CM રૂપાણીએ તદ્દન નવા વિચાર સાથે પોતાના ઘરમાં ગણપતિ સ્થાપના કરી
સાર્વજનિક ગણેશ ઉત્સવને બદલે લોકો પોતાના ઘરમાં રહીને જ આ દુંદાળા દેવની આરાધના પૂજા કરે તેવી મુખ્યમંત્રી વિજય રૂપાણી (vijay rupani) એ સૌને અપીલ કરી
હિતલ પારેખ/ગાંધીનગર :ગણેશ ચતુર્થી (Ganesh Chaturthi 2020) નો આ ઉત્સવ ગુજરાતમાં ઉમંગ ઉલ્લાસથી સૌ ઉજવી રહ્યાં છે. ખાસ કરીને વડોદરા, સુરત વલસાડ વગેરે શહેરોમાં ધામધૂમપૂર્વક વિઘ્નહર્તા ગણેશજીનો ઉત્સવ મોટા પાયે ઉજવાય છે. આ વર્ષે કોરોના સંક્રમણને કારણે સાર્વજનિક ગણેશ ઉત્સવને બદલે લોકો પોતાના ઘરમાં રહીને જ આ દુંદાળા દેવની આરાધના પૂજા કરે તેવી મુખ્યમંત્રી વિજય રૂપાણી (vijay rupani) એ સૌને અપીલ કરી છે. મુખ્યમંત્રી વિજય રૂપાણીએ ગણેશ ચતુર્થીના પાવન પર્વ પ્રસંગે પોતાના નિવાસસ્થાને પર્યાવરણ પ્રિય ગણેશ સ્થાપનનો નવતર અભિગમ અપનાવ્યો છે.
મુખ્યમંત્રી વિજય રૂપાણીએ પણ પોતાના નિવાસસ્થાને અભિનવ વિચાર સાથે ગણેશ સ્થાપના કરી છે. ‘પ્લાન એ પ્લાન્ટ વિથ ગણેશ’ (plan a plant with ganesh) નો એક નવતર અભિગમ તેમણે પોતાના ઘરે ગણેશ સ્થાપના કરી છે. આ નવતર અભિનવ વિચારમાં મુખ્યમંત્રીએ પ્લાન્ટમાં પરમાત્માની ભાવના સાથે સૌને પર્યાવરણ જતન સંવર્ધન માટે મોટા પાયે વૃક્ષો વાવવા આગ્રહ ભરી અપીલ પણ કરી છે.
ઉલ્લેખનીય છે કે, આજે ગણેશ ઉત્સવ પર લોકો કોરોનાના કારણે ઘરે જ ઉજવણી કરી રહ્યાં છે. પણ, બીજી તરફ મોટી સંખ્યામાં ભક્તો ગણેશ મંદિરોમાં પૂજા કરવા પહોંચ્યા છે. પાવન પર્વ પર ગણેશ મંદિરમાં દર્શન કરવાનું અનેરુ મહત્વ હોય છે.
Trending Photos
- 6
- 5
- 8
- 4
