VIDEO: ચિત્તા જેવી ચપળતા અને શિયાળથી પણ ચાલક...ટીમ ઈન્ડિયાના આ ખેલાડીએ મચાવી ધમાલ

Ishan Kishan Catch: ભારતના વિકેટ કીપર બેટ્સમેન ઈશાન કિશને વેસ્ટ ઈન્ડિઝ સામે ડોમિનિકામાં રમાઈ રહેલી પ્રથમ ટેસ્ટ મેચમાં ભારત માટે ટેસ્ટ ડેબ્યૂ કર્યું હતું અને આ તકનો ફાયદો ઉઠાવીને તેણે ખળભળાટ મચાવ્યો હતો. ઋષભ પંત દુર્ઘટનામાં થયેલી ઈજાને કારણે લાંબા સમયથી ભારતીય ટેસ્ટ ટીમનો ભાગ નથી. રિષભ પંતની જગ્યાએ કેએસ ભરતને ટીમ ઈન્ડિયા માટે 5 ટેસ્ટ મેચમાં રમવાની તક આપવામાં આવી હતી, પરંતુ તે ફ્લોપ સાબિત થયો હતો. હવે આખરે વેસ્ટ ઈન્ડિઝના પ્રવાસ પર ભારતીય ટીમ મેનેજમેન્ટે યોગ્ય નિર્ણય લેતા આક્રમક વિકેટ કીપર બેટ્સમેન ઈશાન કિશનને પ્રથમ વખત ટેસ્ટમાં રમવાની તક આપી છે.
 

Lord Shardul Thakur doesn’t waste time.

Also, Ishan Kishan’s maiden Test catch 😍
.

.#INDvWIonFanCode #WIvIND pic.twitter.com/kufukYWBfo

— FanCode (@FanCode) July 12, 2023

ઈશાન કિશને પંતની કારકિર્દી ખતમ કરી?
ઋષભ પંતની ગેરહાજરી અને કેએસ ભરતના ડ્રોપને કારણે ઈશાન કિશનને ટેસ્ટમાં પદાર્પણ કરવાની તક મળી અને આ ખેલાડીએ આ સુવર્ણ તકનો લાભ લીધો. ઈશાન કિશને વિકેટ પાછળ પોતાના અદ્ભુત પરાક્રમથી બધાને ચોંકાવી દીધા હતા. ભારતે વેસ્ટ ઈન્ડિઝનો પ્રથમ દાવ 150 રનમાં સમેટી લીધો હતો અને આ દરમિયાન ઈશાન કિશને વિકેટ પાછળ બે શાનદાર કેચ પકડ્યા હતા. ઈશાન કિશનનો એક કેચ એટલો ચોંકાવનારો હતો કે ક્રિકેટ જગતમાં તેની જોરદાર ચર્ચા થઈ રહી છે.

ચિત્તા જેવી ચપડતા જોઈ સૌ ચોંકી ગયા-
વેસ્ટ ઈન્ડિઝની પ્રથમ ઈનિંગ દરમિયાન 20મી ઓવરના ત્રીજા બોલ પર ઈશાન કિશને રેમન રેફરનો શાનદાર કેચ પકડ્યો હતો. ઈશાન કિશનનો આ કેચ જોઈને બધા આશ્ચર્યચકિત થઈ ગયા. ઈશાન કિશનના આ કેચનો વીડિયો સોશિયલ મીડિયા પર ખૂબ વાયરલ થઈ રહ્યો છે. ઇશાન કિશને ચિત્તાની ચપળતાથી રેમન રેફરનો કેચ પકડ્યો હતો, જેણે ભૂતપૂર્વ કેપ્ટન મહેન્દ્ર સિંહ ધોનીની પણ યાદ અપાવી હતી. વેસ્ટ ઈન્ડિઝની પ્રથમ ઈનિંગ દરમિયાન જ્યારે શાર્દુલ ઠાકુરે 20મી ઓવરનો ત્રીજો બોલ ફેંક્યો ત્યારે રેમન રેફરે તેના પર શોટ રમવાનો પ્રયાસ કર્યો, પરંતુ બોલ રેમન રેફરના બેટમાં અથડાયો અને ઈશાન કિશન પાસે ગયો અને ઈશાન કિશને તેને ચિતા જેવી ચપળતાથી કર્યો. એક શાનદાર કેચ લીધો.