World Cup 2023: વર્લ્ડ કપ 2023નું શેડ્યૂલ થયુ જાહેર! આ તારીખે રમાશે IND vs PAK મેચ

ICC ODI World Cup 2023: ODI વર્લ્ડ કપ 2023 ભારતમાં આ વર્ષે ઓક્ટોબર-નવેમ્બર વચ્ચે રમાશે. ODI વર્લ્ડ કપના શેડ્યૂલને લઈને એક મોટું અપડેટ સામે આવ્યું છે. બીસીસીઆઈએ ડ્રાફ્ટ શેડ્યૂલ આઈસીસીને સોંપી દીધો છે, જે તેના અંતિમ સ્વરૂપમાં આવશે જ્યારે તમામ સભ્ય દેશો તેના પર સહમત થશે. મળતી માહિતી મુજબ ટૂર્નામેન્ટ 5 ઓક્ટોબરથી શરૂ થશે જ્યારે ફાઈનલ 19 નવેમ્બરે રમાશે. ભારત અને પાકિસ્તાન વચ્ચે મેચ ક્યારે રમાશે તે પણ સ્પષ્ટ થઈ ગયું છે.

વર્લ્ડ કપ 2023નું શેડ્યૂલ
મીડિયા રિપોર્ટ્સ અનુસાર, ટૂર્નામેન્ટની પ્રથમ મેચ 5 ઓક્ટોબરે ઈંગ્લેન્ડ અને ન્યૂઝીલેન્ડ વચ્ચે અમદાવાદના નરેન્દ્ર મોદી સ્ટેડિયમમાં રમાશે. ફાઈનલ પણ આ મેદાન પર 19મી નવેમ્બરે યોજાશે. ટીમ ઈન્ડિયા તેની 9 મેચ 9 અલગ-અલગ સ્થળો પર રમશે. તે જ સમયે 15 ઓક્ટોબરે ભારત અને પાકિસ્તાન વચ્ચે ટક્કર થશે. આ મેચ પણ નરેન્દ્ર મોદી સ્ટેડિયમમાં રમાશે. બીજી તરફ પાકિસ્તાન સામેની મેચો 5 સ્થળો પર રમાશે.

ભારત vs ઓસ્ટ્રેલિયા, 8 ઓક્ટોબર, ચેન્નાઈ
ભારત vs અફઘાનિસ્તાન, 11 ઓક્ટોબર, દિલ્હી
ભારત vs પાકિસ્તાન, 15 ઓક્ટોબર, અમદાવાદ
ભારત vs બાંગ્લાદેશ, 19 ઓક્ટોબર, પુણે
ભારત vs ન્યુઝીલેન્ડ, 22 ઓક્ટોબર, ધર્મશાલા
ભારત vs ઈંગ્લેન્ડ, 29 ઓક્ટોબર, લખનૌ
ભારત vs ક્વોલિફાયર, 2 નવેમ્બર, મુંબઈ
ભારત vs દક્ષિણ આફ્રિકા, 5 નવેમ્બર, કોલકાતા
ભારત vs ક્વોલિફાયર, 11 નવેમ્બર, બેંગલુરુ

ટૂંક સમયમાં શેડ્યૂલ જાહેર કરવામાં આવશે
27 મેના રોજ, BCCI સેક્રેટરી જય શાહે કહ્યું હતું કે વર્લ્ડ ટેસ્ટ ચેમ્પિયનશિપ ફાઈનલ દરમિયાન શેડ્યૂલની જાહેરાત કરવામાં આવશે. જોકે, તેમણે વિલંબ પાછળનું કારણ જણાવ્યું નથી. ICC વર્લ્ડ કપ 2023માં કુલ 10 ટીમો ભાગ લેશે. જેમાં ભારત, ઈંગ્લેન્ડ, પાકિસ્તાન, બાંગ્લાદેશ, ઓસ્ટ્રેલિયા, ન્યુઝીલેન્ડ, અફઘાનિસ્તાન અને દક્ષિણ આફ્રિકાની ટીમો રેન્કિંગ અનુસાર વર્લ્ડ કપ માટે ક્વોલિફાય થઈ ગઈ છે. 

આ પણ વાંચો:
ગુજરાતમાં વાવાઝોડાની અસર શરૂ, દ્વારકા અને જુનાગઢમાં લોકોના ઘરમાં દરિયાના પાણી ઘૂસ્યા
AI ની મદદથી ખેતીમાં આવશે ક્રાંતિ, ખેડૂતોને બંપર કમાણી કેવી રીતે થઈ શકે તે ખાસ જાણો
બિપરજોય વાવાઝોડાએ દિશા બદલી, ગુજરાત તરફ ઝડપથી આગળ વધી રહ્યું છે, 6 જિલ્લા પર ખતરો
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube