વારંવારના અકસ્માત બાદ AMC દ્વારા બેઠકમાં BRTSને મુદ્દે પાંચ મહત્વના નિર્ણયો લેવામાં આવ્યા છે. જેમાં 1) બસમાં સ્પીડ ગવર્નરથી ઓવર સ્પીડિંગ નહિ થાય. 2) બસ ડ્રાઈવરની તાલીમ વધુ સઘન થશે, ચાલકની વર્તણુક અંગે સુધારો થશે. 3) સીટ બેલ્ટ, બસમાં ફોન વાપરવો, સિગ્નલ ભંગ કરવું વગેરેમાં સુધારો કરવામાં આવશે. જો તેનો અમલ નહિ થાય તો ટ્રાફિક પોલીસના નવા દંડ કરતા 10 ગણી રકમની પેનલ્ટી કોન્ટ્રાકટરને કરવામાં આવશે. 4) સામાન્ય અકસ્માતથી પણ કોન્ટ્રાકટરને મોટો દંડ થશે. 5) આવતા મહિનાથી 44 BRTS રૂટ પર RFID બેરિયર લગાવાશે.