ગાર્ડનો પુત્ર બન્યો સ્ટાર ક્રિકેટર, ધોની-વિરાટનો છે માનીતો, શેન વોર્ને કહ્યું હતું 'રોક સ્ટાર'

Ravindra Jadeja Life Style: જાડેજાને તલવારબાજીનો શોખ છે. તલવારબાજી કરતા તેમના કેટલાક વીડિયો પણ સોશિયલ મીડિયા પર વાયરલ થયા છે. તે સોશિયલ પ્લેટફોર્મ X પર તેની પોસ્ટ સાથે હેશટેગ રાજપૂતબોય (#RAJPUTBOY)નો ઉપયોગ કરવાનું ભૂલતા નથી. ક્રિકેટની રમતે આ 35 વર્ષીય ઓલરાઉન્ડરને તે બધું આપ્યું છે જે વ્યક્તિ ઈચ્છે છે. તેના દેશભરમાં મોટી સંખ્યામાં ચાહકો છે. પ્રસિદ્ધિની સાથે તે ઘણી કમાણી પણ કરી રહ્યો છે. વિવિધ અહેવાલો અનુસાર, જાડેજાની કુલ સંપત્તિ હાલમાં 123 કરોડ રૂપિયાની આસપાસ છે.

Cough: શિયાળામાં પરેશાન કરી રહ્યો છે જીદ્દી કફ? આ 5 આયુર્વેદિક ઉપાયોથી મળશે રાહત
લક્ષદ્વીપ જઇ રહ્યા છો તો 5 વસ્તુઓનો જરૂર માણજો આનંદર, સુંદરતા જોઇ મોહી જશે મન

રવિન્દ્ર જાડેજાએ ઘણી મુશ્કેલીઓનો સામનો કરીને આટલી ખ્યાતિ અને સંપત્તિ હાંસલ કરી છે. 6 ડિસેમ્બર 1988ના રોજ સૌરાષ્ટ્રના નવાગ્રામ ઘેડમાં જન્મેલા આ ખેલાડીના પિતા સુરક્ષા ગાર્ડ તરીકે કામ કરતા હતા જ્યારે તેની માતા નર્સ હતી. રસોડામાં લાગેલી આગમાં માતાનું મોત થતાં પરિવાર પર મુશ્કેલીઓનો પહાડ ઉભો થયો હતો. જડ્ડુ તેની માતાના અકાળે અવસાનથી વ્યથિત થઈ ગયો હતો અને તેણે ક્રિકેટ છોડવાનો નિર્ણય પણ લઈ લીધો હતો, પરંતુ તેની માતાના રમતમાં નામ કમાવવાના સપનાને યાદ કરીને તેણે પોતાનું મન મજબૂત કર્યું અને પછી તેને સાકાર કરવાનું શરૂ કર્યું.

એકસાથે આવી રહ્યા છે 4 IPO, પૈસા લગાવતાં પહેલાં જાણી લો કરમ કુંડળી
2024 માં વધશે પ્રોપર્ટીના ભાવ? આ શહેરમાં આટલું મોંઘું બનશે સપનાનું ઘર!

રવિન્દ્ર જાડેજા જુનિયર સ્તરે અંડર-19 વર્લ્ડ કપમાં પણ ભારતનું પ્રતિનિધિત્વ કરી ચૂક્યો છે. 2008માં વિરાટ કોહલીની કપ્તાની હેઠળ અંડર-19 વર્લ્ડ કપ ચેમ્પિયન બનેલી ભારતીય ટીમમાં જાડેજાનો પણ સમાવેશ કરવામાં આવ્યો હતો. માત્ર એક વર્ષ પછી 2009 માં તે સીનિયર સ્તરે ઇન્ટરનેશન ડેબ્યૂ કરવામાં સફળ રહ્યા હતા. તેમની કારકિર્દીના શરૂઆતના તબક્કામાં રવિન્દ્ર જાડેજાને બેટ્સમેન તરીકે પણ ખૂબ જ ઊંચો દરજ્જો આપવામાં આવ્યો હતો. સ્થાનિક ક્રિકેટમાં તેના નામે ત્રણ બેવડી સદી છે, પરંતુ સમયની સાથે તેનું નામ બેટ્સમેનને બદલે બોલર તરીકે વધુ ચમક્યું.

