મહાન સ્પ્રિન્ટર ઉસૈન બોલ્ટ પ્રથમવાર બન્યો પિતા, ઘરે થયો પુત્રીનો જન્મ

મહાન સ્પ્રિન્ટર બોલ્ટ પ્રથમવાર પિતા બની ગયો છે. તેની પત્ની કેસી બેનેટે પુત્રીને જન્મ આપ્યો છે. જમૈકાના પ્રધાનમંત્રી એંડ્રયૂ હોલનેસે સોશિયલ મીડિયા પર બોલ્ટને પુત્રી જન્મ માટે શુભેચ્છા આપી છે.

Last Updated: May 19, 2020, 05:09 PM IST

મહાન સ્પ્રિન્ટર ઉસૈન બોલ્ટ પ્રથમવાર બન્યો પિતા, ઘરે થયો પુત્રીનો જન્મ

કિંગ્સટનઃ મહાન સ્પ્રિન્ટર ઉસૈન બોલ્ટ પ્રથમવાર પિતા બન્યો છે. તેની પત્ની કેસી બેનેટે પુત્રીને જન્મ આપ્યો છે. જમૈકાના પ્રધાનમંત્રી એંડ્રયૂ હોલનેસે સોશિયલ મીડિયા પર બોલ્ટને પુત્રીના જન્મ પર શુભેચ્છા આપી છે. 33 વર્ષીય બોલ્ટે માર્ચમાં સોશિયલ મીડિયા પર ખુલાસો કર્યો હતો કે બેનેટ માતા બનવાની છે.

પ્રધાનમંત્રી હોલનેસે ટ્વીટર પર લખ્યુ, 'અમારા લેજેન્ડ સ્પ્રિન્ટર ઉસૈન બોલ્ટ અને કેસી બેનેટને પુત્રી જન્મ પર શુભેચ્છા. સ્થાનીય મીડિયાની ખબરો અનુસાર આ કપલને ત્યાં પુત્રીનો જન્મ રવિવારે થયો છે. આ સિવાય અન્ય જાણકારી હજુ ઉપલબ્ધ નથી.'

Congratulations to our sprint legend Usain Bolt (@usainbolt) and Kasi Bennett on the arrival of their baby girl! pic.twitter.com/bheXPgU7Qd

— Andrew Holness (@AndrewHolnessJM) May 18, 2020

ઓલિમ્પિકમાં આઠ વખતના ગોલ્ડ મેડલિસ્ટ અને 100 તથા 200 મીટરમાં વર્લ્ડ રેકોર્ડ ધારક બોલ્ટે પુરૂષોની દોડમાં એક દાયકા સુધી દબદબો બનાવ્યા બાદ 2017માં એથલેટિક્સમાંથી નિવૃતી લઈ લીધી હતી.