ભાષાને લઈને ટિપ્પણી, મિતાલી રાજે આ રીતે ટ્રોલરની કરી બોલતી બંધ

નવી દિલ્હીઃ ભારતીય મહિલા વનડે ક્રિકેટ ટીમની કેપ્ટન મિતાલી રાજે (mithali raj) હાલમાં આંતરરાષ્ટ્રીય ક્રિકેટમાં 20 વર્ષ પૂરા કર્યાં હતા. આ દરમિયાન ભારતીય મહિલા ટીમે દક્ષિણ આફ્રિકાને વનડે સિરીઝમાં 3-0થી પરાજય આપ્યો હતો. આ ખાસ અવસર પર માસ્ટર બ્લાસ્ટર સચિન તેંડુલકરે કેપ્ટન મિતાલી રાજને શુભેચ્છા આપતા ટ્વીટ કર્યું હતું. જેના પર મિતાલીએ પણ સચિનનો આભાર માન્યો હતો. 

આ પોસ્ટ પર એક યૂઝરે તે કહેતા મિતાલીને ટ્રોલ કરી કે તેને તમિલ આવડતી નથી. યૂઝરે લખ્યું- તેને તમિલ આવડતી નથી, તે માત્ર અંગ્રેજી, તેલુગૂ અને હિન્દીમાં વાત કરે છે. આ યૂઝર સિવાય પણ અન્યએ તેને ટ્રોલ કરી હતી. તેના પર ભારતીય મહિલા ટીમની વનડે કેપ્ટને યૂઝરને વળતો જવાબ આપ્યો છે. 

તેણે લખ્યું- તમિલ મારી માતૃભાષા છે, મને તમિલ બોલતા આવડે છે અને મને તમિલનાડુમાં રહેવા પર ગર્વ છે. તેનાથી વધીને મને ભારતીય હોવા પર ગર્વ છે. 

તેણે આગળ લખ્યું- મારા ડિયર સુગૂ દરરોજ મારી દરેક પોસ્ટ પર તમારી ટીકા કરવી મને જણાવે છે કે મારે શું કરવું જોઈએ અને શું ન કરવું જોઈએ. એટલું જ નહીં ભારતીય મહિલા ક્રિકેટરે ટ્રોલર્સ માટે પોપ સ્ટાર ટેલર સ્વિફ્ટનું ફેમશ ગીત 'કામ ડાઉન' પણ શેર કર્યું છે.