લક્ષદ્વીપને હડપવા માંગતું હતું પાકિસ્તાન, જાણો સરદાર પટેલે કેવી રીતે બચાવ્યું
માલદીવના અડધા ખર્ચામાં થઇ જશે અહીં વિદેશ ટૂર, બીચ અને પાર્ટી માટે પરફેક્ટ વ્યૂ!

આજે જાડેજા દરેક ફોર્મેટમાં ભારતીય ટીમનો સ્ટાર ખેલાડી છે. ટીમ ઈન્ડિયાનો ક્રિકેટર હોવા ઉપરાંત તે આઈપીએલ અને જાહેરાતો દ્વારા વાર્ષિક કરોડો રૂપિયાની કમાણી કરે છે. તેને ભારતીય ક્રિકેટ કંટ્રોલ બોર્ડ (BCCI)નો 'A પ્લસ' શ્રેણીનો કોન્ટ્રાક્ટ મળ્યો છે. આ કરારને કારણે, તેને વાર્ષિક 7 કરોડ રૂપિયાનો પગાર મળે છે અને દરેક ટેસ્ટ, ODI અને T20I રમવા માટે તેને અનુક્રમે 15 લાખ રૂપિયા, 6 લાખ રૂપિયા અને 3 લાખ રૂપિયા મેચ ફી તરીકે મળે છે.

એક ટ્વિટે કરોડપતિને બનાવી દીધો કંગાળ, 12 હજાર કરોડની કંપની 74 રૂપિયામાં વેચવી પડી
એક આઇડીયાએ બદલી દીધી પટેલની જીંદગી, સ્ત્રીની પગની પાની જોઇ સ્થાપી 100 કરોડની કંપની

2008ની IPLની હરાજીમાં રાજસ્થાન રોયલ્સે જાડેજાને 12 લાખ રૂપિયામાં ખરીદ્યો હતો. પ્રથમ સિઝનમાં જ આરઆરને ચેમ્પિયન બનાવવામાં તેનું વિશેષ યોગદાન હતું. હાલમાં તે એમએસ ધોનીની આગેવાની હેઠળની ચેન્નાઈ સુપર કિંગ્સ (CSK) નો ભાગ છે. તે 16 કરોડની રકમમાં CSK સાથે જોડાયો છે. IPL 2023ની ફાઈનલમાં જાડેજાએ નિર્ણાયક ક્ષણોમાં બેટિંગમાં જોરદાર હાથ બતાવીને ટીમને ચેમ્પિયન બનાવી હતી.

કરી લો રૂપિયાનો બંદોબસ્ત, આવી ગયો કમાણીનો ટાઇમ, આ અઠવાડિયામાં ખુલશે 4 IPO
ઘઉં-બાજરી છોડો કરો આની ખેતી, કરો રોજની 20-30 હજાર રૂપિયાની કમાણી, સરકાર આપશે સબસિડી

જાડેજા જાહેરાતોમાંથી પણ ઊંચી કમાણી કરે છે. તેઓ માય 11 સર્કલ, બજાજ કન્ઝ્યુમર કેર, ઇલેક્ટ્રોનિક્સ બ્રાન્ડ SWOTT, જીવન કિનારા કેપિટલ્સ, ASICS અને મોબાઇલ એસેસરીઝ કંપની એમ્બ્રેનને પ્રમોટ કરે છે. ક્રિકેટની રમતમાં આટલી ઊંચાઈએ પહોંચ્યા પછી પણ જાડેજાએ પોતાની 'દેશી' સ્ટાઈલ જાળવી રાખી છે. તેને ઘોડેસવારીનો ખૂબ જ શોખ છે. તેમણે જામનગરમાં તેના ફાર્મહાઉસમાં ઘણા ઘોડા રાખ્યા છે. ક્રિકેટમાંથી ફ્રી સમયમાં તે ઘોડેસવારીનો આનંદ માણે છે અને તેના વીડિયો પણ સોશિયલ મીડિયા પર પોસ્ટ કરે છે.

