ગુજરાત પર આવી રહ્યું છે મોટું સંકટ, ફરી ડિસેમ્બરની આ તારીખે આવશે વરસાદ

બંગાળની ખાડીમાં ડિપ્રેશન સર્જાયું છે. તેની અસરને કારણે ઓરિસ્સા અને આંધ્રપ્રદેશમાં ભારે વરસાદની સંભાવના છે. પશ્ચિમ બંગાળ, છત્તીસગઢ, તેલંગાણા, તમિલનાડુ, આંધ્રપ્રદેશ અને કર્ણાટકમાં પણ વરસાદની શક્યતા છે. પહાડો પર હળવું વેસ્ટર્ન ડિસ્ટર્બન્સ આવી રહ્યું છે. તેની અસરથી ઊંચા પહાડો પર હળવો વરસાદ અને હળવી હિમવર્ષા થશે. ૨૫મી ડિસેમ્બરથી દેશનું હવામાન બદલાવાનું શરૂ થશે. મધ્યપ્રદેશમાં ૨૫ ડિસેમ્બરે અને ગુજરાત અને રાજસ્થાનમાં ૨૬ ડિસેમ્બરે વરસાદની ગતિવિધિઓ શરૂ થઇ શકે ૨૭ અને ૨૮ ડિસેમ્બરે પંજાબ, હરિયાણા, દિલ્હીથી લઈને ઉત્તર પ્રદેશ, મધ્ય પ્રદેશ અને બિહાર સુધીના વરસાદની સાથે પર્વતોમાં હિમવર્ષા થશે.

ભારતીય હવામાન વિભાગ (IMD) અનુસાર, ગુરુવારે દક્ષિણ-પશ્ચિમ બંગાળની ખાડી પર નીચા દબાણનું ક્ષેત્ર પશ્ચિમ-મધ્ય ક્ષેત્રમાં હતું. તે આગામી 24 કલાકમાં તમિલનાડુ અને આંધ્રપ્રદેશના દરિયાકાંઠા તરફ આગળ વધે તેવી શક્યતા છે, જેના કારણે દરિયાકાંઠાના જિલ્લાઓમાં ભારે પવન અને ભારે વરસાદ થશે. ઉપરાંત, પશ્ચિમ હિમાલય વિસ્તાર અને આસપાસના મેદાનોને અસર કરવા માટે 27 ડિસેમ્બરથી એક નવું પશ્ચિમી વિક્ષેપ સક્રિય થઈ શકે છે. 

હવામાન વિભાગે જણાવ્યું હતું કે લો પ્રેશર વિસ્તારની અસરને કારણે 20 ડિસેમ્બરે આંધ્રપ્રદેશમાં ભારેથી અતિ ભારે વરસાદની સંભાવના છે. તમિલનાડુ અને પુડુચેરીમાં કેટલાક સ્થળોએ ભારે વરસાદ પડશે. ઓડિશા અને પશ્ચિમ બંગાળમાં 20-21 ડિસેમ્બર, નાગાલેન્ડ, મણિપુર, મિઝોરમ અને ત્રિપુરામાં 20 થી 24 ડિસેમ્બર સુધી વરસાદ થઈ શકે છે. તેમજ આસામ અને મેઘાલયમાં 21-23 ડિસેમ્બર દરમિયાન વરસાદની સંભાવના છે IMD અનુસાર, જમ્મુ. કાશ્મીર અને લદ્દાખના મોટાભાગના વિસ્તારોમાં લઘુત્તમ તાપમાન માઈનસ હતું.

હવામાન નિષ્ણાત અંબાલાલ પટેલે આગાહી કરતા કહ્યું કે, 16 થી 22 ડિસેમ્બર ગુજરાત તરફ વાદળો આવી શકે છે. જેનાથી દક્ષિણ ગુજરાતના કેટલાક ભાગોમાં વાદળછાયું વાતાવરણ રહી શકે છે. આગામી 26 ડિસેમ્બર બંગાળના ઉપસાગરમાં વધુ એક સિસ્ટમ બનવા જઈ રહી છે. જેને કારણે 26 થી 4 જાન્યુઆરી સુધી માવઠું આવી શકે છે. 4 જાન્યુઆરી બાદ ઠંડીમાં વધારો થઈ શકે છે. ઉત્તરાયણ આસપાસ પશ્ચિમ વિક્ષેપ આવતા ઠંડી વધશે. કેટલાક વિસ્તારોમાં માવઠું આવી શકે છે. જાન્યુઆરી માસ ઠંડો રહી શકે છે. એટલે કે આ મહિનામાં કાતિલ ઠંડી પડશે.