ઘરમાં સુંદર-સુશીલ પત્ની હોય તો પણ પતિ કેમ બહાર ફાંફાં મારે છે? આ રહ્યા 4 કારણ

Relationship : તમે લવમેરેજ કરીને ઘરે ગર્લફ્રેન્ડ લાવ્યા હો તો તમને એ ગર્લફ્રેન્ડ હશે ત્યાં સુધી વ્હાલી લાગશે પણ જેવી પત્ની બની જશે તમને એનાથી કંટાળો આવવા લાગશે. લગ્ન બાદ પુરુષ અને સ્ત્રીના જીવન સંપૂર્ણ રીતે બદલાઈ જતા હોય છે. બંનેએ પોતાની એ આદતોમાં સુધાર કરવો પડે છે જે જીવનસાથીને દુખી કરી શકે છે. આ ચીજને કરવામાં સૌથી વધુ પરેશાની પુરુષોને થતી હોય છે. કારણ કે લગ્ન પહેલા તેઓ કોઈ પણ રોકટોક પહેલા રહેતા હોય છે. આવામાં અચાનક લગ્ન થઈ જાય પછી આદતો સુધારવામાં મુશ્કેલી પડતી હોય છે.

પતિની છિનવાય છે આઝાદી

ક્યાંકને ક્યાંક તેઓ પોતાની આઝાદી છીનવાઈ જવા બદલ પત્નીને પણ જવાબદાર ગણી લેતા હોય છે. પછી તો સ્થિતિ એવી પણ પેદા થઈ જતી હોય છેકે તેઓ તેમની પત્નીને બાજુ પર હડસેલી દુનિયાની બીજી મહિલાઓને સારી ગણવા લાગતા હોય છે. જો કે પતિનું આમ કરવા પાછળ બીજા પણ અનેક કારણો હોય છે. આજે અમે તેમને એવા જ કેટલાક કારણો વિશે જણાવીશું કે પત્ની ગમે તેટલી સુંદર, સુશીલ હોય પરંતુ પતિને કેમ બીજાની પત્ની કે પારકી મહિલા પાછળ મન લાગતું હોય છે. 

સંબંધમાં કંટાળો પેદા થવો
પુરુષનું મન ખુબ ચંચળ હોય છે. જો તેમને કોઈ ચીજમાં મજા ન આવે તો તેઓ તરત તે વસ્તુથી અંતર જાળવી લે છે. પરંતુ લગ્નના સંબંધમાં રહેવાની મજબૂરીના કારણે તેઓ પોતાના જીવનસાથી સાથે આમ કરી શકતા નથી. પણ એ વાત તેમને હંમેશા એવો અહેસાસ કરાવતો રહે છે કે તેઓ તેમના લગ્નમાં ખુશ નથી. આ પોઈન્ટ પર તેમને તેમની પત્ની નહીં પરંતુ બીજાની પત્ની કે પારકી મહિલા સારી લાગતી હોય છે. કારણ કે એ તેને કોઈ પણ પ્રકારની રોકટોક કરતી નથી. 

પત્ની સાથે દરેક વાત પર ઝઘડો થવો
તારી લાઈફ સારી યાર...તારી પત્ની કેટલી સીધી છે...દરેક વ્યક્તિ ઈચ્છે કે તે હંમેશા તેની ઈચ્છા મુજબ જીવે. તેણે કોઈને જવાબ ન આપવો પડે. પરંતુ જ્યારે પત્ની તેજ હોય તો પુરુષોની સુખ શાંતિ જાણે છીનવાઈ ગયું એવું તેમને ફીલ થાય છે. તેમને એવા લોકોની પત્ની ગમતી હોય છે કે જે તેમના પતિથી દબાઈને રહેતી હોય. તેમના ખોટા કામો વિશે પૂછવાની હિંમત સુદ્ધા ન હોય. દરેકને એમ જ લાગે છે કે પોતાની પત્ની જ ખરાબ છે બીજાની પત્ની સારી છે પણ સાથે રહે તો ખબર પડે કે દૂરથી ડુંગળા રળિયામણા છે. છોકરીની સુંદરતા જોઈને પરણી લેનારા ઘણા પસ્તાય છે. એટલે ફરી બીજી છોકરીને શોધવા લાગે છે. 

પત્ની પરવા ન કરતી હોય
દરેક પતિ ઈચ્છે છે કે તેની પત્ની તેની દરેક પસંદ નાપસંદનું ધ્યાન રાખે. પરંતુ જ્યારે એવું ન થાય ત્યારે તે પત્નીથી ઈમોશનલી દૂર થવા લાગે છે અને જ્યારે તે બીજાની પત્નીમાં આ વસ્તુ જુએ તો તે બીજાની પત્નીના વખાણ કરતા પોતાને રોકી શકતો નથી. આમ બંને જણા એકબીજાથી દૂર થતા જાય છે. 

મનમાં રહેલી અધૂરી ઈચ્છાઓ
દરેક વ્યક્તિના મનમાં તેના જીવનસાથી અંગે એક છબી બનેલી હોય છે. જેને પામવાની તેને હંમેશા ઈચ્છા હોય છે. પરંતુ રિયલ લાઈફમાં આવી જ વ્યક્તિ મળે તે જરૂરી નથી હોતું. આવામાં વ્યક્તિ જે પણ મળે તેમાં સંતોષ મેળવવાનું શીખી જાય છે. પરંતુ જ્યારે તે કોઈ બીજામાં આ ગુણો જુએ તો તે તેના તરફ ખેંચાતો જાય છે. આવામાં જો તમારા પતિ કોઈ અન્ય મહિલાના બહુ વખાણ કરે તો શકય છે કે તેઓ હંમેશાથી એવી સ્ત્રીને પોતાની પત્ની તરીકે ઈચ્છતા હોય તેવું પણ હોઈ શકે. 

 (Disclaimer: અહીં અપાયેલી માહિતી સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.)

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube