IPL 2019માં કરોડો રૂપિયાનો વરસાદ, 11 વર્ષોમાં 300 ટકા વધી પ્રાઇઝ મની

હૈદરાબાદઃ આઈપીએલને વિશ્વની સૌથી મોંઘી ક્રિકેટ લીગ માનવામાં આવે છે. આઈપીએલની 12મી સિઝનના ફાઇનલ મેચ બાદ પ્રાઇઝ મની તરીકે કરોડો રૂપિયાનો વરસાદ થો છે. સૌથી મહત્વની વાત છે કે આઈપીએલની પ્રથમ સિઝનથી લઈને આઈપીએલની 12મી સિઝન સુધી પ્રાઇઝ મનીની કુલ રકમમાં 300 ટકાનો વધારો થયો છે. પહેલા જે કુલ પ્રાઇઝ મની હતી તે હવે માત્ર ચેમ્પિયન ટીમને મળે છે.  ચાલો એક નજર કરીએ, આઈપીએલની પ્રાઇઝ મનીમાં થયેલા ફેરફાર અને આ સાથે આ વર્ષમાં કોને કેટલી રકમ મળી. 

આ વર્ષે પ્રાઇઝ મનીના નામ પર કુલ 55 કરોડ રૂપિયા આપવામાં આવ્યા છે. જેમાંથી 20 કરોડ રૂપિયા વિજેતા ટીમ મુંબઈ ઈન્ડિયન્સના ખાતામાં ગયા છે. ગત વર્ષે કુલ પ્રાઇઝ મની 50 કરોડ રૂપિયા હતી, જે આ વર્ષે વધારીને 55 કરોડ રૂપિયા કરવામાં આવી છે. 

આ સિવાય ફાઇનલ મેચની પ્રાઇઝ મની કંઇ આ રીતે રહી

2008માં કુલ પ્રાઇઝ મની 20 કરોડ રૂપિયા હતી, જેમાંથી વિજેતા ટીમને 4.8 કરોડ રૂપિયા મળ્યા હતા. 2015માં પ્રાઇઝ મની વધીને કુલ 40 કરોડ રૂપિયા થઈ, જેમાંથી વિજેતા ટીમને 15 કરોડ રૂપિયા મળ્યા હતા. 2018માં કુલ પ્રાઇઝ મની 50 કરોડ રૂપિયા હતી, જેમાંથી વિજેતા ટીમને 20 કરોડ રૂપિયા મળ્યા હતા. આ વર્ષે કુલ પ્રાઇઝ મની 55 કરોડ સુધી પહોંચી ગઈ છે, જેમાં વિજેતા ટીમને 20 કરોડ રૂપિયા આપવામાં આવ્યા છે. 

વાંચો આઈપીએલના તમામ સમાચાર