Vayve EVA : પેટ્રોલ અને ડીઝલને ભૂલી જાઓ : 80 પૈસામાં એક કિલોમીટર દોડશે આ કાર, 45 મીનિટમાં જ થઈ જશે ચાર્જ

Vayve EVA Solar Powered Electric Car: ગ્રેટર નોઇડામાં આયોજિત ઓટો એક્સપોની 16મી આવૃત્તિમાં એકથી વધુ નવા વાહનો જોવા મળી રહ્યા છે. અદ્યતન ટેક્નોલોજી અને સુવિધાઓથી સજ્જ આ વાહનોમાં કેટલાક કોન્સેપ્ટ પણ સ્ટેજ પર મૂકવામાં આવ્યા છે. પૂણે સ્થિત ઇલેક્ટ્રિક વાહન સ્ટાર્ટઅપ Vayve Mobilityએ આ વખતે મોટર-શોમાં તેની નવી સૌર શક્તિથી ચાલતી ઇલેક્ટ્રિક કાર Vayve EVAનો પ્રોટોટાઇપ રજૂ કર્યો છે. સ્ટાર્ટ-અપનો દાવો છે કે તે દેશની પ્રથમ સૌર ઉર્જાથી ચાલતી ઇલેક્ટ્રિક કાર છે. આ કારને શહેરી વિસ્તારમાં દૈનિક મુસાફરીને ધ્યાનમાં રાખીને ડિઝાઇન કરવામાં આવી છે, જે તમારી રોજિંદી ટૂંકી સફર માટે યોગ્ય વિકલ્પ સાબિત થઈ શકે છે.

Vayve Mobilityના સૂત્રોના જણાવ્યા અનુસાર આ એક પ્રોટોટાઈપ મોડલ છે અને તે શહેરી વિસ્તારમાં રોજીંદી મુસાફરીના હિસાબે તૈયાર કરવામાં આવ્યું છે. આ કારમાં બે વયસ્કો અને એક બાળક સરળતાથી બેસી શકે છે. આ નાની ઈલેક્ટ્રિક કારમાં ખૂબ જ આકર્ષક દેખાવ સાથે બે દરવાજા આપવામાં આવ્યા છે. આ કાર મહિન્દ્રા દ્વારા રજૂ કરાયેલ E2Oની ઘણી યાદ અપાવે છે.

Vayve EVA ને ડ્રાઇવર માટે આગળની બાજુએ એક સીટ મળે છે અને પાછળની સીટ પુખ્ત વયના અને બાળકને સમાવવા માટે થોડી પહોળી કરવામાં આવી છે. ડ્રાઇવિંગ સીટની બાજુમાં, દરવાજાની અંદરની બાજુએ ફોલ્ડિંગ ટ્રે આપવામાં આવી છે, જેના પર તમે લેપટોપ વગેરે રાખી શકો છો. ડ્રાઇવિંગ સીટ 6-વે એડજસ્ટેબલ છે, આ સિવાય કારમાં પેનોરેમિક સનરૂફ છે.

આ પણ વાંચો : 

ગુજરાતના 2 પરિવારમાં માતમ છવાયો, ચાઈનીઝ દોરીએ એક બાળકી અને યુવકનો ભોગ લીધો 

Vayve EVA કી સાઈઝ :
કારની સાઈઝની વાત કરીએ તો તેની લંબાઈ 3060mm, પહોળાઈ 1150mm, ઊંચાઈ 1590mm અને 170mmનું ગ્રાઉન્ડ ક્લિયરન્સ આપવામાં આવ્યું છે. કારમાં આગળના ભાગમાં સ્વતંત્ર કોલ સ્પ્રિંગ સસ્પેન્શન અને પાછળના ભાગમાં ડ્યુઅલ શોક સસ્પેન્શન છે. તેને આગળના ભાગમાં ડિસ્ક બ્રેક અને પાછળના વ્હીલમાં ડ્રમ બ્રેક્સ મળે છે. ઇલેક્ટ્રિક પાવર સ્ટીયરિંગથી સજ્જ આ કારની ટર્નિંગ રેડિયસ 3.9 મીટર છે. રીઅર વ્હીલ ડ્રાઇવ કારની ટોપ સ્પીડ 70 kmph છે.

