ચીન ઓપનઃ પીવી સિંધુનો પડકાર સમાપ્ત, ક્વાર્ટર ફાઇનલમાં થયો પરાજય

ફુઝોઉ (ચીન): ભારતની સ્ટાર મહિલા બેડમિન્ટ ખેલાડી પીવી સિંધુ માટે ચીન ઓપનમાં શુક્રવારનો દિવસ નિરાશાજનક રહ્યો હતો. વર્લ્ડ નંબર-3 સિંધુને મહિલા સિંગલ્સના ક્વાર્ટર ફાઇનલમાં હારનો સામનો કરવો પડ્યો અને તે ટૂર્નામેન્ટમાંથી બહાર થઈ ગઈ છે. આ સાથે તે પોતાનું બીજી ચીન ઓપન ટાઇટલ જીતવાથી પણ ચુકી ગઈ છે. 

સિંધુનો મહિલા સિંહલ્સના ક્વાર્ટર ફાઇનલ મુકાબલામાં ચીનની વર્લ્ડ નંબર-7 બિંગજિયાઓ સામે એક કલાક અને 10 મિનિટ સુધી ચાલેલા સંઘર્ષપૂર્ણ મેચમાં 17-21, 21-17, 15-21થી પરાજય થયો હતો. 

રિયો ઓલંમ્પિકની સિલ્વર મેડલ વિજેતા સિંધુએ 2016માં પ્રથમવાર ચીન ઓપનનું ટાઇટલ તેના નામે કર્યું હતું. આ વખતે પણ તેની પાસે આશા હતી પરંતુ ક્વાર્ટર ફાઇનલમાં તેને હારનો સામનો કરવો પડ્યો હતો.