પહેલીવાર સામે આવી જેલની અંદરની તસવીરો, કેદીઓને જીવતેજીવ અપાય છે મોત જેવી સજા, જોઈને રુંવાડા ઉભા થઈ જશે

આ જેલ રાષ્ટ્રપતિ નયિબ બુકેલેની કઠોર નીતિનો હિસ્સો છે. જે દેશમાં આરોપીઓને કડક કાર્યવાહી કરવા માટે પ્રખાય છે. તેમની સરકારે ગેંગના આરોપીઓની વિરુદ્ધ એક સખત અભિયાન ચલાવ્યું છે. જેને કારણે સલ્વાડોરમાં ગુનાના રેટમાં ઘટાડો આવ્યો છે. 2013 માં 1 લાખ લોકોની સંખ્યા સામે 107 હત્યા થતી હતી. જે વર્ષ 2023 માં ઘટીને 7.8 ટકાવારી થઈ. કેટલાક આલોચકોનું કહેવું છે કે, આ આંકડા રિયલ નથી.

એલ સલ્વાડોરમાં ચલાવવામાં આવતા અભિયાનને કારણે માનવાધિકાર સંગઠન તેને લઈને ચિંતિત છે. એક માનવાધિકાર ગ્રૂપ ક્રિસ્ટોસાલે દાવો કર્યો કે, બુકેલેએ હજારો લોકોને પુરાવા વગર પકડ્યા છે. જેમાંછી 7000 લોકો મુક્ત કરાયા છે. આ સંગઠને એમ પણ કહ્યું કે, જેલમાં 261 લોકો માર્યા ગયા છે. જેનું કારણ જેલમાં આપવામાં આવતી પીડા પણ હોઈ શકે છે.

ક્રિસ્ટોસાલના અનુસાર, જેલમાં બંધ લોકોના અધિકારોની રક્ષા કરવા માટે કોઈ નીતિ નથી. આ લોકોના મોત યાતના, ભોજનની અછત, અસ્વસ્થ પરિસ્થિતિ અને અમાનવીય વ્યવહારને કારણે થઈ છે.   

CNN એ જેલમાં જઈને જમીની વાસ્તવિકતાની તપાસ કરી. જેલમાં કેદીઓને કોઈ સુવિધા નથી. તેઓ ઠંડીમાં સખત સજા ભોગવી રહ્યા છે, જ્યાં તેમને માત્ર મેટલ બેન્ચ પર સૂવાનો મોકો મળે છે અને ન તો તેમની પાસે ગાદલું છે. ઓશીકું નથી. ખુલ્લામાં શૌચાલય, પ્લાસ્ટીકની ડોલ અને સિમેન્ટનું બેસન છે છતાં પણ અધિકારીઓએ સેલની સફાઈ અંગે ફરિયાદ કરી નથી.

કેદીઓનો આહાર ખૂબ જ સરળ છે - મોટાભાગે કઠોળ, ચોખા, કઠોળ, ચીઝ અને એક કપ કોફી. જો કે, જેલનું સંચાલન કરતા બેલાર્મિનો ગાર્સિયાના જણાવ્યા અનુસાર, આ કેદીઓને દિવસમાં ત્રણ વખત ભોજન આપવામાં આવે છે અને કેટલાક ધાર્મિક કાર્યક્રમો હેઠળ તેમને કસરત અને ચર્ચ સેવાની તક પણ મળે છે.

જેલમાં ગુનેગારો સાથેની સજાની કઠોરતા અને અસંવેદનશીલ વ્યવહાર હોવા છતાં, ગાર્સિયા કહે છે કે આ જેલ સંપૂર્ણપણે કાયદાકીય પ્રક્રિયા અને માનવ અધિકારોનું પાલન કરે છે. જોકે ઘણા ટીકાકારો માને છે કે આવી સજા કેદીઓને માનસિક અને શારીરિક રીતે બીમાર બનાવશે અને જ્યારે તેઓ જેલમાંથી બહાર આવશે ત્યારે તેઓ સમાજ માટે જોખમ બની શકે છે.