નવસારીના કછોલી ગામે ખોડિયાર માતાના મંદિરના જીણોદ્ધાર નિમિતે ડાયરો યોજાયો હતો. લોકગાયિકા અલ્પા પટેલ પર લાખો રૂપિયા ઉડાવવામાં આવ્યા હતા. તો બીજી તરફ, સાબરમતી ડી-કેબિન વિસ્તારથી કાલુપુર રેલવે સ્ટેશન જવા નીકળેલો યુવક મોડી રાતે સાબરમતી કેશવનગર રેલવે ઓવરબ્રિજ પરથી ટ્રેનની વ્હિસલ સાંભળી ડરીને નદીમાં પડ્યો હતો. પડી ગયેલા યુવકે એક કલાક સુધી મદદ માટે બુમો પાડી હતી, પરંતુ કોઈ મદદે ન આવ્યું નહોતું. છેવટે તેણે પલળેલી હાલત અને કડકડતી ઠંડી અને પવનના સુસવાટા વચ્ચે નદીની વચ્ચે આવેલા પિલ્લર પર આખી રાત વિતાવી પડી હતી. વહેલી સવારે રિવરફ્રન્ટના સિક્યુરિટી ગાર્ડે નદીમાં વચ્ચે યુવકને જોતા ફાયરબ્રિગેડને જાણ કરી હતી. ફાયરબ્રિગેડની રેસ્ક્યૂ બોટે તાત્કાલિક નદીમાં વચ્ચે પહોંચી યુવકને બચાવ્યો હતો.