Kallakurichi Student Death: ଛାତ୍ରୀଙ୍କ ମୃତ୍ୟୁ ଘଟଣାର CB-CID କରୁଛି ଯାଞ୍ଚ, ଜାଣନ୍ତୁ ପୂରା ମାମଲା

Kallakurichi Student Death: ତାମିଲନାଡୁର କାଲ୍ଲାକୁରିଚିରେ (Kallakurichi) ଜଣେ ଛାତ୍ରୀଙ୍କ ମୃତ୍ୟୁ ଘଟଣାରେ କ୍ରାଇମ ବ୍ରାଞ୍ଚ, ସିବି ଓ ସିଆଇଡି ତଦନ୍ତ ଆରମ୍ଭ କରିଛି । ଉଭୟ ତଦନ୍ତକାରୀ ସଂସ୍ଥା କୁଡାଲୋର ଜିଲ୍ଲାର ପେରିୟାନାସାଲୁର ଗ୍ରାମରେ ପୀଡିତା ଝିଅର ଘର ବାହାରେ ନୋଟିସ ଜାରି କରିଛନ୍ତି । ନୋଟିସ ଜରିଆରେ ପରିବାରକୁ ସୂଚନା ଦିଆଯାଇଛି ଯେ, ପୋଷ୍ଟମର୍ଟମ ପ୍ରକ୍ରିୟା ଶେଷ ହୋଇଛି ଓ ମୃତ ଦେହକୁ ଶେଷ ରୀତିନୀତି ପାଇଁ ନିଆଯାଇଛି ।

ତୁରନ୍ତ ପ୍ରଭାବ ସହିତ କାଲ୍ଲାକୁରିଚିର ପୋଲିସ ଅଧୀକ୍ଷକ ଏସ ସେଲଭାକୁମାରଙ୍କୁ ଟ୍ରାନ୍ସଫର କରାଯାଇଛି । ତାଙ୍କ ସ୍ଥାନରେ ଟ୍ରିପିଲକେନ ଡେପୁଟି କମିଶନର ପୋଲିସ ପାକଲାଭାନଙ୍କୁ କାଲ୍ଲାକୁରିଚିର ଏସପି ଭାବେ ନିଯୁକ୍ତି ଦିଆଯାଇଛି ।

Kallakurichi violence | Tamil Nadu: CB-CID pasted a notice outside the deceased girl's house in Periyanasalur village in Cuddalore district informing her family about the completion of the postmortem and asking them to collect her body for final rites

— ANI (@ANI) July 20, 2022

ହଷ୍ଟେଲ ପରିସରରେ ମିଳିଥିଲା ମୃତଦେହ 
ତାମିଲନାଡୁର କାଲ୍ଲାକୁରିଚିର ଚିନ୍ନାସାଲେମର କାନିଆମୋର ଅଞ୍ଚଳର ଏକ ଘରୋଇ ବିଦ୍ୟାଳୟରେ ଜୁଲାଇ ୧୩ ରେ ଜଣେ ୧୭ ବର୍ଷୀୟା ଦ୍ୱାଦଶ ଛାତ୍ରୀଙ୍କ ହଷ୍ଟେଲ ପରିସରରେ ମୃତଦେହ ମିଳିଥିଲା । ଶିକ୍ଷକମାନେ ହଇରାଣ କରିବା ପରେ ଛାତ୍ରୀଜଣକ ଆତ୍ମହତ୍ୟା କରିଥିଲେ । ପ୍ରଥମ ପୋଷ୍ଟମର୍ଟମ ରିପୋର୍ଟ ଅନୁଯାୟୀ, ଛାତ୍ରୀଙ୍କ ଶରୀରରେ ଏକାଧିକ ଆଘାତ ଚିହ୍ନ ରହିଥିଲା । ଏହା ଯୋଗୁଁ ରବିବାର ଦିନ ସ୍କୁଲ ପରିସରରେ ଅଗ୍ନିକାଣ୍ଡ ଓ ହିଂସା ମଧ୍ୟ ଘଟିଥିଲା । 

