National Tourism Day: લક્ષદ્વીપ જ નહીં ભારતના આ 5 આઈલેન્ડ પણ છે જોવા જેવા, યાદગાર બની જશે ટુર

અંદામાન નિકોબાર આઇલેન્ડ ભારતના સૌથી મોટા દ્વીપ સમૂહમાંથી એક છે. હનીમૂન અને સોલો ટ્રીપ માટે આ બેસ્ટ ડેસ્ટિનેશન છે. અહીંના સુંદર બીચ તમારું મન મોહી લેશે. 

દીવ આઇલેન્ડમાં તમને પોર્ટુગીઝ કલ્ચરની એક ઝલક જોવા મળશે. અહીંના સેન્ડી બીચ, 16 મી સદીની કલા તમારા પ્રવાસને યાદગાર બનાવશે. દીવ ગુજરાતમાં હોવાની સાથે તમને અહીં ગુજરાતી સંસ્કૃતિનો અહેસાસ પણ થશે.

માજુલી દુનિયાનું સૌથી મોટું રીવર આઇલેન્ડ છે. આસામના જોરહાટ જિલ્લામાં બ્રહ્મપુત્રી નદીમાં આ જગ્યા આવેલી છે. અહીંની સુંદરતા અને યુનિક કલ્ચર દુનિયાભરના ટુરીસ્ટને આકર્ષિત કરે છે. 

તમિલનાડુમાં આવેલા રામેશ્વરમ્ દ્વીપને પંબન આઇલેન્ડ પણ કહેવાય છે. અહીં સુંદર દરિયા કિનારાની સાથે તમે વિવિધ મંદિરોની મુલાકાત પણ લઈ શકો છો. અહીં તમે ફ્લાઇટ મારફતે પણ જઈ શકો છો પરંતુ રામેશ્વરમ્ સુધીની ટ્રેનની સફર યાદગાર બની શકે છે.

સેન્ટ મેરીઝ આઇલેન્ડ ચાર નાના નાના દ્વીપ સમૂહ છે. કર્ણાટકના ઉડ્ડપી પાસે અરબસાગરમાં આ આઇલેન્ડ આવેલા છે. અહીંના રોક ફોર્મેશન અને ક્લિયર બ્લુ વોટર પ્રવાસીઓને આકર્ષિત કરે છે. અહીં પહોંચવા માટે તમારે હોળીની મદદ લેવી પડશે. જોકે આ દ્વીપ પર જવા માટે તમારે તમારી સાથે ખાવા પીવાની વ્યવસ્થા પણ રાખવી પડશે.