Lunar Eclipse: આ દિવસે લાગશે વર્ષનું પ્રથમ ચંદ્ર ગ્રહણ, આ રાશિવાળાનું જાગી જશે ભાગ્ય
સૈનિક સ્કૂલમાં સિવિલિયનના બાળકો લઇ શકે એડમિશન? જાણો એડમિશનને લગતી તમામ માહિતી

વર્ષ 2016 માં રવિન્દ્ર જાડેજાના લગ્ન રીવાબા સોલંકી સાથે થયા હતા, જેઓ પોતે એક સેલિબ્રિટી છે. સામાજિક કાર્યકર તરીકે પોતાની ઓળખ ઉભી કરનાર રીવાબા હાલમાં ગુજરાતમાંથી ભારતીય જનતા પાર્ટીના ધારાસભ્ય છે. બંનેને એક પુત્રી નિધ્યા છે. IPL 2023ની ફાઇનલમાં CSKને ચેમ્પિયન બનાવનાર રવિન્દ્ર જાડેજાના ચરણ સ્પર્શ કરતી રીવાબાનો ફોટો સોશિયલ મીડિયા પર વાયરલ થયો હતો.

કરી લો રૂપિયાનો બંદોબસ્ત, આવી ગયો કમાણીનો ટાઇમ, આ અઠવાડિયામાં ખુલશે 4 IPO
એકદમ ચમત્કારી છે આ દેવીનું મંદિર, અહીં દર્શન માત્રથી મળી જાય છે મનપસંદ જીવનસાથી!

સર જાડેજાના કાર કલેક્શનમાં આશરે રૂ. 6.5 કરોડની કિંમતની રોલ્સ રોયસ, રૂ. 90 લાખની કિંમતની Audi Q7, Audi A4, Hyundai Xcent, Ford Endeavour અને BMW X Oneનો સમાવેશ થાય છે. મળતી માહિતી અનુસાર, તેની પાસે હાયાબુસા મોટરસાઇકલ પણ છે. જાડેજાએ અત્યાર સુધીમાં 68 ટેસ્ટ, 197 વનડે અને 66 ટી-20 મેચ રમી છે. ટેસ્ટ ક્રિકેટમાં તેણે 35.94ની એવરેજથી 2804 રન બનાવ્યા અને 24.07ની એવરેજથી 275 વિકેટ, ODIમાં તેણે 32.42ની એવરેજથી 2756 રન બનાવ્યા અને 36.07ની એવરેજથી 220 વિકેટ અને T20 ઇન્ટરનેશનલમાં તેણે 480 રન બનાવ્યા. 22.85ની એવરેજ અને 28.41ની એવરેજથી 53 વિકેટ હાંસલ કરી છે.

બીજા દેશમાં ફરવાનો પ્લાન છે તો કેવી રીતે કરશો UPI payment? અહીં જાણો રીત
દૂધ ઉત્પાદકો અને ખેડૂતોને મોટી ભેટ, દૂધ વેચવા પર પ્રતિ લિટર રૂ.5ની સબસિડીની જાહેરાત

ટેસ્ટ ક્રિકેટમાં રવિન્દ્ર જાડેજાનો સર્વોચ્ચ સ્કોર અણનમ 175 રન છે. ટેસ્ટ ક્રિકેટમાં સદી ફટકારવા ઉપરાંત પાંચ કે તેથી વધુ વિકેટ લેવાનો રેકોર્ડ પણ તેના નામે છે. માર્ચ 2022માં શ્રીલંકા સામે મોહાલી ટેસ્ટમાં 175 રનની અણનમ ઇનિંગ રમવાની સાથે તેણે 41 રન આપીને 5 વિકેટ લીધી હતી. પ્રથમ દાવમાં 41 રનમાં 5 વિકેટ અને બીજા દાવમાં 46 રનમાં ચાર વિકેટ લીધી હતી. એક વિકેટના માર્જીનથી તે સદી અને 10 વિકેટ લેનારા ઓલરાઉન્ડરોમાં સ્થાન મેળવવાનું ચૂકી ગયો હતો. 

હવે ઘરેબેઠા લો સરકારી વિભાગની દરેક જાણકારી, જાણો RTI કરવાની ઓનલાઇન પ્રોસેસ
Sarkari Naukri: ઇનકમ ટેક્સ ડિપાર્ટમેન્ટ નિકળી મોટી ભરતી, પગાર 1 લાખ 42 હજાર