કારનું મસ્ત છે ઈંટરિયર
નાની કાર હોવા છતાં, આંતરિક ભાગમાં સારી જગ્યા આપવા માટે તમામ પ્રયાસો કરવામાં આવ્યા છે. તેમાં એર કંડીશન (AC) સાથે એપલ કાર પ્લે અને એન્ડ્રોઇડ ઓટો કનેક્ટિવિટી સિસ્ટમ છે. તેમાં પેનોરેમિક સનરૂફ કારના ઈન્ટિરિયરને વધુ વિશાળ બનાવે છે. જ્યારે તમે કારની અંદર બેસો છો, ત્યારે તમને તેની નાના હોવાનો અહેસાસ થતો નથી.

આ પણ વાંચો : 

ઘરના પાણીના નળમાં લગાવો આ જાદુઈ ડિવાઈસ : એક રૂપિયો પણ લાઈટબિલ નહિ આવે એની ગેરેન્ટી

Vayve EVA ની વિશિષ્ટતાઓ:
તે પ્લગ-ઇન ઇલેક્ટ્રિક કાર છે અને તેમાં 14Kwh (Li-iOn) બેટરી પેક છે. તેમાં લિક્વિડ કૂલ્ડ ઇલેક્ટ્રિક મોટરનો ઉપયોગ કરવામાં આવ્યો છે, જે 12kWનો પાવર અને 40Nmનો ટોર્ક જનરેટ કરે છે. સિંગલ સ્પીડ ઓટોમેટિક ગિયરબોક્સથી સજ્જ આ કાર રિજનરેટિવ બ્રેકિંગ સિસ્ટમનો ઉપયોગ કરે છે, જે બેટરીની શક્તિમાં થોડો વધારો કરે છે.

ડ્રાઇવિંગ રેન્જ અને ખર્ચ:
કંપનીનો દાવો છે કે આ કાર સિંગલ ચાર્જમાં 250 કિલોમીટર સુધીની ડ્રાઈવિંગ રેન્જ આપે છે. તેમાં આપવામાં આવેલી સોલાર પેનલનો ઉપયોગ કારના સનરૂફની જગ્યાએ કરી શકાય છે. "આ કાર સંપૂર્ણપણે સૌર ઉર્જા પર ચાલતી નથી, પરંતુ તેમાં આપવામાં આવેલી સોલાર પેનલ એક વિકલ્પ તરીકે કામ કરે છે, જે કારને 10 કિલોમીટર સુધીની વધારાની ડ્રાઇવિંગ રેન્જ પ્રદાન કરે છે." આ કારની બેટરી સંપૂર્ણ ચાર્જ થયા બાદ તેની રનિંગ કોસ્ટ માત્ર 80 પૈસા પ્રતિ કિલોમીટર છે. આ સિવાય આ કાર માત્ર 5 સેકન્ડમાં 0 થી 40 કિલોમીટર પ્રતિ કલાકની સ્પીડ પકડવામાં સક્ષમ છે.

આ પણ વાંચો : 

આ આદતોથી દૂર રહેજો નહિ તો ગરીબી તમને શોધતી આવશે, જોતજોતામાં રૂપિયા ખાલી થશે

ચાર્જિંગ અને પે-લોડ:
આ કાર શહેરની અંદર ટૂંકી સવારી માટે બનાવવામાં આવી છે. આ કારનું કુલ વજન 800 કિલો છે અને તે વધુમાં વધુ 250 કિલો વજન ઉપાડવામાં સક્ષમ છે. સામાન્ય ઘરગથ્થુ (15A) સોકેટ વડે કારની બેટરીને સરળતાથી ચાર્જ કરી શકાય છે. તેની બેટરીને ડોમેસ્ટિક સોકેટમાંથી સંપૂર્ણ ચાર્જ થવામાં લગભગ 4 કલાક લાગે છે, જ્યારે ડીસી ફાસ્ટ ચાર્જર (CCS2) વડે તેની બેટરીને સંપૂર્ણપણે ચાર્જ કરવામાં માત્ર 45 મિનિટનો સમય લાગશે.

આ કાર ક્યારે લોન્ચ થશે અને શું હશે કિંમતઃ
Vayve EVA ની લૉન્ચ સમયરેખા અંગે, કંપનીના સહ-સ્થાપક નિલેશ બજાજે જણાવ્યું કે, આ કારને સત્તાવાર રીતે વેચાણ માટે લૉન્ચ કરવામાં લગભગ 1 વર્ષ લાગશે. તે જ સમયે, તેણે કિંમત વિશે કોઈ માહિતી શેર કરી નથી. એવી અપેક્ષા છે કે બ્રાન્ડ તેને સસ્તા ભાવે ઓફર કરશે.

આ પણ વાંચો : ગુજરાતમાં 1500 FIR: ઉત્તરાયણ જેલમાં ના જાય માટે કરતા ના આ ભૂલો, સરકાર બગડી છે...