T10 લીગઃ મોહમ્મદ શહઝાદે 12 બોલમાં ફટકારી અડધી સદી, 17 મિનિટમાં ટીમને અપાવી જીત

નવી દિલ્હીઃ અફગાનિસ્તાનના ક્રિકેટર મોહમ્મદ શહઝાદે બુધાવારે આક્રમક અંદાજમાં રમતા ટી20 લીગમાં  પોતાની ટીમ રાજપૂતને પરફેક્ટ-10 જીત અપાવી છે. સિંધીજ ટીમે 10 ઓવરમાં 6 વિકેટ પર 94 રન બનાવ્યા.  રાજપૂત ટીમે 4 ઓવમરાં કોઈ વિકેટ ગુમાવ્યા વિના 96 રન બનાવી 10 વિકેટથી જીત મેળવી હતી. મેન ઓફ ધ  મેચ રહેલા મોહમ્મદ શહઝાદ 74 રન બનાવી અણનમ રહ્યો હતો.  

દુબઈમાં રમાયેલા આ મેચમાં શહઝાદ અને બ્રેન્ડન મેક્કુલમે ઈનિંગની શરૂઆત કરી અને 4 ઓવરમાં જીત  અપાવી દીધી હતી. વિકેટકીપર બેટ્સમેન શહઝાદે 16 બોલની પોતાની તોફાની ઈનિંગમાં 6 ચોગ્ગા અને 8 છગ્ગા  ફટકાર્યા હતા. મેક્કુલમ (21*) 8 બોલ પર 1 ફોર અને બે સિક્સ ફટકારી હતી. 

Mohammad Shahzad 74 not out off 16 balls in the T10 opener

- 12-ball 50 (fastest in T10s)
- Highest score in T10s
- 8 Sixes - most in T10s
- Zero dot balls
- Chased 95 in 4 overs
- Chase done in 17 minutes#T10league

— Mazher Arshad (@MazherArshad) November 21, 2018

30 વર્ષીય શહઝાદે મેક્કુલમની સાથે મળીને માત્ર 17 મિનિટમાં લક્ષ્ય હાસિલ કરી લીધો હતો. આ ટી10 લીગમાં  કોઈપણ બેટ્સમેનનો સર્વશ્રેષ્ઠ સ્કોર છે. શહઝાદે માત્ર 12 બોલમાં અડધી સદી પૂરી કરી લીધી હતી. આ પણ  ટી10 લીગમાં એક રેકોર્ડ છે. 

@T10League Crazy Inning from Mohammad Shahzad 74(16) * 6 fours and 8 sixes as Rajputs chased down the target of 95 against sindhis in just 4 overs
Last 16 balls 6 1 (wd) 6 6 6 6 4 6 4 4 0 4 1 6 6 6 #T10League pic.twitter.com/1evUFlF90w

— Kaushalendra (@imkaushoo) November 21, 2018

આ પહેલા કેપ્ટન શેન વોટસન (42)ની ઈનિંગને કારણે સિંધીજ ટીમે 6 વિકેટ પર 94 રન બનાવ્યા હતા. વોટસને  20 બોલ પર 4 ફોર અને ત્રણ સિક્સ ફટકારી હતી. રાજપૂત ટીમ માટે રમી રહેલા મુનાફ પટેલે 2 ઓવરમાં 20  રન આપીને 3 વિકેટ ઝડપી હતી. વેસ્ટ ઈન્ડિઝના કાર્લોસ બ્રેથવેટે 2 ઓવરમાં 11 રન આપીને 2 વિકેટ લીધી  હતી.