ભારતીય વાયુસેનામાં રાફેલની એન્ટ્રીથી ધોની ઉત્સાહિત, ટ્વિટર પર વ્યક્ત કરી ખુશી

નવી દિલ્હીઃ ભારતીય વાયુ સેના (Indian Air Force) માટે આજે એક ઐતિહાસિક દિવસ છે. ફ્રાન્સથી ખરીદવામાં આવેલા પાંચેય રાફેલ લડાકૂ વિમાન જે વિશ્વના સૌથી આધુનિક લડાકૂ વિમાનોમાંથી એક છે તેને ઔપચારિક રૂપે વાયુસેનામાં સામેલ કરવામાં આવ્યા છે. તેને લઈને અંબાલા એરબેઝ પર રાફેલના ઇંડક્શન સમારોહનું આયોજન કરવામાં આવ્યું હતું, જેમાં રક્ષામંત્રી રાજનાથ સિંહની સાથે ફ્રાન્સના રક્ષામંત્રી ફ્લોરેન્ટ પાર્લી પણ હાજર રહ્યાં હતા. 

ભારતીય ક્રિકેટ ટીમના પૂર્વ કેપ્ટન એમએસ ધોનીએ આ વાત પર સોશિયલ મીડિયા પર એક પોસ્ટ કરી છે. ધોનીએ પોતાના સત્તાવાર ટ્વિટર હેન્ડલ પરથી એક ટ્વીટ કર્યુ છે, 'જંગમાં ખુદને સાબિત કરી ચુકેલા વિશ્વના સર્વશ્રેષ્ઠ 4.5 જનરેશનના લડાકૂ વિમાનોને સામેલ થયાની સાથે તેને વિશ્વના સૌથી સારા ફાઇટર પાયલટ પણ મળી ગયા છે. આપણા કાબિલ પાયલટોના હાથ અને ભારતીય વાયુ સેનાના અલગ-અલગ વિમાનો વચ્ચે આ વિમાનની તાકાત વધુ વધશે.'

With the Final Induction Ceremony the world’s best combat proven 4.5Gen fighter plane gets the world’s best fighter pilots. In the hands of our pilots and the mix of different aircrafts with the IAF the potent bird’s lethality will only increase.

— Mahendra Singh Dhoni (@msdhoni) September 10, 2020

આ સિવાય માહીએ વધુ એક ટ્વીટ કર્યું અને લખ્યુ છે કે, વાયુ સેનાના ગોલ્ડન એરો સ્ક્વાડ્રનમાં રાફેલ સામેલ થવા પર શુભેચ્છા. અમે આશા કરીએ કે રાફેલ મિરાજ-2000ને પાછળ છોડી દેશે પરંતુ સુખોઈ મારૂ હજુ પણ પસંદગીનું છે. હવે જવાનોને ડોગફાઇટ માટે વધુ એક નવુ લક્ષ્ય મળી ગયું છે. 

Wishing The Glorious 17 Squadron(Golden Arrows) all the very best and for all of us hope the Rafale beats the service record of the Mirage 2000 but Su30MKI remains my fav and the boys get new target to dogfight with and wait for BVR engagement till their upgrade to Super Sukhoi

— Mahendra Singh Dhoni (@msdhoni) September 10, 2020

મહત્વનું છે કે એમએસ ધોની ઈન્ડિયન ટેરોટોરિયલ આર્મીમાં લેફ્ટિનેન્ટ કર્નલ પણ છે. તેમને 2011મા આ રેન્ક આપવામાં આવ્યું હતું અને તેના માટે ઘણીવાર અભ્યાસ પણ કરી ચુક્યો છે.

વાંચો આઈપીએલના તમામ સમાચાર

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

વાંચો સ્પોર્ટ્સના અન્ય સમાચાર