯୋଗ ବର୍ତ୍ତମାନ ସାମ୍ନାକୁ ଆସିଛି ।

ମହାଦେବ ଅନ୍ଲାଇନ୍ ବେଟିଂ ଆପ୍ଲିକେସନ୍ ହେଉଛି ଏକ ଗେମ୍ ଆପ୍ ଯେଉଁଥିରେ ଗତ ବର୍ଷରେ ପ୍ରାୟ ଏକ ଲକ୍ଷ ଲୋକ ବ୍ୟାଟ୍ ଲାଗାଇଛନ୍ତି । ପ୍ରାୟ ୩୦ ଟି କେନ୍ଦ୍ରରୁ ଏହି ଆପ୍ ପରିଚାଳିତ ହେଉଛି । କିନ୍ତୁ ପ୍ରମୋଟରମାନେ ବର୍ତ୍ତମାନ ଦୁବାଇରେ ଅଛନ୍ତି ଯେଉଁଠାରେ ବେଟିଂ ଆଇନଗତ ଭାବରେ ସ୍ୱୀକୃତିପ୍ରାପ୍ତ । କିଛି ବଲିଉଡ ସେଲିବ୍ରିଟି ମହାଦେବ ଅନ୍ଲାଇନ୍ ବୁକ୍ ଆପ୍କୁ ପ୍ରୋତ୍ସାହିତ କରୁଥିବା ଏକ ୟୁଟ୍ୟୁବ୍ ଭିଡିଓରେ ଦେଖିବାକୁ ମିଳିଥିଲା । ଇଡି ଆନୁଷ୍ଠାନିକ ଭାବେ ବଲିଉଡ ସେଲିବ୍ରିଟିଙ୍କ ନାମ ପ୍ରକାଶ କରି ନାହିଁ, ଯେଉଁମାନେ ଆପର ବିଜ୍ଞାପନରେ ସ୍ଥାନ ପାଇଥିଲେ ।

ଏହା ବି ପଢ଼ନ୍ତୁ: Scrub Typhus: ସ୍କ୍ରବ୍ ଟାଇଫସ୍ କ’ଣ ଯାହା ଲୋକଙ୍କୁ ଅସୁସ୍ଥ କରାଉଛି? ଜାଣନ୍ତୁ ଏହାର ଲକ୍ଷଣ ଓ ଉପଚାର

ଏହା ବି ପଢ଼ନ୍ତୁ: Shah Rukh Khan fan: ଶାହାରୁଖ୍ ଖାନଙ୍କ ଜବରା ଫ୍ୟାନ୍, ଭେଣ୍ଟିଲେଟରେ ଥାଇ...