અમેરિકાથી ડર્યું નહી ભારત, વિરોધ બાદ પણ રૂસ પાસેથી ખરીદશે 40 હજાર કરોડની મિસાઇલો

નવી દિલ્હી: ભારત આગામી ટૂ પ્લસ ટૂ વાર્તા દરમિયાન અમેરિકાને અવગત કરાવી શકે છે કે તે મોસ્કોની સાથે સૈન્ય આદાન-પ્રદાન પર અમેરિકાના પ્રતિબંધ છતાં એસ-400 ટ્રાયમ્ક હવાઇ રક્ષા મિસાઇલ તંત્રનો કાફલો ખરીદવા માટે રૂસ પાસેથી 40,000 કરોડ રૂપિયાના સોદા પર આગળ વધી રહ્યું છે. સત્તાવાર સૂત્રોએ રવિવારે આ જાણકારી આપી. તેમણે જણાવ્યું કે ભારત ક્ષેત્રીય સુરક્ષાની પૃષ્ઠભૂમિ સાથે પોતાના નજીકના રક્ષા સહયોગને ધ્યાનમાં રાખતાં મિસાઇલ સિસ્ટમને લઇને પોતાની જરૂરિયાતોનો હવાલો આપતાં આ મોટા સોદા માટે ટ્રંપ વહિવટીતંત્ર પાસે છૂટની માંગ કરી શકે છે. 

ઉચ્ચ સ્તરના એક સત્તાવાર સૂત્રએ જણાવ્યું કે 'ભારત રૂસ પાસેથી એસ-400 મિસાઇલ દરમિયાન લગભગ સંપન્ન કરી ચૂક્યો છે અને અમે તેના પર આગળ વધી રહ્યા છીએ. મુદ્દા પર પોતાના પક્ષથી અમેરિકાને અવગત કરવામાં આવશે.' અમેરિકાએ ક્રીમિયા પર કબજો અને વર્ષ 2016માં અમેરિકાના રાષ્ટ્રપતિની ચૂંટણીમાં કથિત દખલ માટે સખત સીએએટીએસએ કાનૂન હેઠળ રૂસ વિરૂદ્ધ સૈન્ય પ્રતિબંધ લગાવેલો છે.

સીએએટીએસએ હેઠળ ડોનાલ્ડ ટ્રંપ વહિવટીતંત્રને રૂસ અને રક્ષા અથવા ગુપ્તચર સંસ્થાઓ સાથે મહત્વપૂર્ણ લેણ-દેણમાં સંલિપ્ત દેશ અને સંસ્થાને દંડિત કરવાનો અધિકાર મળ્યો છે. એશિયાના મામલાને જોનાર પેંટાગનના વરિષ્ઠ અધિકારી સ્ક્રીવરે ગુરૂવારે કહ્યું કે અમેરિકા તેની ગેરેંટી ન આપી શકે કે રૂસ પાસેથી હથિયાર અને રક્ષા તંત્રની ખરીદી પર ભારતને છૂટ આપવામાં આવશે. અમેરિકા સંકેત આપી રહ્યું છે કે તે ઇચ્છતું નથી કે ભારતના રૂસ સાથેના સોદાને અંતિમ રૂપ આપે. 

અમેરિકા અને ભારત વચ્ચે રણનીતિક કેસ પર બહુપ્રતિક્ષિત ટૂ પ્લસ ટૂ વાર્તાની પ્રથમ આવૃતિ અહીં છ સપ્ટેમ્બરે થશે. તેમાં પરસ્પર હિતોના દ્રિપક્ષીય, સ્થાનિક અને વૈશ્વિક મુદ્દાઓ પર ચર્ચા થશે. ગત વર્ષે નક્કી ફોર્મેટ હેઠળ વિદેશ મંત્રી સુષમા સ્વરાજ અને રક્ષા મંત્રી નિર્મલા સીતારમણ અમેરિકાના વિદેશ મંત્રી માઇક આર પોમ્પિઓ અને રક્ષાઅ મંત્રી જેમ્સ મેટિસની સાથે વાતચીત કરશે.