ભગવાન પણ જબરા ખેલાડી : એક બાજુ રસાતાળ અને આ જિલ્લાઓ કોરાધાકોર, જાણો 33 જિલ્લામાં કયાં કેટલો વરસાદ

સરકારી આંકડા પર નજર કરીએ તો, હાલ દક્ષિણ ગુજરાત આખેઆખું વરસાદના બાનમાં છે. દક્ષિણ ગુજરાતમાં 117.42 ટકા વરસાદ નોંધાયો છે. પરંતું આશ્ચર્યની વાત છે કે, ગુજરાતમાં આ સીઝનનો સૌથી વધુ વરસાદ કચ્છ જિલ્લામાં રહ્યો છે. જે પ્રદેશ ગુજરાતનો સૂકો પ્રદેશ કહેવાતો હતો, ત્યાં હવે પાણીની રેલમછેલ થઈ રહી છે. આ વર્ષે કચ્છ જિલ્લામાં અત્યાર સુધી 179.34 ટકા વરસાદ નોંધાયો છે. તો સૌરાષ્ટ્રમાં 125.50 ટકા, મધ્ય ગુજરાતમાં 113.56 ટકા અને ઉત્તર ગુજરાતમાં 94.82 ટકા વરસાદ છે.   

કચ્છની વાત કરીએ તો, કચ્છના અબડાસામાં 228.57 ટકા વરસાદ થયો છે. અન્ય તાલુકાઓ પર નજર કરીએ તો, અંજાર 153.30 ટકા, ભચાઉમાં 89.70 ટકા, ભૂજમાં 143.91 ટકા, ગાંધીધામમાં 141.21 ટકા લખપતમાં 175 ટકા, માંડવીમાં 310 ટકા, મુન્દ્રામાં 234 ટકા નખત્રાણામાં 229 ટકા અને રાપરમાં 84 ટકા વરસાદ રહ્યો.