Indonesia: ફૂટબોલ મેચની હાર પચાવી ન શકતા મેદાન પર મોતનું તાંડવ, મોટા પાયે થયેલી હિંસામાં 174 લોકોના મોત

Indonesia Football Match Violence: એક ફૂટબોલ મેચ દરમિયાન એટલી ભયંકર હિંસા થઈ કે તેમાં અનેક લોકોના જીવ હોમાઈ ગયા. આ વાત છે ઈન્ડોનેશિયાની, અહીં મેચ દરમિયાન થયેલી હિંસામાં અત્યાર સુધીમાં 174 લોકોએ જીવ ગુમાવ્યા. આ ઉપરાંત અનેક લોકો ઘાયલ થયા છે. એક ટીમ મેચ હારી ગયા બાદ આ હિંસા ભડકી ઉઠી હતી. એએફપી ન્યૂઝ એજન્સીએ પોલીસના હવાલે આ જાણકારી આપી. પૂર્વ જાવામાં એક મેચ દરમિયાન ટીમ હારી જતા નારાજ થયેલા ફેન્સે ફૂટબોલ મેદાન પર પહોંચીને હુમલો કર્યો. મૃતકોમાં બે પોલીસકર્મી પણ સામેલ છે. ન્યૂઝ એજન્સીએ પૂર્વ જાવાના પ્રમુખ નિકો અફિન્ટાના હવાલે જણાવ્યું કે સ્ટેડિયમની અંદર જ 34 લોકોએ જીવ ગુમાવ્યા. બાકીના લોકોના હોસ્પિટલમાં મોત થયા. 

કેમ ભડકી હિંસા?
ઈન્ડોનેશિયામાં Persebaya Surabaya એ Arema FC ને 3-2થી હરાવીને ફૂટબોલ મેચ જીતી લીધી હતી. ત્યારબાદ Arema FC ના હજારો ફેન્સ મેદાનમાં ઘૂસી ગયા અને હિંસા શરૂ કરી દીધી. સ્થાનિક પોલીસ અને ઈન્ડોનેશિયાના સશસ્ત્ર દળો મેદાનમાં પહોંચ્યા અને Persebaya Surabaya ના ખેલાડીઓને સુરક્ષા આપવામાં આવી. 

इंडोनेशिया में फुटबॉल मैदान पर मौत का तांडव, भयानक हिंसा में 127 लोगों की मौत; इनमें ज्यादातर पुलिस वालों ने गंवाई जान #Indonesia #FootballMatchViolence pic.twitter.com/IgXc5ss1jN

— Zee News (@ZeeNews) October 2, 2022

સુરક્ષાકર્મીઓ અને ફેન્સ વચ્ચે ઘર્ષણ
સ્થાનિક મીડિયાના અહેવાલો મુજબ પીચ પર સુરક્ષાદળો અને ફેન્સ વચ્ચે ઝપાઝપી થઈ. આ દરમિયાન ફેન્સે સુરક્ષાકર્મીઓ પર વસ્તુઓ ફેંકવાની શરૂ કરી દીધી. ભીડને કાબૂમાં કરવા માટે ટીયરગેસના શેલ છોડવામાં આવ્યા. પીટી લીગા ઈન્ડોનેશિયા બારુ (LIB) ના અધ્યક્ષ અખમદ  હદિયન લુકિતાએ આ ઘટના પર કહ્યું કે અમે આ ઘટનાથી ચિંતિત છીએ અને દુ:ખ છે. અમે સંવેદના જતાવીએ છીએ અને આશા છે કે આ આપણા બધા માટે એક પાઠ હશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube