Photos : પુરુષ વગરના ક્ષમા બિંદુના આત્મવિવાહ, જ્યાં તે કન્યા અને વર બંને બની... બહેનપણીઓએ લગાવી મહેંદી

રવિ અગ્રવાલ/વડોદરા :વડોદરાની ક્ષમા બિંદુએ આખરે પોતાની સાથે આત્મવિવાહ કરી લીધા છે. ગણતરીના લોકોની હાજરીમાં તેણે ઘરમાં જ લગ્નવિધિ કરી હતી. જ્યાં તેણે હળદી સમારોહથી લઈને સાત ફેરા સુધીની વિધિઓ કરી હતી. આત્મવિવાહના ઉઠેલા વિરોધને કારણે તેણે નક્કી કરેલી તારીખના બે દિવસ પહેલા જ તેણે ઘરે સાદગીથી લગ્ન કરી લીધા હતા. આમ, દેશમાં પહેલા આત્મવિવાહ સંપન્ન થયા છે અને ક્ષમા આત્મવિવાહ કરનારી દેશની પહેલી યુવતી બની છે. હિન્દુ રીતિરવાજ પ્રમાણે જેમ વર અને કન્યા હોય છે, તેમ તે કન્યા પણ બની અને વર પણ બની. આ પળને ખાસ બનાવવા માટે તેણે અરીસામાં પોતાનુ પ્રતિબંધ જોયુ હતું. તેને જીવનમાં પુરુષની જરૂર નથી. ત્યારે તમને પણ આત્મવિવાહ કેવા થયા હશે તે જાણવાની તાલાવેલી હશે. જેમાં મહેંદીથી લઈને હળદી અને લગ્નની તમામ રીતરિવાજો નિભાવવામાં આવી. પરંતુ ક્યાંય વર ન હતો. પુરુષ વગર મંડપે બેસેલી ક્ષમાએ આત્મવિવાહની તસવીરો સોશિયલ મીડિયા પર શેર કરી છે. ત્યારે જુઓ કેવા છે આ આત્મવિવાહ