ગુજરાતની ભાજપા સરકાર હાર્દિક સાથે કિન્નાખોરી ભર્યુ વર્તન કરતી હોવાનો આક્ષેપ કિંજલ પટેલે કર્યો. ઝી ચોવિસ કલાક સાથેની ખાસ વાતચીતમાં હાર્દિકનાં પત્ની કિંજલે કહ્યુ કે ગુજરાત કોંગ્રેસના યુવા નેતા હાર્દિક પટેલ સામે સેશન્સ કોર્ટે બીન જામીન પત્ર વોરંન્ટ ઇશ્યુ કર્યુ છે અને પોલીસ તેમની શોધ ખોળ કરી રહી છે. છેલ્લે 18 જાન્યુઆરીના રોજ હાર્દિક ઘરેથી નિકળ્યો અને સાંજે પોલીસે તેની ધરપકડ કરી હતી. ત્યારથી હાર્દિક ઘરે આવ્યા નથી કે તેમનો કોઇ પત્તો નથી. કિંજલે ઉમેર્યુ કે સરકાર કિન્નાખોરી રાખી તેમના પરિવારને હેરાન કરી રહી છે. અવાર નવાર પોલીસ તેમના ઘરે આવી શોળખોળ કરે છે અને હેરાન કરે છે. જો કે તે અને તેમનો પરિવાર સરકારની કિન્નાખોરીથી ડરશે નહી. હાર્દિક યુવા અને ખેડૂતનો અવાજ છે માટે સરકાર તેને લોકો વચ્ચે જતો અટકાવી રહી છે.