Rishi Sunak: ઋષિ સુનકને હટાવવા માટે રચાઈ શકે છે મોટું ષડયંત્ર, PM ની ખુરશી પર તોળાઈ રહ્યું છે જોખમ?

Rishi Sunak UK PM: સંસદમાં રજાઓ હોવાની સાથે સાથે બ્રિટનના રાજકારણમાં પણ હાલ સન્નાટો છવાયેલો છે. જેને આ દેશમાં ક્રિસમસની રજાઓ ગણવામાં આવે છે. પરંતુ ભારતીય મૂળના પ્રધાનમંત્રી ઋષિ સુનક પદ પર રહેશે કે નહીં તેના પર અટકળોનું બજાર ગરમ છે. હાઉસ ઓફ લોડ્સમાં સત્તાધારી કન્ઝર્વેટિવ પાર્ટીના સહકર્મીઓ અને પાર્ટીના સૌથી મોટા નાણાકીય દાનદાતાઓમાંથી એક એવા લોર્ડ પીટર ક્રૂડાસે સ્પષ્ટપણે ધ ઓબ્ઝર્વરને કહ્યું છે કે 'કઈક ગડબડ થવા જઈ રહી છે. કારણ કે સદનના સભ્યો ઋષિ સુનકને ઈચ્છતા નથી. તેમના રસ્તામાં અનેક અડચણો છે.' 42 વર્ષના ઋષિ સુનકે 25 ઓક્ટોબરના રોજ પ્રધાનમંત્રી પદ સંભાળ્યું હતું. તેઓ 1980ના દાયકા બાદથી યુકેમાં યુનિયનોની સૌથી મોટી હડતાળોની સાથે સાથે પોતાની પાર્ટીની અંદરની સમસ્યાઓથી પણ ઘેરાયેલા છે. 

સુનકને હટાવવા માટે રચાઈ શકે છે પ્લોટ
ક્રૂડાસે કન્ઝર્વેટિવ પાર્ટીને 3.5 મિલિયન પાઉન્ડથી વધુ દાન આપ્યું છે અને જુલાઈમાં રાજીનામું આપવા માટે મજબૂર કરાયા બાદ બોરિસ જ્હોનસનને પ્રધાનમંત્રી તરીકે પાછા લાવવા માટે ઓક્ટોબરમાં એક પગલાનું સમર્થન કર્યું. આથી સુનકને  હટાવવા માટે પ્લોટ રચાઈ શકે છે. ધ ઓબ્ઝર્વરના લેટેસ્ટ ઓપિનિયન પોલમાં સંકેત આપવામાં આવ્યો છે કે દક્ષિણપંથી રિફોર્મ પાર્ટીએ પોતાનું સમર્થન વધાર્યું છે. જેને એક સંકેત તરીકે લેવાઈ રહ્યો છે કે બ્રેક્ઝિટ સમર્થક અને ઓછા ટેક્સ પસંદ કરનારા રૂઢિવાદી મતદારો સુધાર તરફ જઈ શકે છે. 

આ વીડિયો પણ ખાસ જુઓ...

સુનકને 24 ટકા મતદારોનો ભરોસો પ્રાપ્ત છે
14-15 ડિસેમ્બરે કરાયેલા રાષ્ટ્રીય મતદાન ઈરાદાના એક સર્વેમાં એક અન્ય પોલસ્ટર યુગોવે મુખ્ય વિપક્ષી લેબર પાર્ટીની સાથે 48 ટકા અને કન્ઝર્વેટિવ સાથે ફક્ત 23 ટકા બાકી રાખ્યું જેણે જ્હોનસન હેઠળ ફક્ત 3 વર્ષમાં પ્રચંડ બહુમત મેળવ્યું. સુનકને 24 ટકા મતદારોનો ભરોસો હાંસલ છે જ્યારે શ્રમિક નેતા સર કીર સ્ટારરનો આંકડો 32 ટકા છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube