સુરતમાં બની દેશની સૌથી મોંઘી છત્રી, હીરા જડેલી છત્રીની કિંમત છે લાખોમાં
ચેતન પટેલ/સુરત :સુરતમાં 27 થી 29 નવેમ્બર દરમિયાન જેમ્સ એન્ડ જ્વેલરી એક્ઝિબિશન યોજાવાનું છે. જેમાં 12 હજાર હીરા જડેલી સોનાની 20 લાખની છત્રી આકર્ષણનું કેન્દ્ર બની રહેશે. આ પ્રદર્શનમાં હોંગકોંગ, લંડન, અમેરિકા, દિલ્હી, મુંબઈ, અમદાવાદ, બેંગલોર, ચેન્નાઈ, કલકત્તા, હેદ્રાબાદ, જયપુર સહિત 8000થી વધારે લોકો મુલાકાત લેશે.
વિશ્વની મોંઘીદાટ છત્રી
સુરતના એક્ઝિબિશનમાં રજૂ થનારી આ છત્રી વિશ્વની સૌથી મોંઘી છત્રી બની રહેશે. ડાયમંડમાંથી બનાવાયેલી આ છત્રીની કિંમત 20 થી 25 લાખ રૂપિયા છે. તો ડાયમંડ છત્રીને બનાવવામાં 25 દિવસ લાગ્યા છે. છત્રી બનાવવામાં 30 કામદારોની મહેનત આખરે રંગ લાવી છે. તેને જોઈને નજર ન હટે તેવી છે.
સુરતના જ્વેલરી એક્સપોમાં દેશ-વિદેશના 105 મેન્યુફેક્ચરર્સ ભાગ લેશે. જેમાં અમેરિકા, લંડન સહિત દેશ-વિદેશના 8 હજાર લોકો મુલાકાત લેશે. જેમાં હીરાજડિત અને સોના-ચાંદીની કિંમતી વસ્તુઓ પ્રદર્શિત કરવામાં આવશે.
Trending Photos
- 5
- 9
- 12
- 5