ଏମାନଙ୍କୁ ଗିରଫ କରିଛି ପୋଲିସ 
ସୋମବାର ପୋଲିସ ଏହି ଘଟଣାରେ ଦୁଇ ସ୍କୁଲ ଶିକ୍ଷକ ହରିପ୍ରିୟା ଓ କ୍ରିତିକାଙ୍କୁ ଗିରଫ କରିଛି । ଏହାପୂର୍ବରୁ ବିଦ୍ୟାଳୟର ପ୍ରଧାନଶିକ୍ଷକ ଓ ସଚିବଙ୍କ ସମେତ ପରିଚାଳନା ବିଭାଗର ତିନିଜଣ ଅଧିକାରୀଙ୍କୁ ଗିରଫ କରାଯାଇଥିଲା । ରବିବାର ଦିନ ଡିଜିପି ସି ଶୈଳେନ୍ଦ୍ର ବାବୁ ସ୍କୁଲ ପରିଦର୍ଶନ କରିବା ପରେ ମାମଲାକୁ CB-CID କୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି ।

ଦ୍ୱିତୀୟ ଥର ପୋଷ୍ଟମର୍ଟମ ପାଇଁ ନିର୍ଦ୍ଦେଶ ଦେଇଥିଲେ ମାଡ୍ରାସ ହାଇକୋର୍ଟ
ଜୁଲାଇ ୧୮ ରେ, ମାଡ୍ରାସ ହାଇକୋର୍ଟ ଦ୍ୱିତୀୟ ଥର ପୋଷ୍ଟମର୍ଟମ ପାଇଁ କହିଥିଲେ । ଏଥିସହ ମୃତକଙ୍କ ପିତାଙ୍କୁ ସମଗ୍ର ପ୍ରକ୍ରିୟା ସମୟରେ ଉପସ୍ଥିତ ରହିବାକୁ କୋର୍ଟ କହିଥିଲେ । ଦ୍ୱିତୀୟ ପୋଷ୍ଟମର୍ଟମର ଆଦେଶକୁ ମୃତ ଛାତ୍ରୀଙ୍କ ପିତା ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ । ରାଜ୍ୟ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଗଣମାଧ୍ୟମକୁ ସମ୍ବୋଧିତ କରି ହିଂସାକୁ ନେଇ ଉଦ୍ବେଗ ପ୍ରକାଶ କରିଥିଲେ । ଶାନ୍ତି ବଜାୟ ରଖିବାକୁ ସେ ବିକ୍ଷୋଭକାରୀଙ୍କୁ ନିବେଦନ କରିଥିଲେ । ଏହା ସହିତ ସେ ଦ୍ୱାଦଶ ଶ୍ରେଣୀର ମୃତ ଛାତ୍ରୀଙ୍କୁ ନ୍ୟାୟ ପ୍ରଦାନ କରିବାକୁ ମଧ୍ୟ ପ୍ରତିଶୃତି ଦେଇଛନ୍ତି । ସେ କହିଛନ୍ତି ଯେ ଡିଜିପି ଓ ଗୃହ ସଚିବଙ୍କୁକାଲ୍ଲାକୁରିଚି ଯିବାକୁ ନିର୍ଦ୍ଦେଶ ଦିଆଯାଇଛି । ମାମଲାର ତଦନ୍ତ ଶେଷ ହେବା ପରେ ଦୋଷୀମାନଙ୍କୁ କଠୋର ଦଣ୍ଡ ଦିଆଯିବ ।

ଏହା ବି ପଢ଼ନ୍ତୁ: Sri Lanka Presidential Election: ରାନିଲ ୱିକ୍ରେମେସିଂଘେ ହେବେ ଶ୍ରୀଲଙ୍କାର ନୂଆ ରାଷ୍ଟ୍ରପତି, ୬ ଥର ରହିସାରିଛନ୍ତି ପିଏମ